¹ Pine u Yesu wamalizye kutela yosi eya, wawapozya ayemba wakwe, ² ''Mumanile kukuu isiku ziwili kukuwa nisikukulu iya pasuka, nu Mwana wama Adamu afunyiwa ogazyiwe.'' ³ Kali akali waunda nachikulu wawandu wakomengana papamu numwandandi yazinda ukali, wine wakwitiwa u Kayafa. ⁴ Kupapamwi wapanjile injama iyakundema u Yesu kuupiso nukunkomanga. ⁵ Nanga ulo watezile, ''Italungiwe pasikukulu, patize patamanikwa inkali yawandu.'' ⁶ Pine u Yesu alinge ali ku Bethania kunumba ya Simoni mkoma, ⁷ pine alinge wakwigolosha pameza, kwa chichima adyumu wizile kukwake alinge asendile umkebe uwa alabasta yine alinge alina mafuta yine amatime zipae, wayapungula palulu yatwe wakwe. ⁸ Ngani ayemba wakwe pine wawine ichindu icho, wanyesile nakutela, chei chine chaleta iyasa ii? ⁹ Heya ngi yakazyiwa kuchindu ichikulu nuwapa wine watiwezya." ¹⁰ Ngani u Yesu, alinge amanile uli, wawapozya kuchei mukungazya uwachichima uyu? Vine alongile ichindu ichinonu kukwane. ¹¹ Wine mutiwezya mulinao isiku zyosi, nangu ulo mutaka kuwa nanyinye isiku zyosi. ¹² Pine wapungwile amafuta eha palulu yambili wane wawikile vila ngani kuzyikwa kwane. ¹³ Izyamwene nawapozya, poposi pine injili ihi ipangiwa piwelelo ipuma, khindu chine wachilonga uwachichima, chikateliwa ngani wiluke.'' ¹⁴ Pine adyumu wawala ikumi nawawili, wine wakwitiwa u Yuda Iskariote, wine wazile kwa akali wazinda ¹⁵ na kutela, "Mukumba hei anga nandeka? Wapimila u Yuda ivipande thelathini ivya ela. ¹⁶ Kufuma isambo idyo wavwambile inafasi iyakundeka. ¹⁷ Nanga isiku iya kwanza iya mikate yine itapongiwa ichindu chaonja ayemba wambalilile u Yesu nutela, "Kweni umavwamba tukuwikile ichakudya hapasaka?" ¹⁸ Wawapozya, "Wali kumjini kwandu yumu mukapozye, undanganizyi watela, "Isambo dyane dyapalamila. Nguifisha ipasaka papamwi nayemba wane kunumba yao." ¹⁹ Ahemba walongile changati u Yesu vine wawalagizyizye nawandiye ichakudya cha Pasaka. ²⁰ Pine yafika umongodwa, wikile kukudya ichakudya papamwi na wala ayemba ikumi nawawili. ²¹ Pine alinge wakudya ichakudya watela, "Izya mwene nawapozya kukuti adyumu winu andeka." ²² Wasukupile zipae, chilandu wazyizye kukumbwilikisha, "Izya mwene kasi nene, Tayi?" ²³ Wawapozya yula wine wasonde unkono wakwe papamwi nani kuchindu hajila wine andeka. ²⁴ Umwana wa Adamu auka, changati vine andikiwe. Atayozye undu kukundeka umwana wa Adamu! Ngi yawa ivinonu kwandu uyo nanga alinge ataleliwa." ²⁵ U Yuda, wine wandekile watezile, "Na nene na Rabi?" U Yesu wapozya, "Watela inongwa iyo uwewe wankala." ²⁶ Pine alinge wakudya ichakudya, u Yesu wafunyizye umkate, wausatilila, naku umenya. Wawapa ayemba wakwe watela, "Sendi mudye. Huu umbili wane." ²⁷ Wafunya ichikombe nakusalifwa, wawapa nakutela, "Mweli wosi ku chichi. ²⁸ Nuhuu ulandu walayo dyane, yine yakwitika kuwandu awinji kumsamaha wambi. ²⁹ Nangu ulu nawapozya, nakamwela kalinji amatunda ya mzabibu uu, ngani isiku ila yine ndilimwele imbya papamwi namwi kuunonu wa Tayi wane." ³⁰ Pine wamalizye kukwimbila inimbo, wafumile kuwala kuchitunda uwa mizeituni. ³¹ Ngani u Yesu wawapozya, "Usiku huu umwemwe osi mukumba kwa ajili yane, nanga ulo iandikwe kundamba undimi ni ng'ozi ininji zisambana. ³² Nanga ulo isiku yine ndilizyuke unene, ndili mkolele kuwala ku Galilaya." ³³ Ngani u Petro wapozyizye, "Nanga vine osi wakukana kumambo yine yakupata unene ndakakukana." ³⁴ U Yesu wapozya, "Izyamwene nakupozya, ichisi ichi pine umkodwe akuwa atawilikila, ungana lutatu.'' ³⁵ U Petro wapozya, "Nanga ngiti yavwambiwa mfwe nawinye, ndakakukana." Na yemba awanji osi watezile ulo nyulo. ³⁶ Nangu ulo u Yesu wazile nao apandu pine pakwitiwa pa Gethsemane nawapozya ayemba wakwe ikali epa pine mbazile kulenga.'' ³⁷ Wansenda u Petro na wana wawili wa Zebedayo wazya kusukupala nusungamu. ³⁸ Ngani wawapozya, "Umoyo wane ulinisukupalo ikulu zipae, nanga isambo dyakufwa. Ngani epa mucheule papamwi nanyinye.'' ³⁹ Wawala kumbele kache, wawa wasunama nulenga. Watela, "Tayi wane, nanga iweze kine, ichikumbe ichi chikembe. Itawe changati vinenavwamba unene, ngani vine umavwamba uwewe.'' ⁴⁰ Wawawalila ayemba wawaona onile utulo wapozya u Petro, kuchiyi alinge mutawezya kucheula na nyinye kwi sambo lilimu? ⁴¹ Cheuli mulenga ngani mutinjile kumayozyo. Iroho ili numsamaha, ngani umbili upotwa." ⁴² Wauka unkala udwa uwili nulenga, watela, "Tayi wane, nanga imbola iyi itakawezya kukwipisha ngumwela ichikombe ichi, unonu wako utimile." ⁴³ Wafuwa kalinji wawaona onile utulo, namiso yao alinge amakopavu. ⁴⁴ Ngani wawaleka kalinji wauka unkala. Walenga udwa utatu watela inongwa zila nyezila. ⁴⁵ Ngani u Yesu wawa alilile ayemba wakwe nuwapozya, "Muchili monile tu nukwiupizya? Loli, isambo dyapalamila nu mwana wa Adamu walekiwa mmikono wa wine wali nimbi. ⁴⁶ Langazyi, tuuke. Loli yula wine wandeka wapalamila." ⁴⁷ Pine alinge achili wapanga, u Yuda adyumu wa wala ikumi nawawili, wafika. Ikundi ikulu dyafikile papamu napinye lafumilile kwa akali uwa mwandandi nachikulu wawandu. Wizile namatipilo namakwi. ⁴⁸ Kalinji undu line alinge wavwamba kukundeka u Yesu alinge awapile iishara, watela, "Yula wine ngufyomba, wine akuwa mwene. Mundeme." ⁴⁹ Isambo idyo wizile kwa Yesu nutela, "Undamu nndanganizyi!" Na wafyomba. ⁵⁰ U Yesu wapozya, "Iyunda, lilonge lila line likuletile." Pine wiza, na kukunsondela lukono u Yesu, nukundema. ⁵¹ Lola, undu adyumu wine alipapamwi nu Yesu, wagolwishe unkono wakwe, wasomola ipanga yakwe, wandambila undonga milimo wauwandandi unkali, nukumbenga ikutwi dyakwe. ⁵² Pine u Yesu wawapozya, nsuvya ipanga yako pala pine waifunya, nanga ulo wine wine watumila ipanga walifwe kupanga. ⁵³ Mukuti ndakawezya kukumwita Utayi wane, napinye wandumila awandu wine wapitile ikumi nawawili aya amalaika? ⁵⁴ Ngani ulo amandiko yaweza kutimila, uli vine yavwambiwa kufumila?" ⁵⁵ Isambo idyo u Yesu wawapozya awandu awinji, ngani!Mwiza nipanga namakwi amakulu kundema changati napokaji? Chila lusiku nikile kwitekelo nalanganizya na ulinge mutandema! ⁵⁶ Nanga ulo yosi eyo yalongikwe ngani amandiko yaabwilago yatimile." Pine ayemba wakwe wandekile nuchimbila. ⁵⁷ Wala wine wandemile u Yesu watwazile kwa Kayafa, umwandandi Unkali, apandu pine amandikaji na achikulu alinge waungine papamwi. ⁵⁸ Ngani u Petro wafwatile kunuma ukwa utani naku ukumbi uwamerandandi Unkali. Winjile numba nukwikala papamwi na wine walinda alole chine chifumila. ⁵⁹ Ngani akali waamuandandi nibalaza losi alinge wavwamba kufunya ulongopi kupita uYesu, ngani wankomange. ⁶⁰ Navinye wifunyizye amashuda awinji alinge watapata isababu yosi ila. Ngani isambo amashaidi wawili wifunyizye kumbele, ⁶¹ na watela, ''Undu uyu watezile mbizizye kulivuna itekelo la Mulungu nuzyenga kalinji kusiku zitatu.''' ⁶² Umwandandi Unkali wimilile nukubwilikisha, ''Hatawezya kujibu? Hewa wakushuhudia chei kupita uwewe?'' ⁶³ Ngani u Yesu walunduwile. Umwandandi, Unkali wapozyam nanga u Mulungu welenginye, bnuvwamba atupozye nanga uwewe wa Kristu, wa mwana wa Mulungu.'' ⁶⁴ UYesu wapozya, ;Uwewe wankala watela imbola iyo, ''Nanga ulo nakupozya kukwazyizya isaizi ukumbona u Mwana wama Adamu aikile unkono unjilo uwa maka, akwiza kumakumbi ya kululyo.'' ⁶⁵ Pine umwandandi Unkali walepwile imyenda yakwe nutela, ''Waluwanga! Tuvwa kalinji ushaidi wachei? Lola, izyamwene mivwiwa waluwanga. ⁶⁶ Ngani! mukwelenganya chei? Watela, ''Wavwamba kukufwa.'' ⁶⁷ Ngani washwilile amatwi kumiso nufundamba ingumi, nukunkapa amakafi kumikono yao, ⁶⁸ watela, 'Twelenganye, uwewe wa Kristu. Unanu wakukapile?'' ⁶⁹ Isambo idyo u Petro iza aikile pazi nundonga milimo uwachichima wambalilile nutela, uwewe alinge ulipapamwi nu Yesu uwaku Galilaya.'' ⁷⁰ Nanga ulo wakanile kumbele yao wosi, watela, ndamana ichindu chine umaatela." ⁷¹ Pine wazile pazi yundyango, undongamilimo uwamyao uwachichima wawa wine nuwapozya wine alinge walipala, undu uyu napinye alinge alipapamwi nu Yesu uwaku Nazareti." ⁷² Wakana kalinji kwilapo, "Unene ndamana undu uyu." ⁷³ Isambo idyipi, wala wine alinge wimilile papipi, wambalilile nutela nu Petro, "Kuzumilo uwewe ngani wadyumu wao, nanga ulo mufanine ichitelo." ⁷⁴ Pine wazyizye kufunya unkosi nulapa, unene ndamana undu uyu," isambo dyo umkodue wawilikila. ⁷⁵ U Petro wizwike imbola zine wapozyiwa nu Yesu, "Pine umkodwe achili atawilikila lutatu."