¹ Isambo idyo u Yesu alinge azile isiku iya sabato kupitila kuvyalo. Alanganizyi wakwe alinge wali ni zala wanzya kuvuna amapipi wazyakukudya. ² Pene Afarisayo wayaona eyo, wampozya u Yesu "Lola alanganizyi wako wavuna amasunde walonga yene yatalongiwaya isiku ya Sabato" ³ Ngani Uyesu wawapozya, "Alinge mutayasoma vine u Daudi wayalongile, pine alinge alinizala, papamwi na awandu wine linge ainao? ⁴ Vino winjile nkasi ya numba ya Mulungu na kukudya imikate iyilondezyo, ine linge kasi ihalali kukwakwe kukudya nawala wine linge ali nao, ila linge ihalali kwa amwene akulu? ⁵ Muchili mutasoma amasunde, kukuti isiku ya Sabato amwene nkasi iyekalu wanajisi Isabato, epa watakola ikosa? ⁶ Natela kulumwemwe kukuti mwine unkali kupita iyekalu ali epa. ⁷ Ngiza mumanile ihi yamaanisha chiyi; navwamba izumilo kasi idhabihu; ngiza mutawahukumu wine watakola ikosa, ⁸ Vine umwana wa Adamu mwine Unkali wa Sabato." ⁹ Ngani Uyesu wauka wawala mwitekelo dyao. ¹⁰ Lola alinge kuli undu alinge ataile unkono Umfarisayo wambwilikisha u Yesu, wati. "Je, ivinanu kupulusha isiku iya Sabato?" Ngani wanshute na kulonga imbi. ¹¹ U Yesu wawapozya, "Unanu kulumwemwe, mwine alineing'ozi idyimwi, ni ing'ozi iyo iwilile mwilindi siku ya Sabato, atanga andeme na kukunfunya kumaka nkasi i lindi? ¹² Chiyi, ichapangamala, chisini, zaidi ya ng'ozi! Epa ivinonu kulonga amanonu ulusiku idwa Sabato." ¹³ Ngani u Yesu wampozya undu yula, "Golosha unkono wako" Wagolosha, wapuluka wawa changati unkono uwamiao. ¹⁴ Afarisayo wafumile pazi wipanga inamna iya kunkomanga wawala wipanga ichinyume chakwe. Walinge wavwamba inamna iyakunkomanga. ¹⁵ Uyesu pine walimanile ilo waukile pala. Awandu awinji wanfwatile, na wawapulushe wosi. ¹⁶ Wawalagizye watize wambike hawanji wamane, ¹⁷ kukuti itimile uzumilo, ineyateliwe nu umbwilagu u Isaya, kukuti, ¹⁸ Lola, uchilongelo wane mwine nchagwile, untogwi wane, kulumwene umbili wane wanonezwa, nguwika umoyo wane palulu yakwe na kuwawilila kushutwa kusi ingulu. ¹⁹ Atakagaya wala kulila ku maka; nanga kwa yoyosi kukuvwa ilingo nkaya. ²⁰ Tanga avune itete linelifwinduliwe; auzimie utambi wine ufunya idyosi, ngani ngewaleta ushuti uwapota. ²¹ Na awase wakuwa nu uivu kwi tawa dyakwe. ²² Undu yumwi umasongo nu bubu, mwine walambwa neimizimu wandetile kwa Yesu. Wampulusha, papamwi na kukuti undu ububu watela na kulola. ²³ Lwungano dyosi dyakasamile dyati, "Ingawa undu huyu umwana wa Daudi?" ²⁴ Pine Ufarisayo wivwile amaele heya, watezile, "Undu huyu atausha amazimu kumaka yakwe mwene ngani kumaka ya Belzebuli, unkali wa mazimu. ²⁵ "U Yesu alinge amanile amelenganyo yao ngani wawapozya, chila umwene uligawa nywe ukala uluwangike, na chila kaya ni inumba ziligawanywe ingala zitaliimilile. ²⁶ Ng'e umdimi, akumbusha Umdimi, basi wakwikana unkala kumbili wakwe unkala. ²⁷ Ku namnachi umwene wakwe ulimilile? Nge wausha amazimu kunguvu zya Belizabuli, afwasi winu wafunyanya ku zila ya nanu? Nge vivyo wakuwa akashuti winu. ²⁸ Nge wafunya amazimu ku maka aya moyo wa Mulungu, basi umwene wa Mulungu wiza kuminu. ²⁹ Undu angawezya uni unkala kukwinjila nnumba yandu iwa maka kukwiwa, bila kukunyepa iwa maka kwanza? Pene akwiwa isao yakwe kufuma inumbakwe. ³⁰ Yoyosi mwine atali nani ali kumbelo nani, na mwine atakwinganyanya nani uyo asambanyaya. ³¹ Epa natela kuminu, chila imbi nu ukwelengufu wa wandu uoniwa ingumbu, ila kukunkwelengusha mmoyo wa chitimbano utakaoniwa ingumbu. ³² Mwine atela inongwa kukungeluka Umwana wa Adamu, idyo aoniwa ingumbu. Ngani mwine atela inongwa kukungeluka umoyo wachitimbano, huyo atakaoniwa ingumbu, kuwelelo huku, nanga uwelelo wine wizile ³³ Na ungawika ikwi liwe inonu ni ikomi dyakwe, au ungaluwanga ikwi ni ikomi dyakwe, kwani ikwi limanikwaya kwi ikomi dyakwe. ³⁴ Umwemwe ulelo wa zoka, umwemwe mwaovu, mungawezya uni kutela imbola inonu? Vine undomo upangaya yala yine yapisime imoyo. ³⁵ Undu unonu kupisa unonu wa moyo wakwe afunyaya amanonu, nu undu umbi kupisa wa moyo wakwe, afunyanya chine ichiwi. ³⁶ Nampozya kukuti isiku iya shutiwa awandu walifunye hila ongwa ine itakola amana line walitezile. ³⁷ Vine kunongwa yako wakuwazizya usokofu na kunongwa zyako wakushuta" ³⁸ Ngani pine awandikaji na Afarisayo wajibu u Yesu wati" Ndangamizyi, tutogwile tuone uoneko wako." ³⁹ Ngani Uyesu wawapozya wati, "Ulelo umbi iwazinaa muvwamba uoneko. Epa kutakola uoneko wine ulifumile kumiao. Ngani ula wine wine waonika iwaka Yona umbwilagu. ⁴⁰ Changati umbwilagu u Yona vine alinge alimunda ya swi ingulu isiku zitatu unsanakulu nu usiku, hivyo vine umwana wa Adamu vine alize aikale nkasi ya moyo wa see kusiku zitatu usanakulu nu usiku. ⁴¹ Awandu awakuninawi walimilile kumbele ya shutiwa papamwi nu ulelo wa awandu hewa na walishutiwe. Vine watondile kwa mbwilagu u Yona, Lola, undu unkali kupita u Yona ali epa. ⁴² Umalkia wa kwa nachisitu akwinuka kushuti papamwi nu ulelo huu na kushutiwa. Wizile kufuma usililo wa kuwelelo kukwiza kukwivwa umani wa Selemani, lola, undu unkali kupita u Selemani ali epa. ⁴³ Pine unzimu umbi wakumfuma undu, apitaya pine patakola amazi uku wavwamba kusupa, lakini atapaonaya. ⁴⁴ Ngani wakuti, 'Ngusuwa kunumba yane inefumile.' Pine asuwile aiona inumba yelufwa iwetile. ⁴⁵ Ngani uwalaya kulela awanji aroho achafu saba wine awawi kupita umwene, uwakwikala wosi papo. Nu usililo wakwe uwizaya umbi kupita uwandilo. Hivi vine ziliwe kulelo huu umbi. ⁴⁶ Pine u Yesu alinge amapanga ni iungano lola, umayakwe na awana wao linge wimilile pazi, wavwamba kupanga nakwe. ⁴⁷ Undu umwi wampozya, "Lola umayako na anawinu wimilile pazi, wavwamba kupanga nawe." ⁴⁸ U Yesu wajibu wati ula mwine wampozya, "Umayane unanu? Na awanawitu wine ananu?" ⁴⁹ Nape wagolushe unkono wakwe kwa alangamizi wati, "Lola, ewa wine amayane naana witu! ⁵⁰ Vine yoyosi mwine alinulutogo nutayine iwa kululu, undu huyo mwine umwahetu, ilumbu dyane na umayane.