¹ Isambo dyangu dyanguzu pine dyafika, akali wosi awa mwandandi na achikulu wawandu adyile inja kupita u Yesu ngani wankomange. ² Wanyepile, wankolizye, nukusisha kwa Liwali Pilato. ³ Ngani isambo u Yuda, wine alinge andekile, wawine kukuti u Yesu waukumiwa, walapile nusuvwa ivipande thelathini ivya ela kwa nkali wamwandandi na chikulu, ⁴ watela, "Nalonga imbi kuileka ulanda wine utakola amawi." Ngani watela, "Yambusu chei usweswe? Yalole eyo wakala." ⁵ Nanga ulo wazivitile pasi wipande vyaela kwitekelo, nu uka unkala nukwinyonga unkala. ⁸ Unkali wa amwandandi wasendile vila ivipande vya ela nutela, "Si vinonu kuiwika iyela ii ku wika ichika, nanga ulo igharama yaulanda." ⁷ Wizumilile kupapamwi niela wakatumile ku kalila ichalo icha mfinyazi itazyikila ayeni. ⁶ Nanga ulo ichalo ichi likuwa likwitiwa, "Ichalo cha ulanda" Mpaka ilelo hili. ⁹ Nanga ulo ila inongwa linelateliwa na ubwilako u Yeremia latimilile, kutela, "Wasendile ivipande thelathini ivwa ela kugalama ine ipangiwe na wandu aka Israeli kulumwene, ¹⁰ watumilile ichalo icha longo ufinyazyi changati Utayi vine alinge ambozyizye." ¹¹ Isaizi u Yesu wimilile pamiso yaliwaya niliwaya wambwilikisha, "Uwewe wa mfalme wa Wayahudi?" U Yesu wapozya, "Uwewe umatela ulo." ¹² Pine washitakiwe na akali wa mwandandi na achikulu, alinge atatela chosi chila. ¹³ Ngani u Pilato wawapozya, "Utayivwa amashitaka yosi kuluwewe?'' ¹⁴ Nanga ulo alinge atatela nanga inongwa idyimu, ngani uliwali wizwile nukasamala. ¹⁵ Ngani kusikukulu alinge kuli idesturi iya liwali kukunsatula ufungwa adyumu wine wachagwile awandu. ¹⁶ Isambo idyo alinge walinufugwa unkangu itawa dya Baraba. ¹⁷ Nangu ulo pine alinge wiunganike papamwi, u Pilato wawawilikishe, "Unanu muvwamba tunakile kulumwemwe?" U Baraba nu Yesu wine wakwitiwa u Kristo?" ¹⁸ Alinge amanile kukuti wandema kusababu yanyesa. ¹⁹ Pine alinge aikile pachiti chakwe icha hukumu, uchimakwe watumilile inongwa nutela, utalonge ichindu chochosi kwandu huyu wine utakola iyatiya ngani ngazyiwe zipayi nanga ilelo kundoto kulumwene." ²⁰ Pine akali wamwandandi na achikulu wawapozyizye amakomengano wandenge u Baraba, nu Yesu afwe. ²¹ U Liwali wawawilikishe, "Unanu wala wawili muvwamba unene nndekele kuminu?" Watela, "Baraba." ²² U Pilato akawaambia, "Nimtendee nini Yesu anayeitwa Kristo?" Wote wakajibu, "Msulibishe" ²³ Napinye watela, kuchei, waluwanga chei?" Nangu ulo wakazine kufunya ilingu palulu zipae, ingazyi." ²⁴ Pine u Pilato atawezya kulonga dyosi lila, ngani uluma inge wazya, wafunyizye amazi wakalawa imikono yakwe pamiso ya wandu, nutela, unene ta ndaluwanga nachimu palulu ya ulanda wandu uyu wine ataluwanga. Holi eya mwaakala." ²⁵ Awandu wosi watela, ulanda wakwe uwe paulu yitu na wana witu." ²⁶ Ngani wafungulila u Baraba kumyao, nanga ulo wandambile isazu u Yesu nukukabidhi kumyao nuwala kugazyiwa. ²⁷ Nanga ulo asikali wa liwali wansendile u Yesu wafisha pa Praitorio ni upu ikulu idya maskali wosi wakunganila. ²⁸ Wamvula imyenda yakwe nukuvyika iyanzu injemamu. ²⁹ Ngani watenganizye ichindu chine chili namivwa nuiwika palulu yatwe wakwe, wambikilile umwanzi kunkono wakwe unjilo walambbile amakokola pamiso yakwe nukunjozya, watela, "Salamu, umfalme wa Wayahudi?" ³⁰ Washwililile amatwi, ufunyu umwanzi nukundamba kutwe. ³¹ Pine alinge wakunjozya, wamvulile lila iyanzu nukumvika imyenda yakwe, hunkunkolezya kuwala kukungazya. ³² Pine wafuma pazi, wambwine undu kufuma ku Krene itawa dyakwe u Simeoni, wine wapatikizye kuwala nao ngani awezye kuupapa umsalaba wakwe. ³³ Pine wafikile pamwi pine pakwitiwa pa Galigotha, amana yakwe, kipandu pine pa uaifuvu latwe.'' ³⁴ Wapile isiki yine isanganyikwe ninyongo amwele pine waonjile alinge ataimwela. ³⁵ Pine alinge wamberekizye, wagawine imyenda yakwe nukulamba ikula. ³⁶ Wikile nukundola. ³⁷ Palulu yatwe wawikile amashitaka palulu yakwe yasomikwe, "Nu uyu u Yesu, umfalme wa Wayahudi." ³⁸ Apokaji wawili wagazijiwe papamwi nakwe, adyumu kumbelo iya unkono unjilo wakwe nuwamyao ukamongo. ³⁹ Wala wine alinge wapita wabyedile wainganya imitwe yao ⁴⁰ natela, "Uwewe wine umavwamba kuluwanga itekelo nulizyenga kusiku zitatu, ipulushe wankala! nanga wa mwana wa Mulungu, ika pasi ufume kumsalaba!" ⁴¹ Kuali ila ngeila akali wamwandandi alinge wankukalipila, papamwi, nawine wakwandika naachikulu, nutela, ⁴² ''Wapulwishe awanje, nanguulo atakawezya Kukwipulusha Unkala. Umwene udumbwe wa Wayahudi. Na aike pasi kufuma kumsalaba, pine tukunzumila. ⁴³ Wamwamini Umulungu. Leka Umulungu apulushe isaizi nanga wafuma, nangu ulo watezile, ''Unene na Mwana wa Mulungu.''' ⁴⁴ Na wala apokaji wine alinge waganyiwa papamwi napinye watezile inongwa iyakukumbuzi. ⁴⁵ Ngani kufuma isaa sita alinge kulichisi kusi yosi mpaka isaa tisa. ⁴⁶ Pine yafikile isaa tisa u Yesu walila kwilingu ikulu, ''Eloi, Eloi, lama thabakithani?'' Alinge wa kwamanisha, ''Mulungu wane, Mulungu wane, kuchiyi wandeka?'' ⁴⁷ Nanga ulo awanje wine alinge wimilile pala wivwile, watela, ''Wakumwita Eliya.'' ⁴⁸ Isambo idyo adyumu wachimbile kusenda isifongo nu izyuzya ichimwelo ichikali, waiwika palulu yakwi mukupa ieke amwele. ⁴⁹ Nawine washazile watela, ''Ndeki adyumu, leki tulole nanga Eliya akwiza kukupulusha.'' ⁵⁰ Ngani u Yesu walilizile kalinji kwilingu ikulu nawaifunya iroho yakwe. ⁵¹ Rola, Ipazia lya tekelo dyalepwike muwili kufuma palulu mpaka pasi. Ni isi yatetema ni myamba yalepuka wipande. ⁵² Amawila yafugwike, ni mimbili yanonu awinji wine alinge onile atulo wapulwishe. ⁵³ Wafumile kumawila nanga kuzyuka kwake winjile ikaya inonu, waoneka awinji. ⁵⁴ Nanga yula ukida nawala wine alinge wakundola u Yesu wawine itetemeko namambo alinge yafumila, wizwile nu wazipaye nuleta, ''Izyamwene uyu alinge u Mwana wa Mulungu.'' ⁵⁵ Achichima awinji wine alinge wakufwata u Yesu kufuma ku Galilaya ngani wambudumie alinge walipala walola kufuma kuutani. ⁵⁶ Inkasi mwao walinge u Mariamu u Magdalena, u Mariamu u mayakwe u Yakobo nu Josefu, nu mayu wawana wa Zebedayo ⁵⁷ Pine yafikile umongodwa, wizile undu udubwe kufuma ku Arimathayo, wine wakwitiwa u Yusufu, wine alinge umuyemba wa Yesu. ⁵⁸ Wambalilile u Pilato walenga umbili wa Yesu. Ngani u Pilato walagizye leke wape. ⁵⁹ U Yusufu wausendile umbili waunyepa nu mwenda umwelu, ⁶⁰ waulambalika ku wila ipya dyakwe line alinge asongwile kumwambani. Ngani wavunganya iwe ikulu dyakupikiwa undyango wiiwla wiwalila izyakwe. ⁶¹ UMariamu Magdalena nu Mariamu uwamuyao alinge wali pala, wikile kuwala kwiwila. ⁶² Isiku iyamyao yine alinge isiku ine wandiye, akali wamwandandi na Amafarisayo wakwingine papamwi kwa Pilato. ⁶³ Wapozya, ''Tayi, tukwizuka kukuti isambo dyila undongopi pine alinge upuma, watezile, isiku zitatu alizyuke kalinji.' ⁶⁴ Nangu ulo lagizya kukuti iwila lisungwe ivinonu mpaka isiku iya utatu. Vyosi vila, ayemba wakwe wangiza wamwiwe nutela kwa wandu, wazyuka kufuma kwa afwile.' Nu longopi wausililo ukuwaumbi kupita ula uwa uwandilo.'' ⁶⁵ U Pilato wawapozya, ''Sendi alinzi. Walimukalonge nulinda changati vine muweyizye.'' ⁶⁶ Nulo wazile nulonga iwila kukuwa ipuma, iwe lajonguwe umuhuli nu wikiwa alinzi.