¹ U Yesu wapangile nao kalinji nangu ulo kumfano watela, ² "Ukali uwa piwelelo ufanine nudubwe wine walinganizye ikunganiko nu winga uwakwamwanakwe. ³ Wawatuma ayemba wakwe kuwakalibisha wine alinge waalikwe kukwiza kwikunga niko nuwinga, nangulo alinge watiza. ⁴ Udubwe wawatumile kalinji ayemba awanje, watela. "Wapozyi wosi wine witiwe, Loli, nalanganizya khakudya ichinonu ni ng'ozi zyane inonu zyafyundiwa, ni mbola zyosi zilitayali, Izi kushelehe nu winga." ⁵ Nangulo awandu heo wabyedile kwibyedo udyuto dwakwe. Awanji wazile kuvyalo vyao, na wanji wasuwile kwine walongelaya imilimo. ⁶ Nawanje wawinukile ayemba wa dubwe nakuwapasha iyazi nakuwakomanga. ⁷ Nanga ulo udubwe wanyesile. Wawatumile ayemba wakwe, wawakomanga wala wine, ainge wakomanga nakuzipemba ikaya zyao kundilo. ⁸ Ngani wawapozya ayemba wakwe, "Uwinga ulitayari, na wine witiwe watafanana. ⁹ Nanga ulo wali mukakwingane kuzila ingulu, wili awandu awinji vine mukuwa mwiwezyizye wize kuwinga." ¹⁰ Ahemba wazile kuzila ingulu kuwapozya awandu wosi wine wawawine kukuti kaliyu, anonu nawawi. Nu ukumbi wa winga wizwile ayeni. ¹¹ Udumbe pine winjile kuwalola ayeni, wambwine undu adyomu wine alinge atavwala imyenda iminonu iyapawinga. ¹² Udubwe wabwilikishe, iyunda dyane, wawezya uni kufika inumba bila kuvwala imyenda iya pawinga?' Nundu uyo alinge atanjibu chochosi. ¹³ Pine udubwe wawapozya ayemba wakwe, "Inyepi undu uyu imikono na manama namunsumbe pasi kuchisi uko kwine kukuwa na kukusha amino. ¹⁴ Vine awandu awinji wakwitiwa, wine wateuliwe wakuwa awache." ¹⁵ Pine Afarisayo waukile nakukwipangila vine walindeme u Yesu kunongwa zyakwe unkala. ¹⁶ Pine wawatumile ahemba wao papamwi na Maherode. Nawapozyizye u Yesu, "Ndanganizyi, fumanile kukuti uwewe wandu waukweli, nanga uloumalanganizya amanu iya Mulungu ku unonu. Hutapangamala inongwa yandu uwinji utalondezya upendeleo kwa wandu. ¹⁷ Nangu ulo tupozye umakwelenganya chei? Ngani isheliya kulipa ikodi kwa Kaisari au ndali?" ¹⁸ U Yesu wamanile imbi zyao watela, "Kuchei mukwiyozya, umwemwe wmalongopi? ¹⁹ Ndondezyi iyela yine yatumika kulipila ikodi." Pine wakandetele udinari. ²⁰ U Yesu wawawilikisha, "Pamiso nitawa ili dya kananu?" ²¹ Wanjibu, "Vyaka Kaisari." Pine u Yesu wawapozya, "Mpi u Kaisari ivindu vine vyakumwene nizaka Mulungu mpi Umulungu." ²² Pine wivile ulo wakasamile. Wandeka nakuuka. ²³ Isiku iyo awache wa Masadukayo wizile kwa Yesu, wala wine watezile kukuti kutakola upulushi uwa afile. Wambwilikisha, ²⁴ Watela, "Ndanganizyi, u Musa watela, "Anga undu wafwa bila kulela awana, umwanao numpyani uyo uwaichima ape umwana kwa ajili ya mwanao. ²⁵ Alinge wakwali analuko saba. Ukwanza waloile nawafwile bila kulela awana. Wandekela uwaichima umwanao. ²⁶ Numwanao uwa uwili wawikile ulonyulo na yula uwa utatu wawile vivyonye meaka uwa saba. ²⁷ Vine wawikile ulo wosi, napinye uwachichima yula wafwile. ²⁸ Uwachichima uyo anga wazyuka akuwaunka nanu kwa analuko osi saba? Wosi alinge wandowile." ²⁹ Nanga ulo u Yesu wawapozyizye, "Muluwanga mutamana amandiko wala amaka ya Mulungu. ³⁰ Nanga ulo kuzyuka, kwa wandu wataliloole wala kulooliwa. Ngani awandu wakiwa changati amalaika huko kululu. ³¹ Nanga ulo kuzyuka kwa wafile, muchili musomaye chila chine Umulungu wachitezile kuminu, watela, ³² "Unene na Mulungu wa Ibrahimu, Mulungu wa Isaka, nu Mulungu wa Yakobo? U Mulungu kasi Umulungu wafwile, ngani Umulungu wawine apuma." ³³ Pine ikwinganyo wivwile, wakasamile amalanganizyi yakwe. ³⁴ Nanga Amafarisayo pine wivile kukuti u Yesu wawalunduwizya Amasadukayo, wikunginye akala wene ku upapamwi. ³⁵ Ajumu wao, wine alinge umwanasheria, wambwilikishe iswari kukunjozya. ³⁶ "Nindanganizyi, imbola chi yine ingulu kupita vyosi kusheria?" ³⁷ U Yesu wapozya, "Nangulo utogwe Utayi kumoyo wako wosi, na kuroho yako yosi, na kunjele zako zosi. ³⁸ Hii yine iamri yine ingulu niyawandilo. ³⁹ Ni ya uwili ifanine niyo- Ngani utogwe uwapambelo yako changati vine uitogile wakala. ⁴⁰ Isheria zosi na ambwilago zipangamile iamri izi ziwili." ⁴¹ Na Mafarisayo pine inge wikunganike papamwi, u Yesu wawawilikishe. ⁴² Watela, "Mukwelenganya, chei kwa Kristo? Umwene umwana wa nanu?" Napinye wampozya, "Umwana wa Daudi." ⁴³ U Yesu wawapozya, "Kuna mnachi u Daudi wa roho wakumwita Utayi, watela, ⁴⁴ 'Utayi wapozya Utayi wane, "ikala kunkono wane uwachichulume, nguwawika awawi wako wawikiwe pasi ya manama yako."? ⁴⁵ Nanga u Daudi wakumwita u Kristo "Utayi," Vine akuwa umwanakwe?" ⁴⁶ Kutakola wine wawezyizye kukupozya inongwa iyamyao, nakutakola wine wayozyizye kalinji kukumbwilikisha amaswari ayanje kukwazyizya isiku hiyo nakukwendelea.