¹ Uwakumbuse kuwanyenyekea viongozi na mamlaka, kuwatii na kuwa tayali muna ikila kazi inogile. ² Wakumbuse seka wamtendele muhnu yoyose ubaya, waepuke kuibwatiza, wawewhng'e nyafasi wahnu wamwenga muna ukutenda maamuzi, na kulagusa unyenyekevu kwa wahnu wose. ³ Kwa kuwa cheye ivia chikala na mawazo potofu na wakaidi. Chikala muupotevu kitendigwa watumwa kwa tamaa nyingi na starehe. Chiishi muna imigongo na ubananzi. Kichukiza na kuichukia. ⁴ Mbali wakati ubazi wa Mulungu mulokozi wetu na upendo wake kwa wahnu vuuoneke, ⁵ haiwile kwa matendo getu aa haki gakitendile, bali kachiokoa kwa neema yake. Kachiokoa kwa kuchisuhna kwa kuleligwa kaidi na kwa kuzengwa kaidi kwa Loho Mtakatifu. ⁶ Mulungu kamwitila Loho Mtakatifu kwa wingi kumwenu kufosela Yesu Kristo mulokozi wetu. ⁷ Katenda vino ili kwambva, chahawa kipetiligwa haki kwa neema yake, kiwe washilika kwa uhakika wa maisha ga milele. ⁸ Uno ni ujumbe wa kuaminika. Nowalonda mzilonge kwa ujasilimbuli zino, ili kwamba waja omuamini Mulungu wawe na zamila juu ya kazi inogile ambayo kaika haulongozi yao. Mambo gano ganoga na gana faida kwa ajili ya wahnu wose. ⁹ Lakini mujiepushe na mijadala ya kipumbavu, ndwagi, mashindano, na migongano kuhusu shelia. Mbuli zino zabule maana wala faida. ¹⁰ Mulemeni yoyose yosababisha migawanyiko kati yenu. Baada ya onyo dimwe au maidi, ¹¹ muvimanye kuwa muhnu kama iyo kaileka nzila sahihi na kotenda ubananzi na kuihukumu mwenyego. ¹² Vonda nimtume kumwako Artemi au Tikiko, ulopole wize kuno kumwangu Nikapoli ambako niamua kukala kipindi cha mbeho. ¹³ Lopola na umtume Zena mtaalamu muna ishelia,na Apolo, bila ya kuhungukilwa na kihnu. ¹⁴ Wahnu wetu lazima waifunze kugujalika muna zikazi zinogile ambazo zogusa vihnu vilondeka ili kwamba seke wawe hawalela matunda. ¹⁵ Wose weli hamwe na nie okulamsa. Walamse waja ochipenda muna iimani. Neema iwe na mweye mose.