¹ Mbali gweye galonge gaja goita na maelezo ga kuaminika. ² Walala wawe na kiasi, heshima, busala, imani inogile, muna uupendo, na muna uuvumilivu. ³ Viavi na wanawake walalalazima wailaguse wao wenyego kama wenye kujiheshimu, na siyo wasengenyaji. Lazima seka wawe watumwa wa ugimbi. ⁴ Olondeka kufunza ganogile ili kuwasasala wandele kwa busala kuwapenda walume zao na wanao. ⁵ Olondeka kuwafunza kuwa na busala, wasafi, watunzaji wanogile wa ng'anda zao, na watii kwa walume zao wenyego. Yowalazimu kutenda mbuli zino ili kwambambuli ya Mulungu seka iligigwe. ⁶ Muna inamna iyo iyo, wagumeni moyo wabwanga wawe na busala. ⁷ Muna zimbuli zose ikeni wenyego kuwa mfano muna zikazi zinogile; na vu mfundisha, laguseniuadilifu na heshima. ⁸ Longeni ujumbe wenye afya na ulibule dosali, ili kwamba yoyose yopinga yehuligwe kwa sababu kabule kinyala kuwalonga vihile. ⁹ Watumwa wawatii wenevale wao muna ikila kihnu. Yolondeka watende goya na siyo kubishana nao. ¹⁰ Hawalondeka kwiba. Badala yake, olondeka kulagusa imani yose inogile ili kwamba muna zinzila zose ziwe na mafundisho getu kumhusu Mulungu mlokozi wetu. ¹¹ Kwa kuwa neema ya Mulungu ioneka kwa wahnu wose. ¹² Yochifundisha kulema mbuli zili siyo za Kimulungu na tamaa za kidunia. Yochifundisha kuishi kwa busala, kwa haki, na muna zinzila za Kimulungu kwa wakati uno. ¹³ Wakati chotarajia kuhokela tumaini jetu denye baraka, muonekano wa utukufu wa Mulungu wetu mkulu na mulokozi wetu Yesu Kristo. ¹⁴ Yesukailava mwenyego kwa ajili yetu ili kuchikombola kulawa muna uubananzi na kuchitenda wasafi, kwa ajili yake, wahnu maalumu weli na hamu ya kutenda kazi inogile. ¹⁵ Galonge na kugasisitiza mambo gano. Kalikila kwa mamlaka gose. Seka utogolemuhnu yoyose yakwehule.