¹ U Yesu winjila mbwato, walambuka wafika kukaya ineligeakwikalaya. ² Lola, wandetela undu winelinge watalala ali pipepe alambalile. Pine waona izumilo dyao, u Yesu wampozya undu mwine atalile, "Mwanane, zangala, imbi zyako zyauka" ³ Lola, wamwi alanganizi na awa masunde wiyelenganya awene kwa wene, "Undu huyu amakufulu" ⁴ U Yesu wayaona amelenganyo yao watela wate, "Kuchiyi mukwelenganya amawi imioyo inu? ⁵ Chilikweni ichitosu kukuti, 'Imbi zyako zyauka, au kuti, imilila uende?' ⁶ Epa mumane kukuti umwana wa Adamu ali na amaka aya ushezya imbi..." watezile eya kwandu wine alinge atalile, "Imilila, senda ipepe dyako, uwale kuminu'' ⁷ Pine undu uyo akwimilila na kuwoka kuwala kukwakwe. ⁸ Iwongano pine waona eyo, wakasamile na kukuntogola Umulungu, mwine awapile amaka eyo awandu. ⁹ Pine u Yesu alinge wapita kufuma pine linge akwali, wambwine undu wine alinge wakwitiwa itawa umateo, mwine alinge aikile kwa akwinganya ushuru. Nape wampozya, "Ngonga unene" Nape wimilila wankonga. ¹⁰ U Yesu pine wikile adye ichiliwa inumba, wizile akwinganya ushuru awinji na awandu awawi wadya papamwi nu u Yesu na alanganizyi wakwe. ¹¹ Pane Afarisayo wayaona eyo, wawapozya alanganizyi "Kuchiyi undanganishi winu wakudya ichiliwa papamwi na akwinganya ushuru na andu awawi?'' ¹² Uyesu pine wivwile eyo, nape watela wati "Awandu wine apuma watanga wanvwambe ung'anga, ngani wala wine awinu. ¹³ Yavwambiwa muwale mukifunze amanakwe, "Ndogwile izumilo kasi idhabiu" Nizile, kasi awalutogo watonde, ngani awambi. ¹⁴ Pine alanganizyi wa Yohana wiza kukwakwe wati, "Kuchiyi usweswe na Afarisayo tufunga, ila alanganizyi wako watafunga?" ¹⁵ U Yesu wawapozya, Je achisinde wa winga wangasungama pine wali nushawinga pine wali papamwi nakwe? Isiku eizile pine ushawinga asendiwa kufuma kumiao, epo pine wafungwa. ¹⁶ Nawimwi undu wine angawika akapambwa kamwenda upya ku mwenda iwakali, akapambwa kangatatuka kufuma ku mwenda kulepuka pa ukulu pangafumila. ¹⁷ Kutakola undu wineangawika umvinyo upya kuchiya icha umvinyo iwa kali, nge walonga, injimba ingalepuka, umvinyo ungauka ne ngwembe ingaluwangika. Ngani ungawika unvinyo ku ngwembe imbya zyosi zikuwa ivinonu. ¹⁸ Pine u Yesu alinge wawapozya imbola izyo, lola, unkali wiza winama kumbele yakwe, nape wampozya, umwalele wane wazumalika isambo lili, iza umbikile unkono wako palulu yakwe nape akuwa umpuma kalinji. ¹⁹ Pene u Yesu umilila wakolezyana na alanganizyi wakwe. ²⁰ Lola, uwachichima wine alinge afumaya ulande kwisambo idya miaka ikumi na iwili, wizile papipi nu Yesu wapalakasha akapambwe ka anzo yakwe. ²¹ Vino watezile, nanga mbalakashe ipwembwe dyakwe, ngupuluka." ²² U Yesu wageluka wandola wampozya. "Mwalili, ipe umoyo, izumilo dyako line lyakupulusha," Ni isambo idyo uwachichima uyo wapona. ²³ Nu Uyesu pine wafikile kunumba ya nkali, nape wawawine wine walamba amapenga iungano dya wandu alinge ulamba ichongo. ²⁴ Nape watela, "Uki epa, mbona umwalili atafwa, alambalile. Awene wansekile na kukumbyeda. ²⁵ Na awandu wala pine wafumile pazi, nape winjile inumba wandema unkono nu umwalili yula walangazya. ²⁶ Ne imbola izyo zyasambana ikaya yosi. ²⁷ Pine u Yesu alinge apitile kufuma pala, achilume wawili awa masongo wankongile. Wazya kupokota ichongo wakuti, "Tulenga utuonele ingumbu mwana wa Daudi." ²⁸ Isambo line u Yesu wafika panumba, wala amasongo wambalila. Uyesu wawapozya, "Munzumila kukuti mbwezizye kulonga?" Nape wampozya "Izya mwene, Nkali" ²⁹ Pene Uyesu wapalakasha amiso yao wati, "Ilongiwe ulo kuminu changati vino izumilo linu lili" ³⁰ Amiso yao yafumbuluka. Pine u Yesu wawakomekesha wawapozya "Mulole undu yoyosi atamane kuhusu imbola hiyi." ³¹ Lakini awandu heo wawili waukile wazya ulamba imbila imbola hizyo ikaya zyosi. ³² Pine achilume wala wawili alinge waukile, Lola, undu yumwi ububu alinge winjili wa nu unzimu wandetile kwa Yesu. ³³ Nu unzimu pine waukile, yula ububu wanzya kutela. Iwungano dyakasamile watela wati, "Iyi ichili ifumilaye ku Israeli. ³⁴ Afarisayo alinge watela wakuti, "Kwa akali wa azimu amayachimbizya amazimu" ³⁵ U Yesu wawala ikaya zyosi niikaya mditi. Ngani wazyakuwalanganizya na kumasinagogi, wawawila ienjili ya umwene, na kupulusha imena zyesi, nu uyegevu iwa vyovyosi. ³⁶ Pine wawine lungato, nape wawaonelile ingumbu, vine wagaile na kuvunika imioyo. Linge wali changati ing'ozi zine zitakola undimaji. ³⁷ Nape wawapozya alanganizyi wakwe. "Amakuzo aminji, ila alonga milimo awache. ³⁸ Epa kalakashi ndengi unkali wa makuzo, awatume alonga kumakuzo yakwe."