¹ Bhoono mwisengerero rya Antiokia bhahabha abharoti ne abheegya, bhahabha Barnaba, Simeoni (wuno abhirikirwa Nigeri). Rukio we Krene, Maenaeni omuhiri wuno atari wa manyinga wo Herode omukangti we erigunguri)me Sauri. ² Hano bhahabha bharamusesema Taata no okuteema okuurya. Ekoro endabhu ekabhuga, "Mubhature embarika Barnaba na Sauri, bhakoore emirimo giino mbhabhirikiriri. ³ Hano erisengerero riikigara,okuisasama, no okutuura amabhoko gaabhu iguru kubhatu bhayo, bhakabhatiga bhagende. ⁴ Kweego Barnaba na Sauri bhakaitegerera Ekoro endaabhu bhakiimtuma kugya Sereukia, kurueyo bhakagenda munyanza kuugya Kipro. ⁵ Hano bhakabha mumugye gwa Srami, bhakahaya ering'ana rye Eryoobha mumusengerero gha abhayahudi, bhahabha ahamwe na Yohana Marko kyo omusabhirya wabhu. ⁶ Hani bhagairi kuhikira Pto, bhakamunyoora omutu wuyo ahabha mutururtumi, muyahudi muroti wo orubhehi, wuno erina ryaye rihabha Bar Yesu. ⁷ Omuturutumbi wuno ahasakiriana no omwanagwa Sergio Pauris, ahabha mutu wuno ahabha ne emiseego, omutuyoo akabhasarika Barnaba na Sauri kwo okubha ahenda kuigwa ering'a na rye Eryoobha. ⁸ Nawe erima "Wurya omuturutumbi )akaanga akasakya, akaaasakya okumukyoosya omuanagwa wurya arwe kubhuhene. ⁹ Nawe Sauri wuno ahabhrikirwa Paulo ahabha yiiizurwe Ekooro endabhu, akamugorera ezimoni. ¹⁰ Akabhuga, "Awe omwana we ekihwi wizurwe na amang'ana go obhung'enererya no obhunyahu, awe niomubhisa we kio kyoosi, otakautiga okuzikyoora ezinzira zye Eryoobha, zino zigororokiri oranagya? ¹¹ Bhoono roora, okubhoko kwe Eryooba kuuriguru wazo orabha muhoku, otakurirora Eryoobha kwi ibhaga, tumuego ekitu ne ekirima bhikaagwa iguru wa Erimas, ariruugura hayo arasabha abhatu bhamuerekeryerye kwo okumugwata akubhoko. ¹² Hano ommwanagwa yaruuzi kiino kibhonekiri, akiikirirya, kwo okubha akaagwa kitang'wari kuumego ga Taata. ¹³ Bhono Pauro na abhasanibhaye bhakagenda mumanzi kuurwa Pto bhakahika Perge ku Pamfiria, nawe Yohana akabhatiga no okukyoora Yerusaremu. ¹⁴ Pauro no omusani waye bhakagenda kurwa Perge bhakahika Antiokia ye Pisidia, eyo bhakagenda muisengerero orusiku rwo obhuturo no kuikara hasi. ¹⁵ Hano bhasomiri erisinziro na abharooti, abhahamngati bha amaruaziro bhakatumira anag'hana bhakabhuga, "Abhahiri aribha muna amang'ana go okusakirya abhatu hano, mugahaye. ¹⁶ Kweego Pauro akimerera no okubherekya, okubhoko akabhuuga abhasubhe bha Israeri, bhano mukuigwa Eryoobha, muitegerere. ¹⁷ Eryoobha rya abhatu bhanao bha Israeri rikasoora bhasukuru bhetu no okubhakora bhaatu bhaaru haano bhakikara mukyaaro kya Misri no okubhoko kwaaye okubha iguru akabherekererya iguutu waye. ¹⁸ Kumiaka mirongo ene akabhanyakira ku kibhara. ¹⁹ Hano akasarya ebhiaro muhungati muusi ya Kanaani, akabhaha abhatu bhetu ekyaaro kyaabhu kwo obhugabhi. ²⁰ Amang'hana ghoosi ghayo ghakakoreka emiaka maghana anne ne emirongo ethano, Hano amang'ana ghayo goosi, Eryoobha rikabhaha abhamenyi ku Samweri omuroti. Kuugayo abhatu bhakamusabha omutumi. ²¹ Kweego Eryoobha rikabhabha Sauri omwana wo Kishi, omutu we etubho yo Benjamini, abhe omutemi kwe emiaka mirongo anne. ²² Hano Eryoobha rikamurusha kubhutemi, rikamutuura Daudi kuubha omutemi wabhu, ehebha nku Daudi Eryoobha rikabhuuga, NimubhweniDaudi omwana wa Yese kubha omutu wuno asegirwe ne ekoro yaane, wuno arakore ekigiro kiino nsegiiri. ²³ Kuurwa kutubho yo omutu we Eryoobha, ayireteeri Israeri obhuhoru, Yeesu kyeego ahabha abhugiri arakora. ²⁴ Riino rikabhaho, Yeesu yakyari kuuza, Yohana kubhuhemero akahaya obhusengerinbhwa abhatu bhosi bha Israeri. ²⁵ Hano Yohana ahamarirya emirimo gyaye, akabhuga, muritegera anye ni wewi,? Enye antari wurya, nawe muitegerere, wuno akuza inyuma wane, ntaakwenderwa kumurusha ebhiraato bya amaguru ghaye. ²⁶ Abhahiri, abhaane bho obhwiburwa bhwa Abrahamu.Bhono ghatighati wenyu murarisengera Eryoobha, kwo okubha amang'ana gano go obhuhoru gatumiirwe. ²⁷ Kubhano bhakuikara Yerusaremu, abhakangati bhabhu, bhatabhamenyiri hene, bhatamenyiri eng'ana ya abharooti gaano gakuhwa orusiku rwo obhuturo. Kweego bhakaoora amang'han ga abharooti kwo okumusinziro Yeesu oruuku. ²⁸ Igaabha bhatabhweni enzira yo oruku rwaye, bhakamusabha Pirato amuite. ²⁹ Hano bhamariri amang'na ghayo gakaamirwe kuunewe, bhakamuitumia kurwa kumuuti no okuhindirya mumbihira ³⁰ Nawe Eryoobha rikamuryoora kuurwa mubhatu. ³¹ Akarorekana nzaaru kubhaano bhaagiri nawe hamwe kuurwa Gariraya kugya Yerusaremu, abhatu bhano ni bherekererya bha abhatu. ³² Kweego turabhareta ameegyo amazomu kurwa kubhasukuru. ³³ Eryoobha ryaturiri amang'ana ghaanokunetwe, abhaana bhaabhu kuuriyo akamuryoora Yeesu, no okumukyoora akweki kuuibhuhoru, rino kweki riikakaamwa kuuzaburi yakabhiri, "Awe niomwana wane, rero mbeeri wuso wenyu". ³⁴ Kubhuhene ni kubha akamuriora kuurwa mubhhaku kwookubha omubhiri ghwaye gutasaarika, akereniego: Ndakuhana obhuhoru ne enookwe zya Daudi. ³⁵ Yiino niyo eng'hana yo okuhaya kuzaburi eyindi, otakuikirirya obhuzomu bwaye bhurabhora. ³⁶ Hano Daudi yakoriri amazomu ge Eryoobha kuubhuibhuri bhwaye, akahiindira, akahiindirwa hamwe na bha wise wabhu akabhurora obhusaarya. ³⁷ Nawe wuno akariorwa ne Eryoobha ataaruzi obhusaarya. ³⁸ Kweego emenyekene kuneemwe, abhahiri kuhitira omutu ono, amabhira gho obhubhihu ghahayiirwe. ³⁹ Kuwuno akuikirirya arabharirwa obhuheru, amangh'ana ghano eriisinziro rya Musa ritabhaheri ehen. ⁴⁰ Kweeegi mubhe bhang'eeni ekigiiro kino kyakerenibhwe ne abharooti kitabhoneeka kuunemwe. ⁴¹ Murore, bhano mukuuzera, muibhurie, kwo okubha ndakyora emirimo ezisiiku zyeenyu emirimo gino mutakunagya kugirora,hano omutu arabhabhurire. ⁴² Hnao Pauro na Barnaba baagiri, abhatu bhakabhasabha bhakerenie amang'ana ghayo orusiku rwo obhuuturo. ⁴³ Hano omukutano gwe erirwaziro gwahiri, abhayahudi abharu abhahene bhakabharwa inyuma Paulo na Barnaba, bhano bhakakerenia anabho, bhakabhabhurira bhiikare kunookwe ye Eryoobha. ⁴⁴ Obhuturo bhuno bhwiziri omugye gwoosigo gukabhwa hamwe okuitegerera eng'hana ye Eryoobha. ⁴⁵ Abhayahudi bhaano bharuzi abhatu bhaaru, bhahabha na amiseego mabhihu, bhakakerania amang'ana ghano gakwanga ebhigiro byaangambirwe na Paulo bhakamutuka. ⁴⁶ Nawe Paulo na Barnaba bhakakerania no okubhuga ehabha ni hane erig'ana rye Eryoobha rikerenibhwekunemwe kwookubha murarihebhera kuure kuurwa kunemwe, murirora kubha amutakwenderwa kubhona obhuhoru bhwe ekimera, muangarire turikyorera ebhyaaro. ⁴⁷ Kyeego Taata atubhuriri, akabhuga, mbaturiri emwe kyo obhweru bhwa abhatu bhe ebhiaro kuubha amurete obhuhoru kuzisonga zye ekyaaro. ⁴⁸ Ebhiaro hano bhakigwa ghayo bhakigwa bhwahene no okurihaya ering'ana rye Taata, bhaaru bhano bhakasorwa kwo obhuhoru bhwa ekimera bhakiikirirya. ⁴⁹ Ering'ana rya Taata riikanyaragana ekyaaro kyoosi. ⁵⁰ Nawe abhayahudi bhakabhabhurira bhano bhirusirye abhakari, abhakangati bho omugye, ghayo ghakakora enyako ku Paulo na Barnaba bhakatasa igutu wo omugye. ⁵¹ Nawe aulo na Barna bhakiikung'huta oruteri kumaguru ghabu, kumara bhakagya mumugye gwa Ikonia. ⁵² Abhegi bhakabha no obhuzomererwa hamwe ne Ekoro endabhu.