¹ Kwookubha yaamang;ana gayo Pauro akabhuka Athene kugya Korintho. ² Eyo akambona Omuyahudi wuno akubhirikirwa Akwira, omutu wa hamatu lya Ponto, ewe noomukari waye arabhirikirwa Prisla, bhanaze kureka eyo Itaria, kwokubha Kraudia, akamuraabha Yahudi bhosigo bhareke Roma, Pauro akaza kunebho. ³ Pauro akikara nookukora emirimo nabho kwookubha ewe arakora emirimo gino gitubheni ne egyabhu. Ebho bhahabha bharakora amabhuru. ⁴ Pauro akaerenia nabho kwisengerero kurusiku rwo okusabha akabisasama Abhayahudi hsmwe na Abhagiriki. ⁵ Nawe Sira na Timotheo hano bhakaza kureka Mekodonia, Pauro akahunwa ne ekoro kubhabhurira Abhayahudi kubha Yeesu niwe Kiristo. ⁶ Kwibhaga Abhayahudi hano bhakamwanga nookumwegako kwego Pauro akakukura engibho yaye mubhusyobhwabhu, nookubhurira, amanyinga genyu gabhe iguru ye emitwe gyenyu abhene, enye ntana mabhihu. Kurwa bhono nookuhgya ndahikira ebhyaro. ⁷ Kwego akabhuka kurwa hanya akabgya kunyumba ya Tito Yusto, omutu wuno akusabha eryobha enyumba yaye erihaguhi na isengerero. ⁸ Krispo, omukangati wa sinsgogi hamwe na abhatu bha yika waye bhakamwikirirya Taatabhugya. Abhatu bharu bha Korintho bhano bhamwigwiri Pauro arakerenia bhakamwikirirya nookubhasindura. ⁹ Taatabhugya bhakabhabhurira Pauro obhutiku kwe enzira yoobhuroti otaza kwoobhoha, nawe kerenia nawe otakirirania. ¹⁰ Kwookubha enye ndihamwe na nawe, na atareho wuno kuza kusakya kukusarya kwookubha nina abhatu bharumugye muno". ¹¹ Pauro akikareyo kwibhaga rya mwaka gumwe na mieri esasabha aregya eng'ana ye Eryoobha kubharya bhosi. ¹² Nawe Galio hano yakorirwe mtake wa Akaya, abhayahudi bhakimerera hamwe okutama kubha hamwe na Pauro nookuhira mubhusyo bhwe ekitumbi kyeerisinziro. ¹³ Bhakahaya", Omutu wuno arabhisasama abhatu bhikirirye eryoobha kutamakubha hamwe naemigiro. ¹⁴ Eribhaga rino Pauro ahenda okuhayaGariyo akabhabhurira abhayahudi emwe abhayahudi, ingabheri bhwari awe osarirye, yari kisi okubhasakirya. ¹⁵ Nawe kwookubha mabhuryo gano gakwenderwa amang'ana na amarina, ne migiro zyenyumbe mugamare emwe abhene, enye ntakugongerya kubha hakimu okumenya amang'ana gayo" ¹⁶ Gario akabhurira bhareke kukitumbi kyerisinziro. ¹⁷ Hayo bhakamugwata Sosthene omukangati bhasengeri bhakamutema kubhuhikiro bhwe ekitumbi kyoobhunziro. Nawe Gario atatiriri kukino bhakoriri. ¹⁸ Pauro hano ahabha yikeri harya kwibhaga itambi, bhakatiga abhahiri nookugya kuumeri Siria hamwe na Prisira na Akwira bhahabha bhakyari ezinzweri zyaye kwookubha ahabha yirahiri kubha bhurage. ¹⁹ Hano bhahikiri Efeso, Pauro akatiga Prisira na Akwira harya nawe ewe omwene akasikira mwi erisengerero no okukerenia na bhayahudi. ²⁰ Hano bhabhuriri Pauro yikare nabho kwibhaga itambi ewe akanga. ²¹ Ewe akareka kunebho, akabhabhurira, "ndokyora kweki kunemwe, okubha niobhusegi bhwe Eriobha". Okumara hayo akabhuka neemeri kureka Efeso. ²³ Pauro hano yahikiri Kaisaria akatira kugya kukerya erisengerero rya Yerusaremu, okumara akituma iyasi we erisengerero rya Antiokia. ²² Hano yikeri kwibhaga harya, Pauro akagya akahitira ahagiro na Garatia na Frigia no okubhasiga ezikoro abhegi bhaye. ²⁴ Omuyahudi oumwe wuno akubhirikirwa Apolo, wuno yibhurwe eyo Alexandria akaza Efeso. Ahabha amenyiri amakerenio na omung'eni huma kano. ²⁵ Apolo ahabhe yerekereribhwe kuukwegibhwa bhwa tatabhugya. Kwego ahabha no omukya gatigati we ekoro, akakerenia no okwegya kwoobhuheene naang'ana gano gakwenderwa kuu Yeesu, nawe akamenya obhusinurwa bhwa Yohana. ²⁶ Apollo akakangata kukerenia kwe ekisubhe gatigati ye erisengerero. Nawe Prisira na Akwira hano bhamwigwiri akakora obhusani na newe bhakamkamkerenerya iguru weenzira ye eriobha kwo obhuuhene. ²⁷ Hano yagongerye kubhuka kumsung'ana. Hano yahikiri kwo orubhango akabhasakirya bhukong'u bharya bhahabha bhikirirye. ²⁸ Kuunzinguru zyaye na amang'eni Apollo akarekerya kuhitira amakemo gookubha Yeesu niwe Kiristo.