Sula 25
1
Pine udumbe wakululu afaninganiyiwa na lili ikumi wine wasendile itala zyao nakuuka kuwala kukupokela unawinga.
2
Wasano inkasi yao alinge watakola injelena wasano awanji alinge walinjele.
3
Alili wine watakola injele pine wasendile itala zyao, alinge watasenda amafuta yoyosi.
4
Ngani alili wine walininjele wasendile ivombo vine vilinamafuta papamwi ni tala zyao.
5
Isambo pine unaivunga wakawilile kufika, wosi walemiwe natulo wonile.
6
Ngani usiku uwa manane alinge kulichongo, 'Lole, unawinga! Fumi pazi mukapokele.'
7
Pine eo awandu walangizye wosi na kulumika itaa zyao.
8
Wala wine watakola injele wawapozya wine walininjele, mutupe amafuta yinu vine itala zyitu zizima.
9
Wala wine walininjele muwapozya yataka tevikwila usweswe namwinye, wali kwa wine wakazya mukikalile ayakumwemwe.'
10
Pine alinge wazile kukala, unawinga wafikile, na osi wine alinge walitayali wazile nakwe kuwunga, na dyango wafungiwe.
11
Kalinji wala alili awanji wafikile na kutela, 'Tayi, twiyulile.'
12
Nangu ulo wawapozyizye, ''Zyamwene na wapozya, unene ndammana.'
13
Nanga ulo loli, vine mutamana isiku nanga isambo.
14
Changati vine undu wafumile kusafili kuwala isi iyamwayo. Wawitile akatumwa wakwe nakuwapa udubwe wakwe.
15
Adyumwi wapile italanta zisano, uwamyao wapile ziwili, na yula uwamyao wampile italanta idyimu. Chilandu wapokelile ichiche kulingana nu uwezyo wakwe, nundu yula waukilakwe.
16
Pine kuchili yula wine wapokelile intalanta zisano wazile kuziwika, nulezya intalanta izyamyao zisano.
17
Vilanyevila wine wapokelile italanta ziwili, walezizye izyanyao ziwili.
18
Ngani ukatumwa wine wapokelile italanta idyimu, waukile, wakumba ilindi pasi nkipisa iyela ya tayi wakwe.
19
Isambo itani, utayi wakatumwa eo wa wasuile nutenganizya mawazyo nao.
20
Ukatumwa yula wine wapokelile intalanta zisano wizile nuleta italanta izyamyao zisano.
21
Utayi wakwe wapozyizye, ivinonu, wandonga milimo wanonu na ulinizumiso! Wawanizumilo kuvindu ivititi. Ngukupa amadalaka palulu iya vindu ivinji. Injila kwisekelo dya tayi wako.'
22
Undonga milimo wine wapokelile italanta ziwili wilile nakutela, nkali wambile ntalanta ziwili. Lola, napata ifaida iya intalanta izyamyao ziwili, '
23
Unkali wakwe wampozya, ''Ivinonu, wa ndonga milimo wanonu na wamwaminifu! Wawa wa mwaminifu kuvindu iviche, ngwangupa amadalaka palulu yavindu ivinji. Injila kwisekelo dya nkali wako.'
24
Kalinji undongo milimo wine wapokelile intalanta idyimu wizile nutela, inkali manile kukuti uwewe wandu wankali umayawa apandu pine utasimika na uwakuza pine alinge utasimuka.
25
Unene natinile, nawala kuipisa intalanta yako pilongo. Lola, ulinayo hepa iya kuluwewe.'
26
Ngani unkali wapozya, ''Uwene wandonga milimo wambi na wakwelengufu wamanile kukuti chine nayawa epa ndasi mikanukuza pine iza ndawika.
27
Iza umwavwambiwa kuwapa eyela yane awandu uwakubenki, pine ngi wasuwa kukwane ngi naipokela ka iyakunene papamwi ni faida.
28
Mpoki intalanta iyo mupe yula undonga milimo wine alinintalanta ikumi.
29
Lendu wine alinacho, akonjezyiwa palulu na kukumonjezezya zipae. Umwene wine atakola nachimu, nachine alinacho apollliwa.
30
Insumbi pazi pachichisi uyo wine atalonga imilimo atafaya kwine kukuwanifwa na kukusha amino.'
31
Pine umwana wa Adamu pine alize kumanonu yakwe na amalaika wosi papamwi na pinye, pine akwikala palulu ya chiti chakwe icha unonu.
32
Isi zyosi zikwingana kumiso yakwe, napinye awalekenganya awandu, changati undimaji vine wawalekenganya ingozi ni mbuzi.
33
Aziwika ingozi kukono wakwe uwachi chulume, ngani imbuzi aziwika unkono ukamongo.
34
Ngani umfalume awapozya wala wine wali unkono wakwe unjilo, izi, wine mutibaniwe na tayi wane, upyane ufalume wine wandaliwe, kulumwemwe kukwazyizya kuweka uwandilo kululu.
35
Nganga ulo iza ndili ni zala namwambila ichakundya, iza nanjeni na mwangalibishe.
36
Iza ndili namikono, mwavikile imyenda; Iza nambinu mwansungile; Iza wafungilile, mwafwata.'
37
Pine awa haki wapozya, 'Taya, siku chi twakuwine alinge wanjeni, iwakupozya kaliu? Napine alinge ulininyota kwakupa amazi?
38
Isiku chi twakuwine wanjeni, twakupozya kaliu? Au pine alinge ulinamikono twakuvwikaimyenda?
39
Nisiku chi twakuwine wambinu au wakunyepile twakwizila.
40
Pine umfalume ukuwapozya izyamwene nawapozya, ''Chine mwalonga epa kwajomu na amwanifu atiti mwandongelile unene.''
41
Pine awapozya eo wine wali kukono wakwe ukamengo, uki kukwane wine mukaniwe, wali kundilo wine wandaliwe kwa shetani na amalaika wakwe,
42
Pine alinge ndilinizala, alinge mutamba ichakudya, alinge ndili ninyota alinge mutamba amazi;
43
Alinge nanyeni inge mutambozya kufuti kaliu, inge ndili namikono alinge mutambimyenda, pine alinge na mbinu napine na nyepiwe, alinge mutansunga.'
44
Pine awene apozyizye nakutela, tayi siku chi twakuwine alinge ulinizala, ni nyatanu wanjeni na ulinamikono au wambinu au wafungwa, alinge tutakusunga?
45
Wawapozyizye nakutela. Izya mwene nawapozya chila chine alinge mutalonga kwa ajumu eo atitu, alinge mutandongela unene.'
46
Ewa wawala kundilo uwa mulele ngani wine walinihatia wawala kuupuma uwa milele.''