¹ Umongodwa ulusiku dwa a Sabato, uzuwa pine inge ufuma kuwalila ilusiku dwa kwanza iyajuma, u Mariamu u Magdalena, na yula u Mariamu uwamyao wizile kulola iwila. ² Rola alinge kulinitetemeko ikulu, nangu ulo u malaika wa Tayi wikile nulivunganya lilaiwe, ngani walikalila. ³ Isura yakwe alinge ilichangati umeme, namavazi yakwe alinge amelu changati iseluji. ⁴ Wala wine alinge walinda wizwile nuoa nukuwa changati ufwile. ⁵ Yula umalaika wawalanganizya wala achichima watela, ''Mutitene manile kukuti mukuvwamba u Yesu, wine wagazyiwa. ⁶ Nayumu epa, nangalo wazyuka changati vine wawapozya. Izi mulole pine u Tayi alinge ayomwe. ⁷ Wali ichikulakashe mukawapozye ayemba wakwe, wazyuka kufuma kwa afwile, 'Loli wawakolelela ku Galilaya. Uko kwine mukumbona.' Lola unene na wapozya.'' ⁸ Wala achichima kaukile pala piwila ichikolakoshe nuku walinuoa ni sekelo ifulu, nuchimbila kuwapozya ayemba wakwe. ⁹ Lola u Yesu wakomengana nao nutela, undamu'' Wala achichima wizile nulema amanama yakwe, nu kundenga. ¹⁰ Ngani u Yesu wawapozya, ''Mutatine, walimukawapozye amwanitu wakolele ku Galilaya. Nuko wambona. ¹¹ Pine achichima wala pine alinge wazile, lola alinzi awanji wazile kumjini nu wapozya akali wamwandandi amambo yozi yine alinge yafumila. ¹² Napinye amwandandi pine alinge wakomengana naachikulu nakuzilandaula inongwa izyo papamwi nao, wafunyizye ichindu ichikulu cha ela kwawala ama askali, ¹³ nuwapozya, ''Wapozyi awanji kukuti, ayemba wa Yesu wizile usiku wiwa umbili wa Yesu pine usweswe alinge tonile.' ¹⁴ Nanya upola ili likufikila, usweswe tukunsonga nuwaushizya umwemwe uwa osi.'' ¹⁵ Ngani wala amaskali wazisenda zila iyela nuziweka changati vime alinge walagizyiwe. Imbola hii ikasambande kwa Ayahudi ngani ili ulo mpaka ilelo. ¹⁶ Ngani wala akatumwa ikumi na adyumiwi wazile ku Galilaya, kuchitunda chila chine alinge awalanganizye. ¹⁷ Naponye pine wabwine, wazyumilile, ngani awanji wawine uoa. ¹⁸ UYesu wizile kumyao wampozya watela, ''Wamba umani osi piwelelo na kululu. ¹⁹ Nanga ulo wali mukawawike amataifa yosi kukuwa ayemba. Wabatizyi kwitawa dya Tayi, nidyu Mwana, nidya usoho usonkofu. ²⁰ Walanganizyi kuyamana amambo yosi yine nawapozya, Loli, unene ndili papamwi namwinye, isiku zyosi, mpaka ku usililo wiwelelo.