¹ Uyesu wawita alanganizyi wakwe ikumina wawili papamu na kuwapa amaka ayafunya amazimu amavi, kuwakalipila, kuwahimbizya na kupulusha chila mina. ² Amatawa ya akatumwa ikumi na wawili yaya. Iwakwanza u Simeoni (mwine wakwitwa u Petro), nu Andrea unkadyakwe, Yakobo umwana wa Zebedayo, nu Yohana ukadyakwe: ³ U Philipo, nu Bartelemayo, Thomaso, nu Mathayo mtoza ushuru, Yakobo umwana wa Alfayo, nu Tadeo, ⁴ U Simoni mkananayo, nu Yuda iskariote, mwine wangeluke. ⁵ Ewa ikumi na wawili u Yesuwawatumile. Wawelekizye wati "Mtawale kwine wapotengine kalinji mutinjile mukaya zya asamalia. ⁶ Ibadala yakwe, muwale kung'ozi zinezityegile izya kunumba ya Israeli. ⁷ Nge pine mwazile, pokotayi na kutela, umwene wa Mulungu wapalamila.' ⁸ Polushi awinu, wazyushi afwile, muwelufye awiwala, muchimbizye amazimu, mbapile umoni, mufunye umoni. ⁹ Mutasende idhahabu, ialimas au ishaba kuminfuko inu. ¹⁰ Mtasende imbedi kuminsezo yinu, nanga kupaya imienda, indyalo au isavu, kwani undogamilimo yavwambiwa adye ichiliwa chakwe. ¹¹ Ise yoyosi au ikaya ine mukwinjila, mvambi mwene atekime epo pine mwikale mpaka pine mulauke. ¹² Pine mukwinjila inumba lamkayi, ¹³ Nge inumba itekime, izumilo dyinu lishale papo, nge inumba itatekama, izumilo dyinu ukayi nadyo. ¹⁴ Na wala wine watawatangana umwewe na kukwivwa imala zinu, pine muuka kunumba zyao au kukaya zyao, mwipukuse ulungundi idwa nayo zinu epo. ¹⁵ Izya mwene nawapozya, ingawa ivinonu ichisini kukaya iya Sodoma ne Igomorah kuhukumiwa kuliko ikaya iyo. ¹⁶ Loli, namtuma changati ing'ozi pakasi ya mezi, muwe mwawelewa changati izoka na mutekame changati injiwa. ¹⁷ Muwangalilaye awandu, wamtwala kumabaraza na kuwabishezya kumasinagogi. ¹⁸ Na waliwatwale kwa akali na amwene kwa ajili yane, changati umashuda kuluwene na kwa wine watawazumila. ¹⁹ Nge pine wawaishuta, mutawe nu uwowa kukuti cheyi chene mupangila, kwani ichapanga muchipata isambo lilyo. ²⁰ Epa vino kasi mwemwe mupanga, umoyo wa Tayi yinu wine apanga nkasi inu. ²¹ Undu akwinukila umwanao kukunkomanga, nu utayi kwa mwanakwe, na awana wakwinu kila azazi wao, na kuwakomanga. ²² Namwi awandu wawachila kwa ajili itawa dyane. Ila mwene avumilia mpaka umwisho undu uyo akokolewa. ²³ Pine wamgazya kuse iyo, chimbileli ise iyamiao ya kumbele yakwe, izya mwene na mpozya, mutakakuwa mwawala ikaya zyosi izya ku Israeli kabla umwana wa Adamu atasuwa. ²⁴ Alanganizyi kasi akali kupita undanganizyi wakwe, nanga uzya iwa palulu ya ukadyakwe. ²⁵ Ikwizile alanganizyi wawe changati undanganizyi wakwe, nu uzya awe changati ukadyakwe; nge wamwitile unkali wa numba u Belzabuli, kuchipimochi chine wawakwelegusha kunumba yakwe! ²⁶ Epa mutawatine awene, kwani kutakola imbola yene itakupuliwaya, kutakola chene chipisiwe chitaka umbuka. ²⁷ Chine nampozya kuchisi, muchitele kuwelu, na chene muchivwa kutosu imakutwi yinu, muchitele nuku muli palulu ya numa. ²⁸ Mtawatine wine wakomanga umbili watakola amaka ayakomanga umoyo,. Ngani ntini mwene wa kwangamiza umbili nu moyo kula kuzimu. ²⁹ Je akasuku waweli watakazyiwaya ku senti inditi? Nanga vivyo nayumwi mwine angiwisha pase, bila utayi nu kumana. ³⁰ Nanga inyele zinu ziwazyiwe. ³¹ Mutawe nu uowa, mupangamaliwe ichisini kupita akasuku awinji. ³² Ulo mwine azumila kwa wandu, na ninye ngunzumila kwa Tayi wane kululu. ³³ Ila mwine angana ku wandu, na ninye ndili nkane kubele ya Tayi wane mwine alikululu. ³⁴ Mutelenganye kukuti nizili kuleta izumilo kuwelelo. Ndizile kulela izumilo, ila ndelile ipanga. ³⁵ Vine nizile kukumbika undu adwe nu tayakwe, nu umwalili nu mayakwe, nu ukwalima nu ninavyalakwe. ³⁶ Umbi wa ndu wakuwa wawala awa numba mmiao. ³⁷ Yula mwine antogwile utayi au unina ichisini kupita unene uyo atamfwaya na mwine antogwile undumendo au umalili kupita unene uyo atamfwaya. ³⁸ Mwine atakausenda umsalaba na kungonga unene atanfwaya. ³⁹ Mwine wavwamba upuma autyezya. Ila mwine atyezya upuma kwa ajili yane ayapata. ⁴⁰ Mwine awakalibisha angalibishe nene, na mwine angalibisha unene ankalibishe yula mwine andumile unene. ⁴¹ Na mwine akukalibisha unkali vino unkali atangana indupo ya nkali. Na mwine akunkalibisha iwa ngumbo vino alini ngumbu atangana indupo yandu iwangumbu. ⁴² Yoyosi mwine akumpa adwimwi kwa titi ewa, nanga ichikombeb cha mazi aya mwela amatalavu, vine umwene undanganizi, izya mwene nampozya, umwene atanga aulizye indupo kuvyovyosi."