¹ Pauro hano yiiziri Derbe Lystra; Rora, harya ahabha ariho omweegi arabhirikirwa wuno yiibhurwe no omukaro wo ekiyahudi aranagya mwisengerero wiise wabhu yaari mgiriku. ² Abhatu bha Listra ne Ikonia bhakamwigwa bhuzoomu. ³ Pauro akamweenda agende nawe, kwego akamugega no okumusora, kwookubha abhayahudi bhoosi bhano bhaari eyo, bhari bhamenyiri wise wabhu yaari niiomugiriki. ⁴ Hano bhahaagenda bhahahita mumiigye, no okurusya makumiriryo mumasengerero bhikiirirye amakumirirye ghano ghakaamirwe na abhabhagati na abhakaruka bha Yerusaremu. ⁵ Kweego amasengero gakakorwa kwo obhwitegereri, na bhano bhitegereri bhakaruha kwe ezisiku. ⁶ Pauro no omurikyaaye bhakaagya Firigia no Garatia, kwo okubha ekoro ye Eryoobha ekabhareekya okukerenia ryo muigunguri rya Asia. ⁷ Hano bhusukiriri Misia, bhakasakya kuugya Bithinia, nawe ekoro ya Yeesu ekabhareekya. ⁸ Kweego bhakahita Misia, bhakaaza tee mumugye gwa Troa. ⁹ Ebhiroto bhikamuizira Pauroobhutiku, ahabha ariho omutu wa Makedonia yiimereeri, ahamubhirikira no okubhuga muze mutusakirye eno Makedonia. ¹⁰ Pauro hano yaruzi ekiroto, niho tukaanza orugeendo okugya Makedonia, akamenya kubha Eryoobha ritubhirikiri okugya okubhagambira ekiina. ¹¹ Kweego tukiimuka kuurwa Troa, tukaagya akimwe Samothrake, no orusiku runo ruiziri tukahika mumugye gwa Neapori. ¹² Kurwa hayo tukaagya aFiripi, guyo niomugye gumwe no omugye gwa Makadonia, mugye omukuru mumiigye gye erigunguri no obhutake bhwa Rumi tukiikara siku ndebhe. ¹³ Orusiku rwo obhutuuro, tukaagya iguutu wo ekiseku kwe enzira ye enyaanza ahagiro hano tukiisega. Omweeya guriho ghuno okukoreera obhusasami, tukiikara hasi no okukerenia na bhamayi bhano bhiziiri hamwe. ¹⁴ Mukari wumwe wuno akubhirikirwa Ridia, omuguurya we zambarau, okurwa mumugye ghwa Tiatira, wuno akusengera Eryoobha, akatuitigerera. Taatabhugya akaigura ekoro yaye no okutura amang'ana ghano ghagabhirwe na Pauro. ¹⁵ Hano yamariri okusubhwa ewe no omugye gwaaye ghuosigo akatubhurira akabhuga. Aribha amuunduzi enye niomuhene ku Taatabhugya, ndaabhisasama musikire muikare owaane, akabhisasama bhukong'u. ¹⁶ Ekabha kubha hano tuhaagya ahagiro okusabha, mwana we ekikari wumwe wuno ahabha ne erisabhwa ryo obhumenyi akasiikana na neetwe. Akamuretera Taatabhugya waye obhuera bhwaru kwo okuroota. ¹⁷ Omukariooyo akamuurwa inyuma Pauro hamwe na netwe arakora ekituri no okubhuga. akasubhe bhano ni bhabhagati bhe Eryoobha wuno ario mukuru bhano bhakubharariikira emwe amang'ana gho obhweru. ¹⁸ Akakoreego kwe ezisiku nzaaru. Nawe Pauro akabha atindibhwe ne eng'hana yiiyo, akikyoosya inyuma no okuribhuribhuria erisambwa; Ndabhakubhuriira ku riina rya Yeesu omurueku, ryoosi rikahuruka no okumutiiga rugendo rumwe. ¹⁹ Abhakuuru bhaye hano bharuzi gano bhakwenda gatariho, bhakagwata Pauro na Sira bhakabhang'ura kumnutera embhere yo bhano bhaneezinguru. ²⁰ Hano bhabhahikirye kubhasinzi, bhakabhuga, abhasubhe bhano ni Abhayahudi bharakoora eriikikuru mukyaaro kyetu. ²¹ Bhareegya amang'ana ghano ghatari mazomu etwe okughaguata no okuugikiriirye kya Abharumi. ²² Obhuaru bhwa abhatu bhukabhimukira Pauro na Sira, abhasiinzi bhakarandura ezingibho zyaabhu no okubharusya no okuhatika bhabhatandike ezitianya. ²³ Hano bhabhataandikiri ezitianya nzaaru, bhakabharekeera mukibhohe, bhakabhahatika abhasierikare bhabhrore bhuzomu. ²⁴ Hano bhamariri okuhikirirya erihatiko riyo, abhasirikare bha mukibhohe akabharekera ghati mwosi we erisinzirono okubhabhoha amaguru ghabhu, kuhaagiro hano bhabhatuuriri. ²⁵ Eribhaga ryo obhutiku bhwa agatigati, Pauro na Sira bhakabha bharasabha no okuemba amembo go okuhaya Eryoobha, eno abhabhohwa abhandi bharategereerya. ²⁶ Bhaakiitakya ekirigiito ekikuuro no obhuemero bhwa erisinziro bhukarigita, ebhisuuku bhye erisinziro bhikiiguka ne eminyororo gya abhabhohwa bhoosi gikazugazugz. ²⁷ Omuribhi we erisnziro akiimuka kuuerwa muziitiro akarora amiryango gyoosi gye erisinziro erisabha ryaye kwo okubha aheenda okuyiita, kwo okubha abhabhuga abhabhohwa bhoosi bhatorokiri. ²⁸ Nawe Pauro akatema ekituri kwee eriraaka erikuru, akabhuga, tiiga kuiyiita kwookubha bhoosi turi ahagiro hano. ²⁹ Omuribhi we erisinziro akasabha bharete ebhimuri akasikira muisinziro bwangu bhwangu, akariigita no okuobhoha akabhaguera Pauro na Sira. ³⁰ No okubhahurukyab igutu we erisinziro no okubhuga, abhatake, nikorebhwe nihore? ³¹ Bhoosi bhakabhuuriira" muikirirye Taatabhugya Yeesu wosi orasakiribhwa hamwee n omugye gwazo. ³² Bhakahaya ering'ana rya Taatabhugya kunewe, hamwe na abhatu bho mugye gwaye. ³³ omuribhi we erisinziro akabhageega obhutiku bhurya no okubhoogya ahagiro hano banyaharikiri, ewe hamwe na abhatu bha mumugye gwaye bhakasubhwa . ³⁴ Akabhareeta Pauro na Sira mumugey gwaaye no okubhakoreera ebhyakurya, woosi aakabha no obhuzomereerwa bhukuru hamwe na abhatu bha mumugye gwaye, kwo okubha bhakiikiriirya Eryoobha. ³⁵ Hano bhukabha omuisi, abhasiinzi bhakahiira amang'ana kumuriibhi we erisinziro bhakabhuga, mubhatige abhatu bhaarya bhoosi bhageende. ³⁶ Omuribi we erisnziro akamuerekya Pauro iguru wa amang'ana gayo kwo okubha, abhasinzi bhakahira amang'ana nitiige mugende kweego muhuruke iguru mugende kwo obhuzomererwa; ³⁷ Nawe Pauro akabhabhurira, bhakatutema kubhweru abhatu bhayo ni Abharumi, bhatatusinziri bhakwisega kuturekera, mukibhohe, bhoneego bharenda kuturusiamu kwo obhwibhisi? Zeyi eatakunagika ebho abhene bhize kuturusya ahagirohano. ³⁸ Abharibhi bhakabhabhuriira abhasinzi iguru wo amang'ana gayo, abhasinzi bhakobhoha heene hano bhakamenya kubha, Pauro na Sira ni Abharumi. ³⁹ Abhasinzi bhakaaza no kubhasabha bhakauhuruke hano erisinziro bhakabhasabha Pauro na Sira bhahuruke ugutu wo omugye gwabhu. ⁴⁰ Kweego Pauro na Sira bhakahuruka igutu we erisinziro bhakaaza mumugye gwa Lidia, Pauro na Sira hano bhabharuuzi abhahiiri bhakabhasiiga ezikoro no okumara bhakaarwa mukyaaro muyo.