¹ Muhiri, arabhe omutu agwatirwe gati yobhubhihu, emwe bhao bhe Ekoro, murakong'enwa okumukyooryab wuyo omuhiri gati gati we Ekoro enyohu. Neno murirorerera abhene. ² Mutagegerana emirigo, nego mramarirya erihatike rya Kristo. ³ Aribha omuutu wuyo wosi arirora niomuzomu nawe atana kigiro, ariing'enereerya omwene. ⁴ Kira omutu arenge omurimo gwaye. Aribha arabha ne kigiro kyaye omwene no okwikuumwa akyari kwiring'ania omwene no omutu wuyo wosi. ⁵ Kwo kubha kira omutu aragega omurigo gwaye omwene. ⁶ Omutu wuno yegwibwe eng'ana ahatike amugwatania amazomu omwegia waye. ⁷ Mtang'eneriribwa. Eriobha ritakusakibwa. Kino omutu akwemya niikyo akugesa. ⁸ Hano okwemya embibho yo obhubhihu, oragesa obhubhihu, nawe wuno akwemya embibho ne Ekoro, aragesa obhuhoro bwa siku zyosi okurwa Muukoro. ⁹ Tutarosa okukora amazomu, kwookubha eribhaga ryo okugesa tutakutiiga mgono. ¹⁰ Kwe ego, hano turabhe no omweya, tukoore amazomu kwo kira owumwe. Tukore amazomu maaru kwo okwikirirya. ¹¹ Murore obhukuru bwe nyarubha ziino niibhakamiiri no okubhoko kwaane omwene. ¹² Bhano bhakwenda kukora amazomu go omubhiri nibho bhene kuuhatika bhasarwe. Bharakorego kwokubha bhatige kusikira muunyako yo omusarabha gwa Kristo. ¹³ Kwookubha bhayo bhasarirwe bhatakugwata eriihatike, bhareenda emwe musarwe bhiheemere emibhiri gwenyu. ¹⁴ Mutaaza kwiiheema haano omusarabha gwa Taatabhugya wetu Yeesu Kristo. Ni kunewe akanyaharwa muukyaro naaneenye. ¹⁵ Kwookubha tutakumenya okusarwa no okumenya okusarwa kubha nikigiro. Kwego obwibhuri obhuhya bhurenderwa. ¹⁶ Kweebhano bhakwiikara kuumahokya ghano, bhabe no obweera ne ebhigongi bhibe iguru wabhu ne Israeri ye Eriobha. ¹⁷ Kweemera bhoono omutu wuyo wosi ataninyakya, kwo okubha nigegiiri ekiimenyekereryo kya Yeesu kumubhiri gwaane. ¹⁸ Orubhango rwa Taatabhugya wetu Yeesu Kristo ibhe ne Ezikoro zyenyu, abhahiri. Amina.