¹ Hano twisirire enie kubha turenderwa kugya rugendo kuhitira mumaanzi kugya Itaria, bhakamugwata Pauro na abhabhohwa abhandi kwo omutake wumwi we esaango ya abhasirikare bhe Kiroma arabhirikirwa Julio, wa esaaro ya Augusti. ² Tukatira aobhwato kureka Adramitamu bhuno bhwaari bhureenda kugya aembarika wa Asia nigo tukasikira muunyanza. Aristariko kureka Thesaronike yo Makodonia akagya hamigo neetwe. ³ Orusiku rokabhiri tukiikya ezi naanga kumugwe gwa Sidoni hano Julio yamuginihya Pauro no kumutiga agye kubhasaani bhaaye bhamuginihye. ⁴ Kureka hayo tukagya munyanza tukinaara akusikira kya Kipro kino kyaari kikekiri obhukaama, kokubha omukama ngwariguratu heemba. ⁵ Hano twamara orugendo romumanzi haguhi na Kilikia na Pamphilia tukagya Mira, omugye gwa Lisia. ⁶ Harya omutaaki we rigeshi rya kirooma yagibhuzeeni obhwato bhury kureka Arexandria yino yenderwa okugenda kugya Itaria, Akatutiirya moosi waku. ⁷ Hano twatanga orugendo ng'orang'ora kiro zisiku ezinzaru tee tukabha tuhikiri kwee nyaako haguhi na Kinidas, obhukama bhukagya kweki kugya kunzira iyo, neego tukagenda embarika ya ekizurur kye Krete kwokwikenga omukama, tukang'osera Somone. ⁸ Tukahitira kwa nyaaku mbarika ye munyanza tukahika ahagiro harabhirikirwa ebandanzi enzomu yino eri haguhi na lasia. ⁹ Tukagya eribhaga eritaambi ne eribhaga rya abhayahudi rye ntakurya ryaari rihitia ikabha ni ibhaga ibhiihu kurugendonawe Pauro akaturekya. ¹⁰ No kuhaya, abhasubhe ndarora erugendo runo tukwendera kugeenda nirabhona amabhihu na garatubhona gano gatari na bhweera turabhona amabhiihu etari kubhurya emiigo egyeene naneetwe bhoosigo. ¹¹ Nawe omutake warya mwigwiri Pauro akamitwerera omukuru waye no amwenego obirato, kukira amang'ana go omurooti Pauro gano yagamba. ¹² Kwooku bha kubandari hatari hagiro hanyoohu kwikara eribhaga rye embeho, abhe ene bhwaato bhakweenda tugende tureke hayo, kubha kwobhobhosi tuhike Foinike, twikare hayo eriibhaga ryoosi ryembeho. Foinike ne ebandari yino yerekeri maamu ruguru na range ruguru hayo Krete. ¹³ Omukama gwe range hano gweenda okuhuuta ng'orang'ora abheene birato bhakisega kubha babhweeni kino bhari kwendera. Bakatemora orugendo embarika we nyaanza Krete gahuhi na mumwaro. ¹⁴ Nawekuribhaga iguhi obhukama obhuhaari bhwe maamu ruguru gukahuuta kuzinguru kureka amwambuko gwa ekisiwa. ¹⁵ Eribhaga rino obhwaato hano bhwahirirwe no obhukama no okutaamibhwa okubhukiinda obhukama bhuyo, tukikirirania kugya nabho egoego. ¹⁶ Tuking'osa kukuhitira embarika yino yaari ekigwiri obhukama bhwe ekisiwa kino kikubhirikirwa kaunda, na kwe enyako tukanagya okutuurya obhwaato. ¹⁷ Hano bhamariri kuruta obhwaato, bhakabhoha obhwaato kwe zisiri. Bhakabhoha kubhe tunganagirye kugya kuurubhaara rwo muserekerya omwaaru we Sipiti niigo bhakikya ezi nagya no kuryaribhwa embarika. ¹⁸ Tukatwama kumanaga na amabhooku orusiku oruundi abheenebho bhwato bhakatanga okurekera emirigo munyaanza. ¹⁹ Orusiku rwokatatu abheene bhobhwaato bhakataka kutaho amanzi kuumabhoko gaabhu kureka kwubhato. ²⁰ Kwo ribhaga itambi omubhaso na ezinyota zitabhariri, ekyari namabhooko amakuru gakatutema nokwiseega kubha turahora kukahwa. ²¹ Bakabha bhikeeri ibhaga itambi bhakyaari kurya ebhyakurya. Pauro akimeerera gatigati wabho no kuhaya, abhasubhe mwari murenderwa kunitegerera harya Krete tutige kutanoraho tutarigabhweeni enyaako yino na gano gatari na bhweera. ²² Nawe ndabhasiga omutima atareho wuno akukwa ugati weenyu, nawe obhwato bhukurarika eyeene. ²³ Kwookubha obhutiku Eryoobha wuno enye niowaaze nawuno nihamuhokerya akatumania maraika waaye, akimerera embarika wane ²⁴ nokuhaya, tiga okwobhaha Pauro. Tee wimwrere imbere ye Kaisaria, na ndarora kubha Eryoobha akuheeri abhatu bhano bhoosigo bhano bhakugeenda naneewe. ²⁵ Niigo abhasubhe, mwihaane omutima kwokubha enye ndamwikirirya Eryoobha kubha arakora kyeego mbabhuriri. ²⁶ Nawe tee tunyaharike kwo kutemwa no obhukama kwe ebhisiwa ebhindi. ²⁷ Bhuuza kuhika obhutiku bhwikami na kene, hana twaari turahunwa kwu nyaanza Adratik, kubhutiku bhwi gati abheene bhwaato bhakiseega kubha bhahikiri haguhi ne esi eyoomu. ²⁸ Bhakahokerya mito kurengera obhutambi bhwa amanzi bhakakyoora ezimuuta mirongo etatu ne esasabha, kuribhaga iguhi bhakaregya kweeki bhakibhona zisagiri mirongo ebhiri na muhungati. ²⁹ Bhakabhoho kubh abharangya kwitema mumagina niigo bhakuya eginanga zyaabho inye zino zibhohirwi kumbarika zyoosi, bhahindira mubhwaato bhari munyanza bhakasabha obhutiku bhuhwe bhangu. ³⁰ Abheene bhwato bharya bhakabha bharakomya kyeego bharage ogwato gurya no akwikya ebhigwato ebhisuhu bhyo okwambukira amwambuko, nabho bhakasakya kureekera enagye kureka orubhara rwambere yoobhwato. ³¹ Nawe Pauro akahaya kwo omutaka wabhasirikare bhe Kiroma na bharya abhandi, mutakunagya kuhona emwe bhano bhakusaga nebhwe bhakuhina kwu obhwaato. ³² Abhasirikare bhakatina ezisiku zya ebhyaato ebhisuhu bhikagegwaa na amaanzi. ³³ Mumakya hayo, Pauro akabhisasama bharye ebhakurya akahaya runo runo niorusiku rwi kumi na kane mukuganyerira mtakariri ebhyakurya. ³⁴ Nawe ndabhasabha murye kusuhu mwikengere kukwa teee oruzwiri rumwi mtakubhura. ³⁵ Hano yamara okuhaya gayo, akegega omukaate akasabha ku Eryoobha, akagusuura akarya embere wa amasu gaabho. ³⁶ Na neebho bhakebhomna amanaga gukurya ebhyakurya. ³⁷ Ntaari abhaatu magana ebhiri ne emirongo muhungati na basabha kubhwaato. ³⁸ Hano bhamera okurya ebhyakurya bhyokwigutya, bhakakora obhwaato kuhoherwa kwokurekera enanga kunyanza. ³⁹ Omwisi hano gwahika, bhatamenyiri ahasi ahoomu, nawe bhakarora ahagiro ahoomu hasikiri munyaanza hano haari no omuserekenya omwaru bhakiburya kubha abharanagya kuguhira hayo obhwaato bhwaabho kuhagiro harya. ⁴⁰ Neho bhakatimbura ezisiku zye enaagya bhakazitiiga munyaanza kwizibhega riyoriyo bhakitimbura ezisiku zye eritanga ryo obhwato bhakagega iguru embarika ye embere yo obhwaato kwikara obhukama, neho bhakagya harya kumusengerekerya. ⁴¹ Nawe bhakahika ahagiro hano he emigeri ebhiri gya maanzi gitemereeri no obhwaato bhukagya kumusendekererya ne embere harya ho obhwaato ekagaga kumuserekerya bhakatamubhwa hayo ne ahagiro hembere yo bhwaato hakabhaaruka kwookubha amabhoku gabheeri mahari. ⁴² Abhasirikare bharya bhakeendaokubhiita abhahoohwa bhano bharibha nku kwu bhwaato kubha bhataza okwiiza munyaanza no okung'ora. ⁴³ Nawe omutake wa abhasirikare akenda okumuhonia Pauro bhataza okumwita abbhasirikare abhandi bhayo, Pauro akabharekya emisango gabho akenda bhano bhamenyiri okwisaga bhagye amwambuko kuhagiro ahomu. ⁴⁴ Neho abhasubhe abhandi bhakugya inyuma wabhu na abheendi bharatira ebhitimika bhya zimbao, na abhandi kwobhugiro ebhindi bhye kubhwaato, kwa ego ego bhosiigo bharahona no okuhika ahagiro ahoomu.