¹ Hano twahikibhwe kisi tukamenya kubha ekisiwa kirabhirikirwa Malta. ² Abhatu abhamenye bhaa hayo kutaari kubhuga bhakatuginihihya. Nawe bhakahuta omuriro no kutukora abhagini twosigo kukubha embura yaari ekyatweka. ³ Nawe hano ahabha akumenie omurigo gwe ezikwi nokugutura mumuriro enzoka esuhu yo obhusungu ekarwa muzikwi ziyo kwo kubha yo orwoya niho ekirizirira kukubhoko kwaye. ⁴ Abhatu alohamenye bha hayo hano bharuzi ekitweenyi kiritundya kurwa kukubhoko kwaye bhkagamba abheene kubheene "Kubha omutu uyo heene mwiti uno ang'osiri munyanza, nawe ehene etakwikirirya abhene". ⁵ Nawe awe akakirekera ekutyeenyi mumuriro, nawe atabhweeni nyaako yoyosi yirya. ⁶ Ebho bhakamuganya abhimbe kweehoma hamwe agwe hasi kwookutukirirania akwe. Nawe bhakamurorera kwiibhaga itambi nookurora kubha ritareho ing'ana rya kumukora kibhi, bhakakirania amiseego gabhuu nookubhuga wuno yari Taata bhugya. ⁷ Haguhi na ahagiro harya gihabhaho emiguundu gyo omukuru we ekisiwa, erinaryaye Paburio, akutunginihya kwa siku isatu. ⁸ Ahabhao wise wabhu Pabrio ataari kunagha ahabha rwariri ehoma no okusaaha amanyinga. Na hano Pauro hakamuhikira akamutweera amabhoko gaye iguru akamuhorya. ⁹ Hano gayo garorekeni abhatu abhandi bhahabha bharweri bhakamughaku akabha horya. ¹⁰ Abhatu bhakatusuuka kwa soni nzaru. Hano tuhenda orugeendo bhakatuhana bino tuhenda. ¹¹ Hano emieri etatu, tukagenda orugendo rwa mumerikebu ya Iskanda yino yaari etemirwe embeho mumikisiwa, bhano abhakuru bhabhu bhabhiri bhari mbasa. ¹² Hano tuhabha tuhikiri mumugye gwa sirakusa tukikara hayo ezi siku isatu. ¹³ Okweemera hayo tukagenda tukahika omugye gwa Regio. Hano orusiku rumwe omukama gwa range ukatukirirania, na hano sikuibiri zahikiri tukahika mumugye gwa Patori. ¹⁴ Eyo twabweniyo abhahiri bhakatuginihya tukikara nabho kuzisiku muhungati, kwe nzira hino tukaza Rumi. ¹⁵ Kurwa eyo abhahiri bhayo bhakigwa kubha amang'ana getu bhakaza kutusurung'ana eye mumutera gwa Apias na nyumba isatu za okugurirya ebhyakurya, Pauro hano yaruzi abhahiri bhayo akamugungya Taatabhugya akihana obhunagya. ¹⁶ Hano twasikiri Roma, Pauro akabhurirwa kwikara hayo omwene hamwe no musirikare uno ahamuribha. ¹⁷ Ehabha hano orusiku rwa atatu akabhabhurira abhakuru bya Abhayahudi; hano bhasikeni akabhabhurira, abhahiri, ningabha nitakoriri ng'ana mbihu kubhatu bhetu ne eng'ana itahikiririmye na etamwa za bhatat, nikaturwa mumabhoko ga Abharumi, eno mbohirwe okurwera Yerusaremu. ¹⁸ Hano yamariri kwibhurya bhakenda kunihatira kukubha etareho eng'ana yoyosi kwinye ya okuniita. ¹⁹ Nawe hano Abhayahudi bhakarusya amang'ana iguru we erisemo rino nikahatikwa kuhira erisemo kukaisari. Etari kubha nari na ng'ana ya kubhasema abhatu bhe ekyaaro kyaane. ²⁰ Kukubha yookuhira erisemo ryane Kukaisari, kubharora kukerania na nemwe. Ni kwokubha ya kirya kikukora ana obhuturo nakya nibokirwe ekibhoko kino. ²¹ Kyamwe bhaamubhurira tutakabhweri ing'ana kurwa Yudea rino rikukerania iguru wayo atareho muhiri uno akaza kurusha amang'na hamwe kagamba ing'ana ryoryosi iguru wazo. ²² Nawe turenda kwigwa kurwa kunawe kyego okurora, "Oriseegaki iguru we eigandabhare rya abhatu bhao kwookubha emenyekeni kwite kubha rirakerenia bhuhuteki kira ahagiro. ²³ Hano bhahabha bhahuri orusikukunewe, abhatu abharu bhakamuzaku kuhagiro, hano yaari akwikara. Akagamba eng'ana iyo kunebho kwerekererya iguru wo obhutemi bwa Taatabhugya. Akasakya kubhang'orong'obha iguru wa Yeesu, kwa etubho zosigo ibhiri kukurwa kumigiro gya Musa okurwa kumanabii, okwanzira etabhori ntee nygorobha. ²⁴ Abhandi bhakang'orong'obha iguru wa amang'ana gaye gano gagambirwe eribhaga erindi bhatahagirirya. ²⁵ Hano bhatamiri kwigwerena abhene kwa abhene bhakimuka hano Pauro yamariri kuhaya eng'ana yino eymwe, Ekoro ehoreru akagamba kiisi kuhitira Isaya Taata wetu. ²⁶ Akabhuga, nogye kuubhatu bhano ubhuge, kuumatwi genyu mrazakwigwa, nawe mutakumenya na kuumeso genyu mrarora nawe mtakumenya. ²⁷ Kukubha ezikoro za bhatu bhano gibheri muhimu, amatwii gakigwa kwe enyaako bharamukirye nawe bhatakumenya kwomeso gabhu no kwigwa kumatwi no okumenya kwo ezikoro zyabhu no okwikyora kweki naari ndabhahorya. ²⁸ Kwego mrenderwa kumenya kubha obhuturibhwa bhuno bhwa Taatabhugya bhuhirirwe kuubhatu bhebyaro, na bharitengerera. ²⁹ Eribhaga rino abhugiri amang'ana gano, Wayahudi bhakimuka bhahabha bharahizana. ³⁰ Pauro akikara munyumba yaye yakupanga emiaka gyosigo ebhiri, na akabhaginiha bhosi bhakaza kunewe. ³¹ Ahabha ararwaza bhwa Taatabhugya ahabha arabhegya amang'ana iguru yoo Eryoobha Yeesu Kristo kwoo obhunagya bhoosi atareho wuno yamurekirye.