¹ Ahabhaho omutu omung'aniya mumugye gwa Kaisaria, eriina ryaye Kornerio, ahabha omukuru we ekikosi kya Kiitaria. ² Ahabha musuki we Eryoobha, na ahasaabha Eryoobha na enyumba yaaye yooasigo, akahaana heera nzaaru kuubhayahudi na akasaabha kuuEryoobha siku zyoosi. ³ Eribhaga rya saa sita muumwisi, akaroota amaraika wa Eryoobha aramuzaaku. Maraika akamubhurira "Kornerio! ⁴ Kornerio akamumahirira maraika, na ahabha na bhiganio bhikuru saana akabhuuga omukuru kino niki, maraika akamubhurira "Amasabhi gaazo nz ezawadi zyaazo kuubhataka zitiriiri iguru kama kumbukumbu kuu Ryoobha. ⁵ Tumaanyia abhaatu bhaagye mumugye ghwa yaafa kumureeta mutu uumwe uuna akubhirikirwa Simoni uuno akubhirikirwa Petro. ⁶ Arikara no omukoori wa amaseero uno akubhirikirwa Simoni uno enyumba yaaye eriimbarika nyee nyaanza. ⁷ Maraika uno ahagamba nawe akaagya, Kornario akabhabhirikira abhahookya bhoo waye bhabhiri, no omusirikare uno ahaabha akusabha Eryoobha mubhasirikare bhaano bhahaabha bhakumuhokerya. ⁸ Kornerio akabhabhurira gano goosi gahurukiri, na akabhatuma Yafa. ⁹ Orusiku runo rukaaza eribhaaga rya mumwisi saa sita, bhahabha munziira haguhi na mujiini, Petro akatiira kwirongo kusaabha. ¹⁰ Akabha ne enzaara, akeenda ebhyakurya bhya okuurya, eribhaga riino bhakuteeka ebhyakurya akerekibhwa ebhirooto. ¹¹ Akarora ersaaro ritazukiri kigiiro kirituuma kama ngibho kuru erituuma kuuzikoona zyaaye zyoosi inye. ¹² Mungibho muyo bhihaabha bhirimu bhityenyi bhyoosi bhya amaguru ane na bhina bhikwaguura haasi, ne ebhinyunyi bhiiguru. ¹³ Eriraka rikamubhirikira "Imuka Petro ochinje oorye. ¹⁴ Ira Petro akabhuuga "etariigo omutemi, kwo okuubha ntakariiri kigiro kyokyoosi kino kitakwenderwa na kibhiihu. ¹⁵ Kweeki eriiraka riikaza mara ya kabhiri. "Kino kisabhirwe ne Eryoobha otakibhirikira kibhiihu wara kichafu". ¹⁶ Ino ekaaza maara kataatu ne ekigiiro kikagegwa kweki mwisaro. ¹⁷ Hano Petro yaari ne enamuna yo okuchanganyikiwa iguuru ye ekiroto kiiyo kirabhuugabhwi roora abhaatu bhanag bhatamiirwe na Kornerio, bhakimerera embere we ekiseeku, bharabhuurya enziira yo okuugya kunyuumba. ¹⁸ Bhakabhirikiira na kiubhuurya kama Simoni uno akabhirikirwe Petro ka a yari arikara haarya. ¹⁹ Eribhaaga riiyo Petro ahawaaza iguuru we ebhirooto, Ekooro akagamba nawe. Rora abhaatu abhataatu bharakukomya. ²⁰ Imuuka wituume haasi ogye nabho, otobhooha kuugye nabho, kwo kuubha mbatumiiri. ²¹ Petro akituuma haasi kuneebho akabhuuga, enye ninye mukukooomya kwaki mwiziiri? ²² Bhakabhuuga, "Akida wuumwe erina ryaaye Kornerio, omutu we heene na esegiiri kwisasama Eryoobha, na abhaatu bharamugamba bhuzomu mukyaaro kyoosi kya abhayahudi, abhurirwe na maraika we Eryoobha akutume ogye kuunyumba yaaye iri yiigwe amakereniyo kunawe. ²³ Petro akabhakaribhisya bhikare hamwe nawe. Etabhoori yaahop akagya ahamwe nawe, na abhahiri bhasuuhu kureka Yafa bhakagwatana nawe. ²⁴ Orusiku ruuno rwa fatiri bhakaaza akaisaria. Kornerio ahabhaganya, ahabha abhabhirikiri hamwe abhahiri na abhasaani bhaaye bhaahaguhi. ²⁵ Hano Petro akasikiira, Kornerio akampokea akihiinya haasi muumaguru gaaye kwa kuumusuuka. ²⁶ Petro akamugororookya akabhuga imereera enye niosi ni muutu. ²⁷ Hano Petro ahakerenia nawe akasikiira akabhoona abhaatu bhikumeenie haamwe. ²⁸ Akabhabhurira, emwe abheene mumenyiri kubha gitari migiiro ghya Yahudi kugwaatana au kugeenda na abhaatu bhaano bhaatari bhe ekyaaro kino. Ira Eryoobha rinierekirye enye kubha utakwenderwa kumubhirikira mutu wowosi ni bhubhiihu. ²⁹ Nkwo okubha niziiri ryabhukiiri hano niatumirwe kuuriyo. Bhoono mbabhuurye kwaaki mukatumwa kwookubha yaane. ³⁰ Kornerio akabhuuga, ezisiku inye zino zihiitiri, eribhaaga kya riino nihasaabha saa siita mumwiisi munyuumba yaane. Nkaroora embeere waane omuutu yimereri ana ezingiibho ndaabhu. ³¹ Akambuurira, Kornerio amasabhi gaazo gitegeerwe ne Eryoobha na emibhaano gyaazo kuubhataka girahiitwa kuu Ryoobha. ³² Bhoono otume omutu Yafa amubhirikire omutu wuno akubhirikirwa Simoni ni Petro uno akwikara wo omukoori wa amaseero, oumwe arabhirikirwa Simoni uno enyumba yaaye eriimbariika we enyaanza. ³³ Ewe hano akuuza aragaamba na neemwe. ³⁴ Niho Petro ahaasama omunwa gwaaye akabhuuga, heeni nikiriirye Eryoobha ritakupenderea. ³⁵ Erenderwa kira ekyaaro, omutu wowosi uno akumusabha Eryoobha no okuhookya amang'ana go obhuheene arikiririibhwa na newe. ³⁶ Omenyiri amang'ana gano yarusiirye kuu bhaatu bha Israeri, hano aharariika amang'ana na amazoomu goo bhwikirirya kuhitira kuu Yeesu Kristo omutemi wa bhoosi. ³⁷ Emwe abheene mumenyiiri eng'ana yiino yabhoneekiri kureeka Yudea yo obhubhatizo bhuno Yohana aharariika. ³⁸ Ering'ana rino rihamuhuusu Yeesu Kristo kyeego Eryoobha ryamuhakiiri amaguuta kuukoro enzoomu ne ezinguuru, akaagya akakoora bhwaqheene okuhonia bhoosi bhano bhaari bhanyakiibhwe na shetani. Kwo kuubha Eryoobha rihaabha haamwe nawe. ³⁹ Etwe mbatwanikanya bhamang'ana goosi yahokiirye mukyaaro kya abhayahuudi na Yerusaremu - wuno ni Yeesu wuno bhakiita na kumusurungaazya kuumuti. ⁴⁰ Omuutuyo Eryoobha rikamuryoora orusiku rwa kataatuna okukoora amenyakaane. ⁴¹ Etaari kubhaatu bhoosi, ira nkubhatwaniakania bhano bhasoriirwe ne Eryoobha - Etwe abhene bhano twariiri okunywa nawe hano yaryookiri kureka muubhaku. ⁴² Atubhuriri tukerenerye abhaatu no ukubhahakikishiirya kubha uno niiwe akasoora abhe omwaamuri wa abhahooru na abhaatu. ⁴³ Kuhiitira kuneewe abharooti bhoosi bhamenye, na kira uno akumwikiriirya arahoona ezinyako zyaaye kuhitiira eriina ryaaye. ⁴⁴ Erbhaaga riino Petro akwendereera kugaamba gaayo, Ekooro ehoreru ekizuura kuu bhoosi bhano bhaari bhakwitegerera amang'ana gaaye. ⁴⁵ Abhaatu bhano bhaari mubhaano bhakwikirirya bhano bhasariirwe, bhaarya bhoosi bhiziiri na Petro bhakatangaara, kwo kuubha ye obhunagya bhwe ekoro ehoreeru ino itiirwe muubhyaro. ⁴⁶ Kwookubha ebhyaaro bhikigwa bharagamba bhaigaambvo bhindi no okumuukuumya Eryoobha Petro akabhakyoora. ⁴⁷ Areeho muutu uno akureekya amaanzi bhaatu bhatabhaatiizwa, abhaatu bhano bhaana ekooro ehoreeru kyeego eetwe. ⁴⁸ Niho akabhabhurira bhabhatizwe kuurina rya Yeesu Kristo. Kuugaayo bhakamusabha yiikare naabho kwibhaaga riindi.