¹ Nawe Sauri asingirirya kugamnba okwobhohi ago oruku kubha abhe shure bha Taata, akagia omusengeri mukuru. ² Nokumusabha enyarubha kwookubha ya amasengerero eno Dameski, kwokubha arabhone omutu wuno gati we enzira irya abhe musubhe hamwe mukari, abhabhohe no kubhahira Yerusaremu. ³ Hano yari kurugenda, akarorekana hano yari haguhi kuhika Dameski, kitu kirirano amimagamaga hosihosi obweru kurwa mwisaro. ⁴ akagwa hasi akigwa omumiro guramburira Sauri, Sauri, ndora oraninyakia enye? ⁵ Sauri akamukyora, enaki ewe tata? Taata akakyora, enye ninye Yeesu uno okuntindya. ⁶ Nawe bhuka sikira mwibhoma wosi orabhurirwa erenderwa okoru. ⁷ Abhatu bhano bhatugya rugendo hamwe na Sauri bharahorera kiri, bharitegerera Sauri, bhatakurora mutu. ⁸ Sauri akabhuka gati yeesi hano akamugora ezimoni zyeye, atariuzi kigiro, bhakamugwata aokubhoko bhamuretiri Dameski. ⁹ Kueziku isatu atakurora, atakurya, no okunywa. ¹⁰ Niho areho omwana we shure Dameski erina ryaye Anania tata kabhuga, gati marwazo "Anania" Akabhuga. Rora ndihano, tata. ¹¹ "Tata akambhurira,"Bhuka ogende zyazo gati we Eryobha ino ikubhikirwa nyofu, na gati we enyumba ya Yuda nobhuire omtu kurwa Tarso wuno akubhirikirwa Sauri nawe akiasabha, ¹² Amurore gati we ebhiroto omutu erina ryaye Anania akasikira no kumturira amabhoko iguru waye niho abhone okurora. ¹³ Nawe Anania akamukyora, tata, Nigwiri amang'ana go omtu ono kubhatu bharu ni kwaki abhakoreri ego amabhiohu ameru bha Yerusaremu. ¹⁴ Hano ana omwamuri okurwa ku omusengeri kumukyatakira oumwe wuno akuribhirika erina ryazo. ¹⁵ Nawe tata omubhurira nogie kwokubha ewe ni kigiro kiterurwe kunenye arigege erina ryani embere wa ebharo na abhatemi na abhana bha Israeri. ¹⁶ Nawe ndabherekia gari amaru gano gakwendererwa kunyakibha kurina ryane. ¹⁷ Anania akagia akasikira yika akamturira amabhoko abhaga muhiri wane Sauri tata Yeesu yuno akandera gati we nzira hano wari okuza atumiri obhune kurora kweki na wiziribhwe ekoro endabhu. ¹⁸ Kitukiraho bhikagwa muzimoni zyaye abhigitokya amasakwa abhona aokurora amenara okusubhwa akarya ebhyakura akabhona ezinguru. ¹⁹ Akikara hamwe ne abhana bhe shureeyo Dameski kuzisiku ezinzaru. ²⁰ Eribhaga riyo riyo akamurarika Yeesu mwesengerero akabhuga kubha ewe mwana wa tata bhugya. ²¹ Na bhosi bhano bhakarugura na kuahaya atari omutu wuno kusarya bhosi bhano bhahabhirikirta erina rino eho Yerusaremu? Na hano akaza kwetemo yo kubhigaraa no kubhahira abhasengeri". ²² Nawe Sauriakakorerwa kurarika no kukora Wayahudi bhano bhikai Dameski kuyangaha no kubha neeheene kwokubha uno niwe Kristo. ²³ Niho ezisiku ezinzaru, wayahudi bhaka kora obhusinziro hamwe niyo bhamwite. ²⁴ Nawe okwenda kwabhu gukamenyekana ku Sauri bhakamwitengera mukiseku omwisi noobhutiku bhabhone kumwita. ²⁵ Nawe bhana bhe eshure bhaye bhakamugega otiku bhakamwitumia kuhitira kinyiki bhaklamutumia hasi gati esakwa. ²⁶ Sauri hano akahika Yerusaremu akasaki akugwatana na abhana bhe shure nawe bhari bharamubhoha bhatamenya kubha ewe nimwana wa shure. ²⁷ Nawa Barnaba akamugega kumuhira mbagati no kumubhuri kyego Sauri kyego akamurora tata kunzira na tata kyego akagamba nawe na kiego Sauri ararika kwa managa kurina rya Yeesu eyo Dameski. ²⁸ Akasikana nabho hano bhasikirana kuhuruka Yerusaremu akagamba kwa amanaga kurina tata Yeesu. ²⁹ Bharabhurana Yahudi bhe Kiyunani nawe bhakasakia hayo na hayo kumwita. ³⁰ Eribhaga a bhahiria hano bhamenya ering'ana bhakamugega tee Kaisari, No kumuhira agende taris. ³¹ Niho mwisabhiro rwosi gati Yahudi gariraya na Samaria rihabha kisi na rikombokwa okugenda gati obhobha tata no okuhonio kwe eko endabhu erisengerero ikakuro no okwongerya abhasabhi. ³² Niho ekarorekana Petro ahabha arinogoronogora embera ekiaro, akabhitumira abhasabhi bhano gati wo mugye gwa rida. ³³ Akamurora iyo mutu umwe erina ryaye Ainea omutu uyo ahabha kubhuriri miaka muhangati kwokubh ahabha ameziri. ³⁴ Petro amburira, "Ainea Yeesu Kristo ohoriye bhuka wiyarye obhuriri bhazo, niho akabhuka. ³⁵ Na bhatu bhosi bhano bhahikara rida na Sharoni hano bhakamurora omutu oyo, bhjakamwikyoora tata. ³⁶ Hahabha no omwana we shure Yafa awona akubhirikirwa Tabitha, rino bhakakyora kubha "Dorcas, omukarioano akizura emirimo emizomu na amatemio amazomu gano ahakora kubhataka. ³⁷ Ekaroreka agati weesiku ziyo akarwara akakwa hano bhakamuhura aorugando bhakamtirya gati iguru no kumuhindirya. ³⁸ Kwokubha rida ahabha haguhi na Yafa na abhana bhe shure bhakigwa kubha Petro ahabha eyo bhakabhatuma bhatui bhabhiri kunewe, bhakamwisasama "nzo owetu otaza kukezara" ³⁹ Petro akimuka na akagia hamwe nabho hano yahikiri bhakamuhira mkinyumba kiguru na abhatumba bhosi bhakimerera haguhi nawe bharira bhakamwere ezingizo zino Dorcas atumira hano bhahabha nawe hamwe. ⁴⁰ Petro akabhuru bhaosigo igutu wee gati akahiga akasabha niho akikebhukira omubhiri akabhuga "Tabitha bhuka" akaonyokya ezimoni zyaye nahazo akamrora Petro akikara hasi. ⁴¹ Niho Petro akamuha okubhoko kwaye akamubhukya, mna hano abhabhirikira abhasengeri ne emitumba akabhagwatane kunebho akiari muhoru. ⁴² Ering'ana rino rikamenyekana Yafa yosi na abhatu abharu bhakamwikirirya tata. ⁴³ Ekabhoneka Petro akikara ezisiku nzaruYafa, hamwe na omutu wuno ahabhirirwa Simoni omukori we ebhisero.