¹ Abhabhagati na abhahiri bhano bhabhanga eyo Yuda bhakigwa abhaatu bheesi bhagwatiri eng'ana yee Eryoobha. ² Petro hano akaza eyo Yeruaremu abhatu abharu bharya bhano bhasarirwe bhakataga kumkyoramu bharabhuga, ³ "Ogwateni naa bhaaru bhano bhatasarirwe noo kurya nabho!" ⁴ Nawe Petro akatenga okukerenia ering'ana kwa mwosi, akabhuga, ⁵ Nu habhanga nirasabha muumugye gwaa Yafa, kwego nikarora obhurori bhwee kigiro kikwitumahasi kyee engibho ekuru ekwituma kureka mwisaro kuzihembe zyaye zyoosi inye. Kikituma kuunienye. ⁶ Nikakirorerera nookwisega iguru wakyo. Nikarora ezitenyi zya maguru anne zino zikwikara muusine zitenyi zya mwitirigo neezyitenyi zino zikwagura nee bhinyunyi bhyaaa kwisaro. ⁷ Okumara nikigwa noo mumiro gurakerenia na ninye, "Bhuuka, Petro, sinza nawe orye! ⁸ Nikabhuga, etari ego tataabhugya, mumunua gwaane, gutakangatiri kusikira kigiro kyokyosi kino kitari kyeru hamwe kibhihu" ⁹ Nawe omumiro gutakyoramu kweki amakyoro kweki kureka mwisaro, kino Eryoobha ryararikiri kubha niibhuzomu, otakibhukira kibhihu, ¹⁰ Yino ekarorekana ngebho isatu nakire ekigiro kikagegwa mwisaro kweki. ¹¹ Rora eribhaga riyo abhatu batatu, bhabhanga bhimereri kuu kubhwerekera bhwe enyumba yirya twari turimu, bhatumanibhwe kurwera Kaisari kuza kuu neenye. ¹² Ekoro akanibhurira nigye nabho, nitahukana nabho. Bhano abhasubhe bhasasabha bhakagenda hamwe naa ninyi naa tukagya muunyumba ya muutu wumwe. ¹³ Akatubhurira kyego bhurya yamuruzi omutumwa yimereri mwoosi wee nyumba yaye arabhuga, Noomutumanie Yafa amurete Simoni wuno erina ryaye erindi nii Petro. ¹⁴ Arahaya amang'ana kuu nawe kugayo araturibhwa awe ne nyumba yazo yosigo" ¹⁵ Hano natangiri okukerenia nabho, Ekoro enzeeru ekaza iguru wabhu kweego akaza kunetwe rwobhukangati bhwaye. ¹⁶ Ndabhituka amang'ana gaa tataabhugya kwego yakerenie "Yohana akasubha kwaa amanzi, nzawe murazakusabhwa kwee ekozo enzeru." ¹⁷ Kweki eribha Eryoobha rirushirye obhusambiri kyabhuno yatuheri etwe hano twamwikirirye, kuu tataabhugya Yeesu Kristo, enye niiwewi, kubha niranagya kuritema Eryoobha. ¹⁸ Hano bhakigwa amang'ana gano bhatakyorirye, abho bhakarikumia Eryoobha noo kubhuga, "Eryoobha rirushirye obhwabhiru kuu bhaatu bhabharo kweki. ¹⁹ Bhoono abhekirirya bhano obhunyaki bhukemera kuuruku rwa Stefano bhakanyaragana kureka Yerusaremu - Abhikirirya bhano bhakagya kure, tee bhakahika Foinike, Kipro na Antiokia. Bhakabhabhurira aamang'ana gaa Yeesu omwene omwene kuu bhayahudi nee etari kuwundi wuyo yoosi. ²⁰ Nawe abharebhe bhabhunia abhaatu bhookureka Kipro na Krene, bhakaza Antiokia nookukerenia na bhayahudi noo kumukerania tatabhugya Yeesu. ²¹ Noo kubhooko kwa tataabhugya kwabhanaga hamwe nabho, na bhaatu abharu bhakirirya nookumwikyora tataabhugya. ²² Amang'ana gabhu gakahika mumatwi mwisengero rya Yerusaremu na bhakamutumania Barnaba engende tee Antiokia. ²³ Hano akaza noo kurora obhunagya bhwe Eryoobha akazomererwana akabhaha amanaga bhoosi kusaaga na tatabhugya mumitima gyabhu. ²⁴ Kwookubha yabhanga mutu muzomu naa yizuribhew nee Ekoro enzeeru nee heene nabhaatu bharu bhakahera kuu tataabhugya. ²⁵ Kweribhaga erindi Barnaba akagya Tarso kumurora Sauri. ²⁶ Hano yamubhweni yamuretiri Antiokia ekabha kuumwaka omugima bhakikumania hamwe nee risengero noo kubheegya abhatu bharu. Naabhana abhegibhwa bhakabhirikirwa abhakristo kuurugendo rwoo bhukangati eyo Antiokia. ²⁷ Nakuzisiku zino abharoti bhakituma kureka Yerusaremu tee Antiokia. ²⁸ Owumwe wabhu nii Agabo niyo erina ryaye akimerere akiyerekania nee Ekoro kubha ehari eraza kuza mukyaro kyosi. Yino ekarorekana kuzisiku zyeribhaga rya kira wundi. ²⁹ Kuubhuyo abhana abhegibhwa, kyoo wumwe, kwego yibho nerye, bhakikirinia okuhira obhusakirya kuu bhahiri bhano bhari bhuyahudi. ³⁰ Bhakarora ego, bhakatumania ezimbirya kwookubhoko kwa Barnaba na Sauri.