¹ Pine u Yesu wamala kuwalanganizya alanganizi wakwe ikumi na wawili waukile pala wawala kuwalanganizya na kuwila kukaya izinji, ² pine u Yohana alimwidyeselo pine wivwile amolongelo ya Kristo, watumile inongwa kupitila alanganizi wakwe, ³ ngani wampwilikisha, "Uwewe wine yula mwine aizile, ama kuliuwamiao mwine tukuntazamia?" ⁴ UYesu wawapozya awene "Wali mukampozye u Yohana eya ine muyaona na ine ukwivwa. ⁵ Awandu wine watalola walola, wine watakwenda wakwenda, awiwala wakwelupa, wine watakwivwa wakwivwa kalini, afwile wafufuliwa wakuwa apuma, awandu wine wavwamba imbola inonu wazipata. ⁶ Asalifyewe mwine atakola uoa kulunene. ⁷ Pine awandu ewawaukile, Yesu wanzizye kupanga nimngano kuusu Yohana, "Mwazile kulola chiyi kunyika__itete dyene dyainganwa nu mweya? ⁸ Mwazile kulola__undu mwene avwire imianda iminonu? Izyamwene, wine wavwalaya imianda iminonu wakwikalaya inumba zya mwene. ⁹ Mwazile kulola chiyi-Umbwilagu? Sawa nampozya, kupita umbwilagu. ¹⁰ Huyu mwine andikiwe, 'Lola, nakuntuma uembawane kumbele ya sula yako, mwine atenganizya izila yako kubele yako. ¹¹ Uene nampozya kukuti, kwa wine waleliwe nu uwachichima nayumwi mwine unkali kupita u Yohana ukabatezya. Mwine untinti kuumwene wa kululu unkali kupita umwene. ¹² Kufuma isiku zya Yohana Ukabatizya paka isambo ili, umwene iwa kululu iwa maka, na awandu awamaka, wasendaya kumaka. ¹³ Kwa mbwilagu wa masunde, ikamelcuwa wakitabiri mpaka kwa Yohana. ¹⁴ Nge mli tayari kuzumila, uyu yuna u Eliya, mwine aizile. ¹⁵ Mwine alina amakutwi aya kwivwila aivwe. ¹⁶ Nfwaninganye na chiyi ulelo uhu? Fwaninganye na awana wine wachina mbelo ya soko, uona wikile wakwiita ¹⁷ na wakuti, 'Twawakomelile izumali linge mutachina. Twazindile alinge mutalila.' ¹⁸ Vino u Yohana wizile alinge atadya umkate na kumwela umvinyo, wanzya kutela wati, 'Ali na amazimu.' ¹⁹ Umwana wa Adamu wiza wakudya na kumwela watela wati 'Lola, undu huyu umpafu kalini wakodwa, alinirunda na akwinganya ushuru, na wine wali ni imbi!' Lakini umani wakwe wine ulondezya amaele yakwe." ²⁰ Uyesu wazizye kukalipila ikaya zyene amaele amawi yalongiwe, vine alinge watatonda, ²¹ Ole wako, Kolazini, Ole wako Bethsaida! Nge amaele amakulu yangalongiwa Tiro ne Sidoni ine yalongiwe hepa, ngiza watondile kali ngiza wavwile amagunila na kukwipaka amatwitwi. ²² Lakini ingawa uivu kwa Tiro nu Sidoni ulusiku idwa shutiwa kuluwene. ²³ We, Kapernaum, umakuti ukwinuliwa mpaka kululu? Ala utakakwishwa mpaka pasi kwa zimu. Changati ku Sodoma kwalongiwe amaele amakulu, changati ine yalongiwe kuluwene, ngiza ilikwale mpaka ilelo. ²⁴ Ngani natela kukuti ingawa ivitosu kuise iya Sodoma kukwimilila ulusiku idwashutwa kupita uwewe. ²⁵ Kwi isambo idyo Uyesu watezile, "Nakutogola uwewe, Tayi, Nkali wa kululu na pase, vine wawapisile imbola izi awanjele nu umani, na kuyakupula kwa wene watakola enjele changati awana acheche. ²⁶ Tayi vino ikunonelizye ivyo pa miso yako. ²⁷ Imbola zyosi ngabidhiwe nene kufuma kwa Tayi. Nayumwimwine amanile umwana ngani Utayi, na nayumwi mwine amanile Utayi ngani umwana, na yoyosi mwine umwana alini amu iya kunkunulila. ²⁸ Izi kulunene, umwemwe wosi mwine mugazwa na kumenwa ni iminziyo imikopavu, nani nguwasupisha. ²⁹ Iwikili inira yane mwifundishe kufuma kulunene, kwani unene na nyenyekevu nu utekamu wa moyo namwi mupata usupilo wa mimbili yinu. ³⁰ Kwani inira yane indosu nu unziyo wane umpupu.