¹ Nangu ulo wapangile nu winji wawandu na hemba wakwe. Watela, ² ''Awandikaji na Amafarisayo wakwikalila ichiti cha Musa. ³ Chochosi chine mukwamua kulonga, longai, nuku muwafumunganya. Nanga vivyo mutize mufwatile amambo yao, ngani awene utamnganya imbola zine watazilonga. ⁴ Ngani awene unyepa imiligo imikopavu yine imikopavu kuipapa, ngani uwapapizya awandu mmaweya yao. Ngani awene akala watashuzya anga kache kuisenda. ⁵ Amambo yao yosi, wayawika ngani waloliwe na wandu. Ngani akala watanula amasandiko yao na kukonjezya ukulu uwamapindo nivivwalo zyao. ⁶ Awene hutogwa kukwikala amaeneo amasokofu kuwingi nakuvyiti ivishima inkasi vyamasinagogi, ⁷ nakulamkuwa kwishima kumaeneo uyakusoko, na kukwikuwa'' Alanganizyi'' Na wandu. ⁸ Nangu umwemwe mutavwambiwa kukwitiwa ''Alanganizyi, ''Ngani vine muli nundanganizyi adyumi, na mwinye wosi mwanaluko. ⁹ Mutamwite undu yoyosi epa piwelelo kwa tayi winu, nanga ulo mulinutayi adyumu, napinye alikululu. ¹⁰ Mutize mwitiwe' Mwaalanganizyi, 'Nanga ulomuli mundanganizyi ajumutu, ngani u Kristo. ¹¹ Wine akuwa unkali inkasi inu akuwa umuhemba winu. ¹² Yeyonsi wine akwiinula ikwishiwa. Nawine wakwisha akwinuliwa. ¹³ Olewina umwemwe wine mukwanika na Mafarisayo, mwaalongo! Muwafungilila awandu ukuli wa palulu. Namwinye mutakuwezya kukwinjila, muwazmile wine wakwinjila kulonga lulo. ¹⁴ (Remashi: Upelo 14 utaoneka kunakala inonu izya kali. Inakala zimu zikonje zyaya impelo kuleka upelo uwa 12 upelo uwa 14 ''Ole winu wine mukwandika na Amafarisayo alongopi! Ngani muwamila akuwi''). ¹⁵ Ole winu wine mukwandika na Amafarisayo, alongopi! Mulambuka kwishika dya lufuwa akufika kukumbika undu adyumu azumile yala yine mulanganizya, napine akuwa changati umwemwe, mulonga luwili umwana wajehanamu chanagti umwemwe vine muli. ¹⁶ Umwemwe mwankali wamasongo, wine mutela, yeyosi wine walapa kutimu, sichindu, wine walapa kuutimu, anyepiwe kwilapo dyakwe. ¹⁷ umwemwe mwamasongo wine mutakola injele chilikweni ichikulu kupita ichamyayo, ni chindu chine chiwikile afile kwa Mulungu? ¹⁸ Na, yeyosi wine alapile kumbele, sichindu. Ngani wine walapa kundupo yine ilipalulu yakwe anyepiwe nilapo jakwe. Umwemwe wandu wamasongo. ¹⁹ Chilikweni ichikulu kupita ichamyao indup awikumbele kwine kuwika ofwile indupo zine zifunyiwa kwa Mulungu? ²⁰ Umwene wine walapa kumbele walapa kuvindu vyosi vine vilipalulu yakwe. ²¹ Nawine walapa kuunonu, hulapa kuliko idyaku mwene wine wakwikala inkasi yakwe. ²² Na pinye wine walapa kwa Mulungu, alapa kuchili icha ka Mulungu nu mwene wine wakwikala palulu yakwe. ²³ Umwemwe wine mukwandika na Amafarisayo, alongopi! Nanga vine mufunya indupo kwa bizali, ngani muleke imbola ingaopavu iya sheria ni haki, ni rehema, ni imani. Ngani muvwambi wa kuyalonga, kasi kuyaleka ayanje bila kuyapangamala. ²⁴ Namwinye mwaakali wamasongo. Umwemwe wine muyunga idudu ititi ngani mumila ingamia! ²⁵ Ole winu umwemwe wime mukwandika na Amafarisayo, alemanyi! mukuwa mufisha pazi iya vikombe na pazi ya sahani ngani inumba pizwile idhuhima nakuulizya uuche. ²⁶ Umwemwe mwa Mafarisayo mwaamasongo kusi kwanza inkasi yachikome na inkasi ya sahani, ngani kumbelo ya kuzi napinye kuwe kuwelu. ²⁷ Umwemwe wine mukwandika na Amafarisayo, agulugulu! Wine wafwanine na mawila yine yapakiwa ichokaa, yine pazi haoneka inonu, ngani inkasi yizwile amafupa iya afwile na chila chindu chine ichauswachi. ²⁸ Nanga ulonyulo, kuzi muoneka mwanonu pamiso ya wandu, nuku inkasi mwizwile ugu lugulu ni bwedo. ²⁹ Nanga mwemwe, wine mukwandika na Amafarisayo, mwagulugulu! Nanga vine muzyenga amawila yabwilago nkuyanonelezya amawila yine yalini haki. ³⁰ Umwemwe mutela, ngiti twikale isiku izyakatayi witu, ngiti tutilema papamwi nakukwitaulanda wabwilago. ³¹ Nanga ulo mwalola umwemwe kukuti umwemwe mwawana wao wine wawakominge abwilago. ³² Nangu umwemwe mwamala kukwizyuzya isehemu ine inonu nimbi iza kisakulu dyinu. ³³ Umwemwe mwazoka, awana wavipiribao, kunamna chi muikwepa ihukumu kundilo? ³⁴ Nanga ulo, loli, namtuma kuminu ambilago, wandu wine walinishima, nawine wakwandika. Nawanji muwakomanga nakuwagazya. Nawanji muwakapa inkasi iya iya Masinagogi yinu nakuwachimbizya kufuma ikaya ijimu nakwa winji. ³⁵ Amafumilo iyapalulu yinu pafumila zote za wenye haki zilizomwagwa duniani, kuanzia damu ya Habili mwenye haki hadi kwa damu ya ulanda wa Zakaria umwana wa Barakia, wine mwankominge paunonu napambele. ³⁶ Izya mwene, nawapozya, amambo eya yosi yalichione ichilelo hichi. ³⁷ Yerusalemu, Yerusalemu, uwewe wine umawakomanga abwilago nakuwalamba na mawe wala wine watumiwa kukwako! Hunga nawakwinganya awana wako papamwi hangati vine inguku iwakwinganyaya wawana wakwe pasi gamaweya yakwe, alinge utazumila! ³⁸ Lola, inumba yako ishazile isukupavu. ³⁹ Nanyinye nakupozya, kuzyizya isaizi nakukwendelea hutakambona, paka pine utela, 'Anonile umwene wine aizile kwitawa dya Nkali."