¹ Ekabha kweego Apolo hano ahabha Korintho, Pauro akahita mutandare zinguru nokuhika gatigati yo mugye gwa Efeso na akabhona abheegi abhandi bhariyo. ² Pauro akabhabhurira, "Mukagega ekoro endabhu hano mukirirya?" Bhakamubhurira, "Zeyi tutanagirye okwigwa kubha ekoro endaabhu. ³ Pauro akabhuga, "Bhoono emwe mukasubhwabhwi?" Bhakabbhuga", gatigati yobhwibhurwa kabhiri bhwa Yohana. ⁴ Nawe Pauro akabhakyoora, Yohana akasuubha kwobhwibhurwa kabhiri bho kwabhirwa akabhabhurira abhatu bharya kubha murenderwa okumwikirirya wurya akuuza hinga kunewe, wuno Yeesu. ⁵ Abhatu hano bhakigwa amang'ana gano, bhakasubhwa kwe rina Taata Yeesu. ⁶ Ekabha Pauro hano akabhateera amabhoko gaye iguru yabhu, Ekoro endabhu ekaza iguru wabhu na bhakawanza okugamba kwe ekigambo kyaabhu no okuroota. ⁷ Obwaaru bwabhu bhahabha bhasubhe bhakuhika ikumi na bhabhiri. ⁸ Pauro akageenda gatigati yerisengerero akahaya kwobhuhari kweribhaga rye emieri etatu. Ahabha akangatiri amakerenio nokubharuta abhatu kweego amang'ana gano gakugya no bhutake bhwa Taatabhugya. ⁹ Nawe Abhayahudi abhandi bhahabha bhatakuigwa na bhano bhatakwikirirya, bhakawanza okugamba amabhihu kuzinzira zya Kristo embere ye esaro, Pauro akatigana nabho nokubhahura abhikirirya kure nabho, woosi akanza okugamba kira orusiku gatigati murukungu kwa Tiramo. ¹⁰ Yino ekagendererya kwe emiaka ebhiri, kweego bhoosi bhahabha bharikara gatigati Asia bhakigwa ering'ana Taatabhugya, bhoosi abhayahudi na abhayunani. ¹¹ Taatabhugya ahabhaarakora amahokya amakuru kwa amabhoko ga Pauro. ¹² Kweego abhwarweri ahabhahoribhwa, ne ekoro embihu ekabharwaku, kweribhaga rino bhakagega ekitambara kye engibho yino erweri mumubhiroi gwa Pauro. ¹³ Nawe bhahabhahu Abhayahudi bharahembwa erinani bhahurukiri kuhitira ahagiro hayo, kukoreera erina rya Yeesu kwo amang'ana gabhu abhene. Akabhabhurira bharya bhaaari nerinana abhahibhu; Bharabhuga, "Ndabhaatika mureke kwe erina rya Yeesu wuno Pauro akamubhurira. ¹⁴ Bhano bhakakora gano bhahabha abhana muhungati bha abhagengeri abhakuru bhekiyahudi, Skewa. ¹⁵ Ezikoro ezimbihu zikzbhzkyoora, "Yeesu nimumenyiri, na Pauro nimumenyiri, nawe emwe ni bhawewi?" ¹⁶ Yirya ekoro embihu mwoosi wo muutu ekabhabhuruurukira abharuusya bheemisambwa nokubhahiza ezinguru nokubhatema. Niho bhakaryara okurwa munyumba yirya bhahabha king'abhu no kunyaharwa. ¹⁷ Ering'ana rino rikamenyekana ku bhoosi, Abhayunani, bhano bhahikara eyo Efeso bhakakaho no bhoobha bhwaaru, ne erina rya Taatabhugya rikabha bhararisuuka. ¹⁸ Nna abhaaru bho bhwikirirya bhakaaza nokusabha no kuerekania anahokya amabhihu gano bhakoriri. ¹⁹ Abhaaru bhano bhahabha bharakora obhuganga bhakakumania ebhitabhu byabhu, bhakabhyooka embere ya kila omutu kuribhitiga ryaabhu bhahabhara obhuheene bhwebhigiro bhiyo, bhihabha bhisisnzika mirongo etano byezihera. ²⁰ Kweego ering'ana rya Taatabhugya rikanyaragana kwo obhugari gatigati yezinguru. ²¹ Pauro akamara obhusakirya bhwaye erya Efeso, Eekoro ekama werekererya okugenda Yerusaremu kuhitira Makedonia na Akaya; Akabhuga, "Eriibhaga yokubha eyo, nirenderwa niyire Rumi yosi. ²² Pauro akabhatuma Makedonia abheegi bhaye bhabhiri, Timotheo na Erasto ,bhano bhahabha bhamusakirye. Nawe ewe omwene akasaga Asia kwe eribhaga. ²³ Kuribhaga riyo kukabhoneka enyaako ekuru eyo Efeso kyeego yira enzira. ²⁴ Muturi wumwe erina ryaye Demetrio, wuno yakoriri ebhihunduguru byezihera zya Eryoobha Diana akareta ebyasara ebhikuru bya abhahokerya. ²⁵ Kweego akabhakumania abhahookya bhemirimo giyo akabhuga, "Abhatake, mumenyiri kubha gatigati yebyasara bino etwe turasikirya ezihera nzaaru. ²⁶ Muruzi nokwigwa kubha hatari hano Efeso, na haguhi na Asia yoosi, wuno Pauro akabhang'enererya nokubhakyoora abhatu abhaaru. Arabhuga kubha abhatariho bha Taatabhagya bhano bhakorirwe kwa amabhooko. ²⁷ Ne etari ego bhuroho obhuhibhu kubha ebyasara byeetu bhirabha bhitakwenderwa kweki, nawe kweki erisengerero rya Taatabhugya okukari wuno omukuru, Diana aranagya kugeegwa kubha atana ng'ana kweki aranagya okubhurya obhukuru bhwaye, ewe wuno Asia nee ekyaaro bharamusabha". ²⁸ Hano bhakigwa gayo, bhakizurwa nobhurur bhakatema ekitiri, bharabhuga, "Diana wa Waefeso ni mukuru. ²⁹ Omugye gwoosi gukizura enyaako na abhayu bhoosi bhakaryara hamwe mwoosi yo orukungu rwe erbharara. Bhakabhagwa abhahuruki abharikyaye na Pauro, gayo na Aristariko, bhano bhakawa Makedonia. ³⁰ Pauro akenda okusikra musango y abhatu nawe abheegi bhakamurekya. ³¹ Abhatake bha amagunguri Asia bhano bhahabha abhasani bhaaye bhakamuhirira amakerenio kwe ezinguru okumusabha atasikira gatigati wo orukungu rwe eribharaka. ³² Abhatu abhaandi bhahabha bhaibhuga kigisoki kino na abhandi ering'ana ringa, kwwokubha esango ya abhatu bhahabha bhayangahiri abhaaru bhaatu bhatanagirye okumenya ni kwaki bhaakaaza hamwe. ³³ Abhayahudi bhakamureta Isekanda igutu ye sango ya abhatu nokumutura iguru embere ya abhaatu. Iskanda akaruusya ekiseengeyo kwo okubhoko kwaye okurusya amerekeryo ku abhaatu. ³⁴ Nawe hano bhakamenya kubha ewe ni Muyahudi bhoosi bhakatema ekitiri kweriraka erimwe kweribhaga ryezisa ebhiri, "Diana niomukuru wa waefeso." ³⁵ Kugayo omukaami wo muugye akabha kirirania bhesango, akabhuga, emwe abhasubhe bha Efeso, ni wewi wuno atamenyiri kubha omugye guno gwa Efeso ni mubhiki we risengerero rya diana omukuru wa rirya ekiriri yino yagwiri okurwa mwisaro? ³⁶ Okurora bhoono kubha amang'ana gano gatakunagibhwa, turenderwa tubhe bhahoreru na mutakora kyokyoosi kwa bhwaangu. ³⁷ Kwookubha mubhabhirikiri abhaatu bhano hano erirwaziro bhano bhatari abhiri bha mwisengerero na bhatari bhano bhakamwanga tata weetu omukuru. ³⁸ Kweego, arabhe Demetrio na abhahokya bhano bharihamwe nawe bhana aamasemo iguru yo mutu wowowsi erirwaziro zirimwasi na mwanangwa bhariho. Na bhahirwe embere yo omutaki. ³⁹ Nawe aribha awe orakomye kyo kyosi kweego amang'ana agandi garakorerwa gatigati ye ebhikapo ebhizomu. ⁴⁰ Kubhuhene turi gatigati yobhubhihu bhokwisegerwa kweego eriyooge orusiku runo. Ritariho erikosa rya amabhihu gano na tutakubha nobhunagya bhwo kugahaya. ⁴¹ Kyeego yokuhaya gano, akabhanyaragania amasikaniro.