¹ U Yesu wafuma mwitekelo na kuwala izyakwe. Ahemba wakwe wambalilile nakukunsondezya amanumba itekelo. ² Nanga ulo wawajibwile nakuwapozya, "Mutaziona imbola izyo zyosi? Labiesu nampozya kutakola iwe line lishala palulu ya dyamyao bila kulepuliwa." ³ Pine wikile pachitunda icha mizeituni, ahemba wakwe wambalilile kukasa nakutela, "Tupozye imbola izi zilifumile sikuchi? Chindu chi chikuwa isondezyo idyakwiza kukwako nu usililo wiwelelo. ⁴ U Yesu wawapozyizye, muwe mwaatekamu atize undu awalongoe. ⁵ Nanga ulo awinji walize kwitawa dyane. Watela, 'Unene nundu na Kristo, 'Ngani wawalongopa awinji. ⁶ Mukwivwa ululu ni nongwa izya uluhu. Loli mutize muwe muwega, nanga ulo imbola izo zitavwamba kufumila, nanga ula usililo ukuwa uchili. ⁷ Nanga vine itekelo likwinuka kupita itekelo idyamyao, nudubwe lkupita udubwe. Kukuwa nizala na mainganyo yasi kusehemu ishaisha. ⁸ Amambo eya yosi wandilotu nuuwavi uwakwifungula. ⁹ Pine wawafunya kuwangazya nakuwakomanga. Munyeseliwa ni isi zyosi kwitawa dyane. ¹⁰ Pine awinji wakwikumba nakulekengana na kukwingesela akala kwa akala. ¹¹ Ambwilago awinji awaulongopi wafumila nakuwalongopa awinji. ¹² Nanga ulo imbi zilonjezyeka, ulutogo lwa winji lutalala. ¹³ Nanga ulo wine aimba mpaka kusililo apulushiwa. ¹⁴ Kuinjili iya adubwe ipozyiwa piwelelo ipuma changati ushuhuda kumakufa yosi. Pine usililo ufika. ¹⁵ Nanga muona inyeselo dyauluwazi, linejiteliwe nunabii u Danieli limilile pausokofu [wine wasoma naamane], ¹⁶ nawine wali ku Yuda wacimbilize kuchitunda. ¹⁷ Nayula wine alipalulu yanumba atayozye kukwika pasi kusenda ichundu chochosi kufuma inkasi yanumba yakwe, ¹⁸ napinye wine alikuchalo atasiwe kusenda ivwalo dyakwe. ¹⁹ Awene waleke wine walinumwana na wine wakosha ku siku ziyo! ²⁰ Lengi kukuti kuchimbila kwinu kutawe isambo dyambepo, itawe isiku iya a Sabato. ²¹ Nanga ulo kukuwa namagayo amakulu, yine ichili iyozyaye kukuwa kufuma kuumbiwa piwelelo isaizi, ngani italiwe kalinji. ²² Nanga isiku izyo zitipimba, kutakola wine ngiti waokwikwe. Nanga ulo kwa wine watauliwe, isiku izyo zikwipimba. ²³ Ngani ikuwa undu yoyosi awapozya, 'Lola, u Kristo ali hepa! Ngani, ' Ukristo ali kula, mutivwe inongwa izyo. ²⁴ Amakristu awa ulongopi na abwilago awa ulongopi wakwiza na kuwalondezya iishara ingulu nakukwilondezya, kuchisembo ichalonga amawi, na ataula. ²⁵ Loli, namsoka nanga imbola izyo kufumila. ²⁶ Ngani ulo, ikuwa wawapozya, ''uUkristo alikwijungwa, mutawale uko kwijangwa. Au, 'Loli, ali inkasi ya numba, mutazumile inogwa hizyo. ²⁷ Changati iradi vine ilumike kufumila kumashariki na kusondezya kumagharibi, vine ikuwa kwa mwana wa Adamu. ²⁸ Pposi pine ichindu ichifwile chikwali pine pali itai wakwikunganya. ²⁹ Ngani kuleka ivitami ivikulu izya isiku zile, uzuwa uwikiwa ichisi, umwezi utkafunya uwelu wakwe, izota zikuwa kufuma kululu, namaka aya kululu ziingana. ³⁰ Pine iishara ya mwana wama Adamu aioneka kululu, namakabila yosi aya piwelelo wazinda. Wakumbona u Mwana wama Adamu akwiza kufuma kumakumbi yakululu kumaka mu utimu ukulu. ³¹ Awatuma amalaika wakwe kulingu ikulu idya tarumbeta, napinye wawukwinganya papamwi ataula wakwe kufuma amapande yani piwelelo, kufuma kuusililo adyumu uwakululu nuwamyao. ³² Ifundishi isomo kufuma nakwi namakwi lulumwi pine isambi lifula nakufunya amatundu, mumanile kukuti ichisana chapalamila. ³³ Nepo pine mulola amambo eyo yosi, muvwambiwa kumana kukuti wapalamila, papapi ni minjango. ³⁴ Inyamwene nawapozya, ulelo ulu lutapita, mpaka pine amambo eya yakuwa yafumila. ³⁵ Kululu ni isi zyipita, ngani inongwa zyane zitakapita labileme. ³⁶ Kutakola isiku ila nisambo dyine undu alimane, nanga amalaika akululu, nanga umwana, ngani Utayi adyumu. ³⁷ Nanga vine zili isiku izya pawelu, pine ikuwa kukwiza kwa mwana wa Adamu. ³⁸ Ku siku izyo imbele ya gharika awandu alinge wakudya na kumwela, waloola nakulooliwa, mpaka isiku ila i Nuhu injile kusafina, ³⁹ na alinge watamana ichindu chochosi mpaka pine igharika izile nakuwashezya osi- navine iliwe kukwiza kwa mwana wa Adamu. ⁴⁰ Pine awandu wawili waliwe kuchalo- adyumu alisendiwe adyumu alilekiwe kunuma. ⁴¹ Achichima wawili waliwe wakushapapamwi - adyumu alisendiwe adyumu alishale. ⁴² Nanga ulo muchenjele mufamana isiku chi pine ilizye Umulungu winu. ⁴³ Nanga ulo mumane kukuti, ikuwa wanjunkala numba angamanile isambo chi pine umwivi alize, ngiti wachewile ngini atawela inumba yakwe injililiwe. ⁴⁴ Kuvivyo muvyambiwa mwikale ivinonu, Umwana wa Adamu alize isambo line mutalimana. ⁴⁶ Nulo unanu wine akamilike utumwa wine alininjele, wine utayi wakwe ampile amadaraka palulu ya wine walipanumba yakwe, ngani wawape ichakudya kwisambo line lifaile? ⁴⁵ Alimbaniwe undonga milimo uyo, wine utayi wakwe alimbone wawika ulo pine akwali. ⁴⁷ Izyamwene nawapozya kukuti utayi akumbika palulu ya chila chindu chine chakumwene. ⁴⁸ Ngani anga likutumwa ambovu watela mmoyo wakwei utayi wane wakawilile, ' ⁴⁹ Wazya kuwalamba alongamilimo wakwe ngani wadya nakumwela ivimwelo, ⁵⁰ Utayi wa kutumwa uyo akwiza isiku yine itamanikwa, nisambo ndyine litamanikwa. ⁵¹ Utayi wakwe akumbanga vipuli ziwili na kukumbika kwafasi idyimu papamu na agulugulu, wine kuliwe ni ifwa nu kusha amino.