¹ Eribhaga riyo omitemi Herode akaramburira okubhoko kwaye kubharya abharebhe bhano bhakurwera mwikumaniryo ili bhanagye kubhanyakya. ² Akamwita Ryakobho omuhiri waye Yohana kwerisabha. ³ Hano bharuzi erabhazomera Abhayahudi, akamugwata Petro wosi. Rino ribhanga rye emikate gino gitakugasa. ⁴ Hano yamugwatiri, akamara munyumba ya abhabhohwa akamara akatura ebhikundi bine bya abharibhi bhamuribhi yabhanga aragamnyirira kumuhira kubhatu bhano ekimweso ⁵ Petro akaturwa munyumba ya abhabhohwa, nawe amasabho gakakorwa kwo omukya no obwikumania kumang'ana gaye ku Ryob ha. ⁶ Rwarukiari kuhika orusiku rwa Herode okugya okumurusyamu, obhutiku bhuyo Petro yabhanga ahindiri gatigati wa abharibhi bhabhiri, yari abhohirwe neeminyororo ebhiri na abharibhi embere we ekiseku bari bararika enyumba ya abhabhohwa. ⁷ Rora, abhatumwa bha tatabhugya bhwangigo akamuzaku no obweru bukarabha mwosi. Akamutema Petro murubharu no okumubhukya arabhuga, "Buka bwangu" Niho eminyororo gino yabhanga naagyo asibhikirwe gikasibhuka kureka mumabhoko gaaye. ⁸ Omutumwa akamubhurira, "Ibhoha ezingubho zyazo na wibhohe ebhirato bhyazo! "Petro akakora ego omutumwa akamubhurira," Ibhoha Eribhoho ryazo onirwe inyuma / onyunirire. ⁹ Kwego Petro akamutunirirya omutumwa akahuruka igutu, atikirirye kino kikorirwe no omutumwa aribhani kyamahene. Akisega ararora, amaroro. ¹⁰ Hano yahitiri kumuribhi wembere na we kabhiri, bakahika mukishoko kino kigarirwe ekiseku kye ekyoma kyo jusikirira okugya amujini, kikiguka ekyene kwo okubha yabhuu, bhakahuruka ahabhori bakituima igunguri omutumwa akamara akamutiga. ¹¹ Petro hano akamara kwimenya, akabhuga, "Boono nikirirye kubha Taatabhugya yamutumiri omutumwa waye yize kunirusya mumabhoko ga Herode kumisego gaabatu boosi babuyahudi. ¹² Hano yamariri kumenya gayo, akaza kunyumba ya Mariamau nina wabhu Yohana newe Mariko; Abhasengeri baaru bhakikumania nookusabha. ¹³ Hano yatemiri hodi kukiseku kyo kuribira, omukari wemirimo wumwe wa kikari wuno akubhirikirwa Roda akaza okwigurahi. ¹⁴ Hano akamenya nieerira arya Petro, kwo okuzomererwa akatamwa okwiguraho ekiseku; Kumenya gwaaye, akariabha mukinyumba mwaosi; nookubhabhurira kubha Petro yimerereri embere we ekiseku. ¹⁵ Hayo bakahaya kunewe, "Awe ni muyanga" Nawe okongera akubha anihene niwe. Bakabhuuga "Wuyo no omutumwa waye. ¹⁶ Nawe Petro akagendererya okutema, hano bakiguraho ekiseku, bakamurora no okurugura bukong'u, Petro akabhakirya kwo okubhooko bukiri bukiri akamara akabhurira kyego Tatabhugya amarusiryemu munyumba ya abhabhohwa akabhuga, ¹⁷ Baburire amang'ana gano Ryakubhoko naabhahiri bhaye, okumara akarwaho akagya rubharika rundi. ¹⁸ Hano kwabheri omwisi, kukabhaho ne ekiruguro kikuru kubharibhi, kugano gabhonikeni ku Petro. ¹⁹ Hano Herode yamumohirye nawe atamubhweni akabhabhurya abharibhi na akabhuga bhitwe. Agenda kurwa wabhayahudi tee Kaisari no okumenya eyoo. ²⁰ Herode yabhanga no obhutindi iguru we bhatu bha Tiro na Sidoni. Bakagenda kwo hamwe kunewe, bhakabha no obhusani na Blasto omusakirya, okumara bhakasabha obhuhoreru, kwookubha esi yabhu akanyora ebhyakurya kurwe musi yo omy omuteemi. ²¹ Orusiku runo rwari rwisengerwe Herode akibhoha amibhoko ge mutemi no okwikara kukitumbi kyaye kye omutemi na akabhakerenira. ²² Abhatu bhaketema ekituri, "Yino nie erika rya Eryoobha ritari irakaryo mutu. ²³ Bwangwigo omutumwa akamtema, kwookubha atabhanga ariheri Eryoobha obhweru: akaribhwa ne erikorimo akakwa. ²⁴ Nawe ering'ana ryee Eryoobha rikakina no okunyaragana. ²⁵ Hano Barnaba na Sauri hano bhamarir kumara okusakirya kwabhu bhakarwa harya bhakagya Yerusaremu, bakamugega na Yohana wuno erina ryaye ryorutenya ni Marko.