¹ Abhatu abhandi bhakituma kureka Uyahudi na kubhegya bhawamwabhu bharabhuga, hano mutatige "kusarwa kutemwa ya Musa, mutakutura kuturibhwa." ² ibhaga Pauro na Barnabha hano bhahabha na amahaka na amakerenio hamwe nabho abhahiri bhakaramura ku bha Pauro na Barnabha na abhandi bhagende Yerusaremu kwa abhabhgati na abhakatruka iguru wa eribhuryo rino. ³ Kwego kwo kutumwa kwabhu na erisebngerero, bhakahitiraFoinike na Samaria, bhararagirirya kukyosibwa kwisega kwa ebhyaro. Bhakareta obhuzomerwa bhukuru kubhawamwabhu bhosi. ⁴ Hano bhakaaza Yerusaremu, bhakaturwa na erisengerero na abhabhagati na abhakaruka na bhakahirya orubhoti rwa amang'ana goosi ghano Taatabhugya akoriri hamwe nabho. ⁵ Nawe abhatu abhandi bhano bhakikirirya bhahabha mwihizo rya mafarisayo, bhakimerera na kubhuga, ni bhuzo,mu kubhasra na kubharagirirya bhagwaate emigiro gya Musa. ⁶ Kwego abhabhagati na abhakaruka bhakimerera hamwe na kwisega ering'ana rino. ⁷ Hano bhakarir amakerenio mataambi Petro akimerera na kuhaya kunebho "bhahiri mumenyiri kubha ekare kusuhu hano kyahiitiri Taatabhugya akakora kusora ghati yenyu, kubha kwa omunwa gwaye ebhyaro bhigwe ekiina na kwikirirya. ⁸ Taatabhugya wuno amenyiri emitima ararorera kwabhu, arabhaha ezikoro ezihoreru, kyego yakoriri kunetwe; ⁹ na atakoriri bhukirania ghati wetu na nebho, akagikora mitima gyabu mizomu na kwikirirya. ¹⁰ Kwego, kwaki, muramusakya Taatabhugya kubha mutureerikane iguru wa abhegi bhano aribhe bhatata wetu hamwe etwe tutakunagya kwigumirirya? ¹¹ Nawe turikirirya kubha turaturibhwa kwa ibhando rya Taata Yeesu, kyeego ahabha. ¹² Erikamirirya ryosi rikakirania hano bhahabha bharamwitegerera Brnaba na Pauro hano bhahabha bhararusya orubhoti rwa okutemya amaruguro gano Taatabhugya ahakora hamwe nao kubhatau bha ebhyaro. ¹³ Hano bhatigiri okugamba, Yakobo akakyora akabhuga "bhabhiri munitegerere. ¹⁴ Simoni akakererya kyego Taatabhugya enokwe akabhasakirya ebhyaro kubha bhibonere kureka kwabho abhatu iguru we erina ryaye. ¹⁵ Amang'ana ga abharoti gharikirirania na rino kyego rihabharikaamirwa. ¹⁶ Ndamare amang'ana ghano ndakyora na kuyomboka kweki eribhuru rya Daudi, rino ryagwiri hasi, ndagororokya nakukyora obhusamiku bhwaye. ¹⁷ Niho kubha abhatu bhano bhasagiri bhagye kutaata, hamwe na abhatu bheebhyaro bhano bhabhirikirwe na erina ryane. ¹⁸ Ego nigo akuhaya Taata wuno yakoriri amang'ana na gano gano gamenyekeni kwema ekare ya kare. ¹⁹ Kwego bhono obhutongero bhwane ni kubha titabhaha nuako bhatu mubhyaro bhano bhakumwikyora Taatabhugya. ²⁰ Nawe tukaame kwebho kubha bhatigane kure na obhuasarya bhwe erihundukiru emigono gya obhusimbe na kyego bhang'etirwe, na amanyinga. ²¹ Kureka nyibhuro zya bhakaruka bhariho abhatu kunigye bhakwegya na bhumuroro Musa ghati mumasengerero kubhwoyo. ²² Kwego ekiyerekya kubha ebhazomeri abhabhagati na abhakaruka , hamwe na erisengerero ryosi, kumusora Yuda ahabhirikirwa Barsaba na Sirasi, bhano bhahabha abhabhagati bha erisengerero, na kubhatuma Antiokia na Pauro na Barnaba. ²³ Bhakakaama ego, "abhabhagati abhakaruka abhahiri, ku abhahiri ebhyaro bhano bhahabha antiokia Shamu na Kirikia obhukerya. ²⁴ Tukigwa kubha abhatu bhandi bhano tutabhaheri emigiro giyo, bharekiri ewetu na kubhanyakya kumeegyo gano gakureta enyako mumitima gyetu. ²⁵ Kwego ero erorekeni bhuzomu kunetwe bhoosi kusora abhatu nokubhatuma kunemwe hamwe na abhasegwa bhetu Barnaba ba Pauro. ²⁶ Abhatu bhano bhasarirye obhwikari kwa iguru wa erina rya Taata Yeesu Kirsto. ²⁷ Kwego tumurete Yuda na Sira, bharabhabhurira amang'ana gayo. ²⁸ Kwookubha ikarorekana bhuzomu kub koro ehoreru, na ewetu kutiga kutura iguru wenyu murigo mukuru kukira amang'ana na gano gezinguru. ²⁹ Kubha mwikyore kureka kubhigiro bhino bhikurusibhwa, kwihunduguru, amanyinga, na bhigiro bhya kung'etwa, na obhusimbe. Arabha muruitura kure na bhino, erabha kisi kunemwe, ndabharaga," ³⁰ Ego bhono, kyego hanyaraganibwe bhakitumira Antiokia, haano bhakamanibhwe hamwe, bhakahikya ering'ana. ³¹ Hano bhakabha bharaisoma bhakazomererwa kwokubha ya okuturwa emitima. ³² Yuda na Sira, na abhasengeri bhakabhatura emitima abhahiri na amang'ana maru na kubhaha ezinguru. ³³ Hano bhamariri kwikara ibhaga isuhu eyo, bhaganyaraginibhwa kwa bhuhoreru kureka kubhahiri kubharya bhahabha bhatumirwe. ³⁴ [Nawe ekiyerekya buzomu sira kusaga eyo] ³⁵ Nawe Pauro na Barnaba bhakikara Antiokia hamwe na aabhandi bhaaru, niho bhakegya na kwerekya ering'ana rya Taata. ³⁶ Hano yahitiri siku suhu Pauro akahaya ku Barnaba, tukyore bhono na kubhataritra abhahiri mumugye guno tuhegya ering'ana rya Taata, kubharora kyego bhari. ³⁷ Barnaba akeenda kumugega hamwe na Yohana wuno akabhirikirwa Mariko. ³⁸ Nawe Pauro akisega etari bhuzomu kumugega Mariko, wuno bhatigiri eyo Pamfiria na atagendereri nabho kumirimo. ³⁹ Kumara hayo kukabhoneka amahaka amakuru, kwego bhakatigana, na Barnaba akamugega Mariko na kuhitira mumeri tee Kipro. ⁴⁰ Nawe Pauro akamusora Sira na kugenda hano yamariri kuhanwa na abhahiri ku nokwe ya Taata. ⁴¹ Na akagya kuhitira Shamu na Kirikia, aranagya amasengerero.