¹ Sauri akabha na amikiriranio go ruku rwaye orusiku ruyo niho akakangata kubhanyakya kihuteti kya erisengerero rino rihabha Yerusaremu na abhikirirya bhosi bhano bhahabha bhanyaregani kumagunguri ga Yudea na Samaria, kutiga abhabhagati. ² Abhatu bho kumubhika Stefano no okukora obhwarami bhkuru iguru waye. ³ Nawe akatarira bhukong'u erisengerero akagenda nyumba kwe nyumba, na kubhagwata igutu abhakri na abhasubhe, na kubharekera mwigereza. ⁴ Abhikirirya bhano bhahabha bhanyarageni bhakyari bharakeremerya ering'ana. ⁵ Firipo akituma kumugye gwa Samaria na akamwerekya Kristo eyo. ⁶ Kumara ya amasiakaniro kwigwa na kurora matemyo gano yakoriri Firipo bhakatura kisi iguru wa kino yahayiri. ⁷ Kureka hayo abhatu bhaaru bhakigwa, emikama mibhihu bhakabharusya abhatu eno bhararira kwi eriraka ikuru, na abhaaru bhakanyoha na abharema bhakahoribhwa. ⁸ Na kukabhaho no obhuzomererwa bhukwunghati yo omugye. ⁹ Nawe ahabhaho omutu wumwe kumugye gurya erina ryaye Simoni, wuno arabha arakora obhuturutumbi, bhuno ahabha arabhukorera kubharugurya abhatu bha ekyaro kya Samaria, eribhaga arabhuga ewe niomutu wo omukumo. ¹⁰ Abhasamaria bhosi kwema aomusuhu no omukuru bhakamwitegerera, bhakabhuga "omutu wuno ni yirya ezinguru zye Eryoobha ezikuru" ¹¹ Bakamwitegerera, kwakubha abharugurirye omweya mutambe kwo obhurosi bhaye. ¹² Kweki hano bhekirirye kuhitira ku Filipo hano akakaama iguru yo obhutemi bhwo mwiguru na iguru ya rihina rya Yeesu Kristo, bhakabhabhatija, abhasubhe kwa abhakari. ¹³ Na Simoni omwene akikirirya yamariri okusubha akagenderera kubha na Firipo hano yaruzi okutemia na amahubhyo gino gihabha gikukoreka akarugura. ¹⁴ Kwibhaga abhabhagati bha Yerusaremu hano bhakigwa kubha Samaria eturiri ering'ana ryua Eryoobha, bhakabhatuma Petro na Yohana. ¹⁵ Eribhaga bhahabha bharituma bhakabhasabhira bhature ekopre ehoreru. ¹⁶ Kuhika eribha ariyo ekoro ehoreru ehebha ekyari kubhitumira hata wumwe wabhu, bhahabha bhakyari kusubhwa kurina rya Taata Yeesu. ¹⁷ Niho Petro na Yohana bhakabhaturira amabhoko, ebho bhakatuura ekoro ehoreru. ¹⁸ Eribhaga Simoni yaruzi kubha ekoro ehoreru erusibhwa kuhitira kuterya amabhoko gha abhabhagati akanda kubhaha ezihera. ¹⁹ Akabhuga munihe ezinguru zino, kubha wuno ndamutera amabhoko amuturye ekoro ehoreru. ²⁰ Nawe Petro akamubhurira esiringi yazo hamwe na nawe ebhurire kura kwo okubha wisegiri kubha aobhunagya bhwe Eryoobha bhurabhoneka kwa siringi. ²¹ Otana omweya gwing'ana, rino kwo okubha ekoro yazo etari nyeeru kubhusyo bhwa Eryoobha. ²² Kwego bhoono ikirirya bamabhihu gazo no okumusabha Eryoobha hamwe wabhirwe amisego ge ekoro yazo. ²³ Kwookubha ndarora ori mubhururu bhwe ekibho kya amabhihu. ²⁴ Simoni akahaya no okubhuga, musabhe Taata iguru wane, kwo okubha amang'ana goosi ghano mughambiri ghwatura kunibhona. ²⁵ Kwibhaga Petro na Yohana bhahabha bharuzi no okukerania ering'ana rya Taata, bhakakyora Yerusaremu kwe enzira yiyo, bhakakerania ekina ghati wa amagunguri maru gha abhasamaria. ²⁶ Bhosi maraika wa Taata akakerania ana Filipo na akuhaya "Rora na ogende mamu ghati we enzira yino ekugya iyasi wa Yerusaremu kumahirira Gaza" (enzira yino ere ghatighati kwibhara). ²⁷ Akamahirira no okugya. Rora ahabhaho no omutu wa Ethiopia, towashi wa obhuturo obhukuru iyasi wa akandase; marikia wa Ethiopoa. Wuno ahabha iguru we ekibhubhiko kyaye kyoosi, newa ahabha aghiri Yerusaremu kwikirirya. ²⁸ Ahabha arakyora yikeri mumatoka yaye ahegha mukyuwo kya omurooti Isay. ²⁹ Ekoro akabhugha na Filipo, "Isuka haguhi ne emotoka yiyo ogwatane nayo. ³⁰ Kwego Filipo akagenda ndyari akamwigwa aregha aghati wa kuwokya omuroti Isaya, arabhugha, awe omenyiri kino ogwega? ³¹ Omwethiopia akabhugha andakorabhwi nimenye omutu atanierekirye? akamukumirirya Filipo atire ,mumotoka na kwikara hamwe nawe. ³² Bhono eribhoho rya amakaamo rino ahabha aregha omwithiopia ni rino, akakangatwa kyegho eng'ondu kugya mumagwatiro kugwagwa, na kyego eng'ondu ekakirirania kiiri atatazuri munwa ghwaye. ³³ Kwo okurughuribhwa kwaye obhusinziro bhwaye bhukarusibhwaho. Niwi arabhuirire orwibhuro rwaye? obhwikari bhwaye bhurusibhwe kukyaaro. ³⁴ Kwego towashi akamubhurya Firipo na kuhaya, "Ndakusabha ni murooti wuhe akukeraniribhwa amang'ana ghaye ni iguru waye, hamwe wo omutu owundi? ³⁵ Firipo akakangata kukerania, akakangata kwe erikaamo rino rya Isaya, kukeranerya amang'ana gha Yeesu. ³⁶ Bhahabha kunzira, bhakahika ahagiro ha amanzi, Towashi akabhugha, rora hano amanzi hano niki kikundibhira ntige kusubwa? ³⁷ Amang';ana ghan o "kwego omwethiopia akakyorya" ndikirirya kubha Yeesu Kristo ni mwana wa Eryoobha," ghatarimu mumakaamo gha kara). Niho omwethiopia akahatika emotoka yimerere. ³⁸ Bhakagya aiyasi wa amanzi hamwe Firipo na towashi, Firipo akamusubha. ³⁹ Hano bharekiri mumanzi, ekoro ya Taata ekamuhira Firipo kure. Towashi atamuruzi akagya anzira yaye arazomererwa. ⁴⁰ Nawe Firipo akarwera Azoto, akahita mumugye gwo kukeranerya ekina ghati we emigye gyosi hano yahikiri Kaisria.