¹ Ikahikaho kukyaro kya Ikonio kubha Paulo na Brnaba bhakasikira ahagiro hamwi mwi sinagogi rya Abhayahudi okugaamba kyeego eriihyo erikuru rya abhaatu bha Abhayahudi na Abhayunani bhakikirirya. ² Nawe abhayahudi bhano bhatakwisirirya bhakabhasirirya no okubhakora abhatu bhye kaaru kubha bhabhihu kubhihuri. ³ Kweego bhakikara eyo kworibhaga itaambi, bhakahay kwe ekisubhe no kumanaga ga Taatabhugya, eno ararusha obhuheene bhwe ering'ana rye orubhang rwaye. Akakoreego kwo kurusha obhuteemya ana amaryoryo gakorwa kumabhoko ga Paulo na Brnaba. ⁴ Nawe orubhara orundi orukuru rukahohakania rwo omugye, rukabhaaruka, abhaatu abhandi mbari hagiro hamwigo na abhayahudi, na abhandi hagiro hamwi na abhabhagati. ⁵ Hano abhakyaaru na abhayahudi bhari bharabasingirirya abhakuru bhabhu bhakore amabhihu kwookubha harasi no amagina Paulo na Barnaba. ⁶ Bakarimenya riyo nokung'osera mumigye gya Likaonia, Listra na Derbe, ne mzirobho zino zikwinara embarikeeyo. ⁷ Neeyo bhakagamba ering'ana rye Eryoobha. ⁸ Neeyo Listra yaari aroho omutu wumwi yikeri, atari na amanaga mumaguru gaaye, mrema atakugenda kwemera yibhwiiru kureka muunda ya nina waye, akyari kugenda. ⁹ Omutu wuyo akigwa Paulo aragamba, Paulo kumanaga akamtoozerya eziimoni zyaaye, akamenya kubha amariri okirirya okuhoribhwa. ¹⁰ Akagamba kwo riraka rya amanaga imeera kwomaguru gazo, no omutu wuyo akibhururuka iguru nokutanga kugenda. ¹¹ Na esango ya abhaatu yiiza okurora gano Paulo yakorir bhakahaya kubha Kilikonia amasambwa agatwiziri kuteemo ya abhaatu. ¹² Bhakamutoga Barnana"Zeu" na Paulo "Herme" kwookubha na yaari omugambi omukuru. ¹³ Omumwesi wo Zeu wuno erisengerero ryaaye igutu yomugye, akareta ahiiri ye eng'oombe no omukubhiko gwa maua tee kwukihita kyomugye ewe ne esaango bhakeenda kurusha ekimweeso. ¹⁴ Nawe abhabhagati bhayo Paulo na Barnaba, hariobhigwiri gayo, bhakatarandora ezingibho zyaabhu bhangu bhwangu bhakagya igutu kusaango irye, bhakarira ¹⁵ no kuhaya emwe abhatu bhano, kwake mrenda okuteemya gano? nanetwe ni bhaatu nkyabhaneemwe, tuuna emisango nkya ageenyu. Tubhareteeri amang'ana amazomu, kubha mwikyore kureka kumasambwa gano na gano mukutemya gatana bhweera muuze kwu Eryoobha wuno ari nobhuhoru, Eryoobha wuno yatamiri erisaaro ne esi, ne enyanza na bhyoosigo bhino bhiriku. ¹⁶ Kwa ribhaga rino rikahita, akabhirikirya abhatu bheesi mhokya gano mkuhokya emwe abheene. ¹⁷ Nawe atatamwiri bhusa atari omutwarukania kwiriyo akarora akisi nokubhaana embura kureka kwisaaro eribhaga ryokugesa, no okubhizurya emikya gyeenyu kwubhyakurya no obhuzomerwa. ¹⁸ Na kumang'ana gano, kwunyako Paulo na Barnababhakehorerya eseengo yirya itige kurusha ekimweso kubhaneebhwo. ¹⁹ Nawe abhayahudi abhandi kureka Antiokia na Ikonia bhakaaza kubhasigirirya bhesaango, bhakabhatema amagina nokubhang'uura Paulo tee igutu yoomugye, bhakiesga kubha bhakuuri. ²⁰ Nawe abhegibhwa bhaabho bhakebha bhimeriri haguhi na neewe, akimoka, bhakisikira mujini. Orusiku rwakabhiri, akagya Derbha na Barnaba. ²¹ Hano bhamara okwega ering'ana rya Ryoobha kwo mugye gurya no kubhakora abhagibhwa bhaaru, akakyora Listra, tee Ikonio na tee Antiokia. ²² Tee bhakikong'ya emiitya gyabhugibhwa bhaabhu kubha bhabhe noomukya gyokugya embere ku mikiriryo no kuhaya. Nawe tee tusikire kwo obhutemi bhwa Eryoobha kukuhitira enyaaku ekuru. ²³ Bhamara okubhasora abhakaruka kubha neebho kwo ezisaango zya abhikirirya, na bhakabha bhasabhri no kwibhohe kurya bhakabhaahaana ku Taatabhugya, wuno bhamwikirirye. ²⁴ Kweki bhakiita Pisidia, bhakihika Pamfilia. ²⁵ Hano bagambiri amang'ana kwu Perga, bhakahiringita kugya Italia. ²⁶ Kureka eyo eriigato tee bhakituma Antiokia hano bhaari bhirushirye kwoobhuhoru bhwo Taatabhugya kwo mirimo gino bhoono bhaari bhagihikirye. ²⁷ Hano bhahike Antiokia, bhakumania esaango ya hagiro hamwi bhakirusha obhuheene bhugarya Eryoobha koriri kubheneebhwa na kyeego Ryoobha abhiguriri erwigi rwe amikiriryo kwu bhaatu bhe baara. ²⁸ Bhakikara ibhaga atambi na abhegibhwa.