¹ Hano gatigati ya zisiku zino, obhwaaru bhwa abhegi hano bhahabha erongera, okwing'eherya kwa abhayahudi bhe kiyunani rikawanza kubhabhirania, kwookubha omukari wuno akwererwe omusubh eebho bhahari bhahebhiri gatigati yesoondo kuzisiku zyebhakuurya. ² Abhabhagati ikumi na abhabhiri bhakabhabhirikira erikumanio ryoosi rya abheegi nokubhuga, "Etari heene kuneetwe okuritiga ering'ana rya Taatabhugya kumusakirirya kumeza. ³ Kweego, omuhiri, mwitore, abhasubhe muhungati, okurwa gatigati wetu, abhaatau abhazoomu bhano bhwizwiri Ekoro obhuzoomu, bhano turanagya kubhahanakubhasakirya hayo. ⁴ Na neetwe, tukagendererya ezisiku zyoosi gatigati yo kusaabha na gatigati okubhasakirya eng'ana. ⁵ Amakerenio gaabhu gakazoomya eesango zyoosi. Kweego bhakamusora Stefano, omutu wuno yizwiri okwikirirya ne Ekoro endabhu, na Filipo, Prokoro, Nikanori, Parmena na Nikalao, omuizomu okuurwa Antiokia. ⁶ Abhikirirya bhakabhareeta abhaatu embere ya abhabhagati, bhakabhsabha hinga bhakabhaturira amabhooko gaabhu. ⁷ Kwego, eringa'ana rya Taatabhugya rikanyaragana; no obhwaaru ya abheegi ekaagya agarabhoneka eyo Yerusaremu; no obhwaaru obhukuru abhasengeri bhakigwa okwirirya. ⁸ Na Sitefano wuno yigwiri orubhango ne zinguru, ahabha arakora amaruguryo esingira ekuuru gatigati mubhaatu. ⁹ Nawe hayo bhakimerera abhatu abhandi abharwi inyuma bherisengerero rino rikubhirikirwa erisengerero rya mahuru, na rya Wakirene na rya Waskanderia na abhaandi okurwa Kilikia na Asia. Abhaatu bhano bhahabha bharabhurani ana Stefano. ¹⁰ Nawe bhatanagirye okuhakana no obhuzomu ne ekoro yino Stefano ahabha eramukora aragamba. ¹¹ Bhoosi bhakabhang'ena abhaatu abhandi kwobhwibhisi nokugamba "Tumwigwiri Stefano aragamba amang'ana gokumwanga iguru ya Musa iguru ye Eyoobha. ¹² Bhakabhahatika abhatu, abhakaruka, ana abhakaami, nokumugira Stefano, bhakamugwata, nokumuhira embere yerbharaza. ¹³ Bhakabhareta bhabhahiziri bhorurimi, bhano bhakabhuga, "Omutu wuno atakutiga ookuhaya amang'ana amabhihu iguru ya ahagiro hano aharabhu na hemigiro. ¹⁴ Kweego tumwigwiri aragamba kuuubha wuno Yeesu wa Nazareti arahasarya ahagiro hano nokuzisarya etemwa zino tuherwe na Musa" ¹⁵ Kira owumwe wuno arabha gatigati ye ribharaza, akarorererya amesogaye okumurorerera Stefano, bhoosi bhakubhurora obhusho bhwaye bhuhabha kyo obhusho bhwa Mraika.