¹ Kweego omutu wumwe arabhirikirwa Anania no omurikyaye arabhirikirwa Safira mkaye nibho bhakagurya emenyo yabhu. ² Bhakabhisa ezimbirya ezindi kuuzino bhahabha bhabhweni (nawe mkaye akamenya rino,) bhakahira zino zihabha zisaagiri no okuzitura kuumaguru go omutemi. ³ Petro akamubhurya, awe Anania! ndora erisambwa ring'enererye ekoro yazo, nookubhehya kuukoro ehoreru no okubhisa ezimbirya ezindi zino wabhweni kwo okugurya emenyo yazo. ⁴ Tubhuge hano waari okyari kugurya emenyo yiyo, etari yazo? Na hano omariri kugurya etari mubhunagya bhwaazo? Kweki yung'eniri kwookukora obhubhi bhuyo muukoro yaazo? atabheri omutu nawe abhaheri Eryoobha." ⁵ Hano Anania yigwiri amang;ana ga Petro gayo, akagwa hasi akakwa. Na bhoosi bhano bhigwiri amang';ana gayo bhakahaha bhukong'u. ⁶ Abhamura bhakaza bhakamukundikirya omubhiri gwaye kwoomwenda, bhakamuhurukya habhori bhakamuhira ahagiro ho okumubhiura bhakamubhika. ⁷ Hano zyahitiri ezisiiku isaatu, omukari waye akasikira munyumba, atamenyiri gano gatuukiri muyo. ⁸ Petro akamubhurya wosi "No omburire, ezimbirya zino nizyo mukagurya emenyo yenyu?" akamumkorya, "Hee! tukagurya kwoobhuguri bhuyo bhuyo!". ⁹ Niho Petro akamubhurira, " ebheribhwi kubha mwikirirenie kwa hamwe mukoriri omukonyo go okusarya ekoro yaa Taatabhugya! rora amaguru gaabharyua bhabhikiri musubhe wazo gari mukiseku, na bharakugega no okukuhira igutu". ¹⁰ Rugendo rumwe akagwa mumaguru ga Petro, akakwa hayohayo, niho abhamura bhaarya bhakasikira munyumba bhakabhona akakuri. Bhakahira aekitundu kyaaye habhori, bhakabhika haguhi na musubhe waaye. ¹¹ Gayo gakagirya abhatu bhosi bhe erisengerero, hamwe naabhandi bhosi bhano bhakigwa amang'ana gayo, bhakahaha bhukong'u. ¹² Abhega bha Yeesu bhayo bhaari bharakora ebhyerekenio ne ebhiruguro bhyaaru gati waabhatu, na abhikirirya bha Yeesu bhosi bhshikumsnis hamwe mwisengerero, ahagiro he eriibharaza rya Seremani. ¹³ Abhaatu bhano bhatamwikirirye Yeesu bhaari bharabhakumia bhukong'u abhega bhayo, nawe nabhe oumwe waabhu, atasikirye okwisanginia hamwe nabho kwo okwoobhoha abhakangati bhabhu. ¹⁴ Nawe abhatu abhaaru abhasubhe na abhakari bhakamwikirirya Taatabhugya kwego bhakaruha bhukong'u. ¹⁵ Kwo okuring'ana neebhiruguro bhiyo abheega bhakorerwe, abhatu bhakabha bharareta abharweri nookubhahindirya habhori,kuubhuriri na kubhirago okubha hano Petro akuhita ekirir kyaye kibhahikeku abhandi bhahore. ¹⁶ Ezisango zyaabhatu zirasanga kurwa mumigye gye embarika wa Yerusaremu bhakabhareta abharweri bhabhu, na bhano bhahabha bhanyaharikiri kwa amasambwa amabhi bhosi bhakahoribhwaa. ¹⁷ Okumara omusengeri omukuru akabhuka, na bhoosi bhano bhahabha hamwe nawe (ne erihizo rye erisengerero rya Amasadukayo). ¹⁸ Bhakagororokya amabhoko gabhu no okubhagwata abhabhagati nokubhatura munyumba ya abhabhohwa bhoosigo. ¹⁹ Na hano obhutiku bhwirir, maraika wumwe woomukuru akigura ekiseku kye enyumba yaabhabhoihwa, akabhahurukya habhori kimwe akabhabhurira. ²⁰ Mugende mwimerere mwisengerero, mubhurire abhatu amang'ana gosi iguru yo obhwikari obhuhya bhwa kirakeego". ²¹ Hano bhigwiri rino bhakasikira mwisengerero kwiibhaga rya amakya no okwegya nawe, omusengeri omukuru akaza na bhoosi bhahabha nawe no okubhirikira esengo yosigo hamwe, nabhakaruka bhosigo bhaabhatu bha Israeri bhakabhatuma munyumba ya abhabhohwa kureta abhabhgati. ²² Nawe hano abharibhi bheerisengerero bhasikirri munyumba yaabhabhohwa, bhatabhwenimu abhega bhayo. Kwego bhakakyora nookubhabhurira abhakuru bhayo. ²³ Hano twahikiri tukabhona enyumba yaabhabhohwa yiyo ebhiseku bhigeri, naabharibhi bhimereri habhoori weebhiseku bhararibha. Nawe hano twigwiri ebhiseku bhiyo, utabhwenimu mutu wowosi". ²⁴ Ambe, omukuru waabhari bhe erisengerero naabhakuru bhabhasengeri bhakigwa gayo, bhakahaha bhuko ng'u bhakibhurya 'awe amang'ana gano nibhwi gabherI?" ²⁵ Niho omutu wumwe akaza akabhabhurira, murore! abhatu bharya bhano mukabhoha bhonego bhari mwisengerero bharegya abhatu. ²⁶ Nawe omukuru wa abhasirikare bhakagya hamwe nabhahokya bhakabhareta, nawe bhatakoriri erihi, kwookubha bhakabhobhaha abhatu bhahatura kubhatemi naamagina. ²⁷ Hano bhamariri kubhareta bhakabhatura mubhusyo bhweesango omunyasi omukuru akabhebhurya. ²⁸ Akabhabuurira mutegya kwerina rino nabhono mwizwirye Yerusaremu kuubhwegya bhwenyu, no okugongerya okureta amanyinga goomutu wuno iguru wetu. ²⁹ Nawe Petro na abhabhagati bhakamukyora, hakiriku tusuke ku Eryoobha tutagya kubhatu. ³⁰ Eryoobha rya Taatabhugya weetu rikaryoora Yeesu, wuno mwitiri, kuukumturugazya iguru woomutu. ³¹ Kyaamwe Eryoobha rikamugungya Yeesu nookumtura orubhara rwaye rwoobhuryo, abhe omukangati noomuturya, kweego abhaturya abhaiisraeri bhateebhibhi bhyabhu, okubhabhaabhirwe amabhi. ³² Na neetwe nibhimereri bhaagayo gosi neekoro ehoreru, wuno Eryoobha ryabhabheri abhaatu bhano bhakumwigwa". ³³ Hano abhakuru bheekina kyaabhakakruka bhigwiiri gayo, bhakatinda bhukong'u, bhakeenda okubhita abhabhagati bhayo" ³⁴ Nawe muukina muyo haari no omufarisayo wumwe, wuno yaari akubhirikirwa Gamarieri. Ewe Gamarieri yaari omwegya weemigiro, naabhatu bhosi bhakamwigwa. Akimerera, bhahurukirwe habhoori kwiibhaga iguhi. ³⁵ Niho akabhabhurira abhakuru bheekimna, "Emwe abhatu bhaisraeri, mwisege kisi mukyari kukora eng'ana yino mukwenda kukora kuubhatu bbhano! ³⁶ Ezisiku suhu zino zyahitiri, akatukira omutu wumwe, erina ryaye tende. Tende wuyo yari arizima kubha ni mutu mukuru, naakabhona abhatu magana awe bhakagwata na newe. Nawe kuubhutero akiitwa, nabhatu bhaye bhosi bhano bhahamwigwa bhakanyaragana nookubhura. ³⁷ Hano omutu Yuda omugariraya, akabhuka ezisiku zyookubhara abhaatu akaruta abhaatu bhaaru inyuma waye. Nawe wosi akabhura na bhosi bhano nyaragana. ³⁸ Kweego ndabhabhurira, mtigane na bhatu bhano na mubhatige abheene, kwookubha amang'ana gano neemirimo gino ngyaabhatu gitakuza kubha. ³⁹ Nawe erabhe gino niimirimo gino gitangirwe nee Eryoobha, mtakunagya kubharekyamung'enihe bhwahene mtaza kuroreka kubha mrahakana ne Eryoobha. ⁴⁰ Okumara bhakabhirikira abhabhgati munyumba nookubhatema bhakabhabhurira mtagamba kweerina rya Yeesu, bhakabhatiga bhaagye eno bhakugya. ⁴¹ Bhakahuru kurwa muukina bhakazomererwa kwookubha bhakabhaarirwe kubha bharenderwa kunyaaka nakutama okusukwa kweerina. ⁴² Kuzisiku zyoosi abhyeegya mwisengerero bhahegya muzinyumba zya abhatu, bhakenderera kwegya noouhaya Yeesu kubha noomturya.