¹ Wagaratia abhagege, nirisoki erisarya rino ribhasarirye? Awe Yeesu Kristo aterkibhwe kweego munyakibhwe kubhukangati bhwaameeso genyu? ² Enye nirenda okumenya rino kureka kuunemwe. Awe mukayigwata ekoro kuumatemio gyee erihatike hamwe kwa kwikirirya kino mwiguru. ³ Awe, emwe ni bhagege kuubhwera bhuno? Awe mukakangata gati muukyaro mumarirye kwoomubhiri? ⁴ Awe mukanyaka kumang'ana maaru bhusa, aribha heene gaabhanga gaabhusa? ⁵ Awe ewe murusha we ekoro kweemwe nookukora amagendereryo geezinguru gati wenyu kukora kwasi magendereryo gyee erihatike hamwe kwookwigwa hamwe hayo neeheene? ⁶ Abraham "Arikirirya Eriobha akabhwirwa kubha mwene hene." ⁷ Kuutemwa yiryayirya mumenye kubha bharya bhani bhikirirye naabhana bhaa Abraham. ⁸ Erekamo rikarota kubha Eriobha ringabhabhriri eheene abhaatu bhe ebhyaro kweenzira yeeheene. Ekina kikakerenibhwa bhukangati bhwa Abraham: "gatigati waa weebhyaro goosigo garahakwa. ⁹ Kweeribhaga rirya bharya abhana bheheeene bhaahakwe hamwe na Abraham, wuno yabhanga neeheene. ¹⁰ Bhaarya bhano bhahaganyirira amagendereryo geerihatike bhari yasi woobhwihimwa. "Kwookubha yakamirwe bhihimirwe abhatu bhoosigo bhano bhatakugwatana amang'ana goosi gano gakamiirwe gati muukitabhu kye-erihatike, kugakora gosi." ¹¹ Bhoono ni mwasi kubha Eriobha ritakumubharira eheene nabhe wuumwe kweerihatike, kuuriyo wuuno, "Aneeheene arikara kwee heene." ¹² Erihatike ritakurwera muuheene, nawe kumweya gwaye "Wuno akukora amang'ana gayo gati weerihatike atakwikara kweerihatike. ¹³ Kristo akatuturya etwe kureka gati kuubhwihimi bhweerihatike kwiibhaga rino yamukoreri amihime kwookubha kweetu. Kuugayo akamiirwe, "Yihimirwe omutu wooai wuuno atemererwe iguru yoomuti." ¹⁴ Erisego ryabhaanga kubha, oru ezibhango zinozabhanga kwii Ibrahimu zaangiziri kuubhatu bhaa mubhyaro gati kuu Kristo Yeesu, kwookubha tunagye kugwata obhurage bhwe ekoro kuhitira eheene. ¹⁵ Omuhiri, nirakyerenia kweetemwa ya mubhatu. Hata eribhaga rino rye ekitu rihwiri kuturwa bhukong'u, ataroho wo okunagya kuzera nookwongerya. ¹⁶ Bhoonego obhurage bhukaharywa kuu Ibrahimu na kubhwibhurwa bhaaye. Etakubhuga, "kuubhwibhurwa" kweerekenia, bhoono kumenya kuumwe omweene keree, "kuubhwibhurwa bhwazo bhuno ni Kristo." ¹⁷ Bhoonego ndabhugeego erihatike rino rikaza kumiaka 430 inyuma hayo, ritakurushaho eriragano rinyuma hayo rino ryaturirweho nee Eriobha. ¹⁸ Kuubhuyo aribha engabho yangiziri kweenzira yeerihatike otari arabha kweki wazirikwenara yoobhurage. maawee eryobha ekabhurusha bhusakwu Ibrahim kweenzira yoobhurage. ¹⁹ Kwa kibhoonego eribha hatike rikarushibhwa? ekongerwa kwaa mang'ana goobhusarya teekubhwibhuri bhwa Ibrahim. yizekuubharya nano owabhu yabhanga aherwe obhurage erihatike ritaturwa gati woomweya kuhitira malaika kuubhoko kwoomutongeri. ²⁰ Bhoonego omutongeri arisiga irugu yoomutu wuumwe, newee nie Eriobha wumwe omwene. ²¹ waye kuubhuyo awearihatike ririkihuteti noobhurange bhwee eryoobha? mbee bhamure! kookubhaerihatike erino ryaririrushibhwe ryari noobhnragya obhuhoru, eheene yari arabhonekana kwiihatike. ²² Nawe kuumweya gwayealikamo ribhohiri amang'ana goosi iyasi waamabhi. Eryoobha nkakora ego kubha obhurage bhwaye wookukuturya etwee kwecheen gati kuu yesu kristo eniagye kubhoneka kubharya bhano bhikirirye. ²³ Nawe inyuma weheene gati wa kristo itiziri twari tubhohirwe kwuyasi werihatike bhuuze obhukundukuro bhweheene. ²⁴ Kwuubhuyo erihatike rikakoreka kuumukungati wetu tee kuukristo hano akaanza , kwookubha tubharweheene kuuheene. ²⁵ Bhoonego kwookubha ehene yiziri, tutaroho kweki iyasi woomwangariri. ²⁶ kwookubha emwe mwooso na abhaana bheeryoobha kuhirirya kuu kristo yesu. ²⁷ Bhoosigo bhana musubwhirwe gati kuu kristo mwibhohiri kristo. ataroho omuyahudi hamo muyunani mubhagati hamwe ²⁸ Atabhohirwe musubhe he au mukari kwookubha emwe bhoosigo ni wuumwe gati kuu kristo yesu. ²⁹ Aribha emwe ni bhaa kristo mbee nibhwibhurwa bhwa Ibrahim, abhagabhi kumang'ana gookuragwa.