¹ Pine wapalamila ku Yerusalemu na kufiku ku Bethfage, kuchitundu icha mizeituni, ane u Yesu watuma ahamba wawili na kuwapozya, ² ''Muwale paka kukaya ila wazile kuiona indowe inyepiwe, papamwi na mwanakwe, muwasatule mundetele. ³ Nundu ngi wamuwilikisha, teli Utayi waivwamba, na kasi isamba azisavya'' ⁴ Eya yosi yawa ngani inongwa yene yatuliwa na twale itimile. ⁵ Mpozyi, ''Umwalili uwa ku Sayuni, lola, umwene wako aizile kukwake, umpote, nape wazua indowe, ni ndowe nu mwana wa ndowe. ⁶ Wala ahemba wawala, wawika changati vine u Yesu wawapozya. ⁷ Waleta yila indowe, nu mwana wa ndowe wawika imyenda yao palulu yakwe, nape wikala palulu yakwe. ⁸ Awandu awinji piungano lila imyenda yao inzila, na wanji watipa amasambi ya makwi, wayala inzila. ⁹ Na maungano yene yakolile na wale wine alinge wawakonga, walamba ichongo, watela, ''Hosana Mwana wa Daudi! Yene untimbariwa, umwene yene wakwiza kwitwa iya Tayi! Hosana kululu kwa Mulungu.'' ¹⁰ Nanga pine winjila ku Yerusalemu, ikaya yosi yakasamala, awandu washala watela, unanu uyu? ¹¹ ''Iwungano dyatela uyu yene yula untwale u Yesu waku Nazareti iya Galilaya.'' ¹² UYesu winjila mwitekelo, wawachimbizya wosi wene iza wakazya na kukala mwitekelo, wazigaluzya imeza izya atava ela ni vyiti vyao wene iza wakazya injiwa. ¹³ Wawapozya, ''Iandikwe.'' Inumba yane ikwitiwa inumba iyasalilila, 'Umwemwe mwaiwika kukuwa imbako, iya wivi.'' ¹⁴ Amasongo navyungu wambalila mla mwitekelo, wawapulusha. ¹⁵ Nanga ulo akali watwale papamwi na waandishi pine wayaona amayele yene wayawika, na wana wene iza walamba ichango chao pitekelo, watela, ''Hosana Umwana wa Daudi, ''Wanyesile. ¹⁶ Wampozya, ''Wivwa viine ewa watela?'' UYesu wawapozya, ''Alinge mtasoma. Kunjele izya awe acheche na wene wakonga mwatimizya imbola?'' ¹⁷ Wawaleka, watuma kuzi yakaya paka ku Bethania wona wuka. ¹⁸ Unguzu pine alinge azile pakati yakaya izala yanduma. ¹⁹ Wawine ikwi lilimwi imbola yazile, waliwalila alinge ataona na chimwi kululu yakwe ngani amatundu, walipozya, ''Yataoneke amakomi kukwako kukwandila ilelo ni siku zyosi.'' Ikwi dyanyala papo. ²⁰ Ahemba pine wawaona wakasamala, watela, ''Ikwi dyanyala wuni?'' ²¹ UYesu watela, wawapozya, Zumili na mpozya, 'Ngi mwana wa zumilo, ngi mtakalo uwowa, mulonnga kasi lilo idya ikwi, nanga ngi mwachipozya ichitundu ichi, kumbla ukasumbwe indukua, ikuwa wulo. ²² Na yosi yene ngi mwatenga kulimbana na kuzumila mutangana. ²³ U Yesu pene winjile mwitelo, akali wa amwandandi na achikulu wa wandu wambalila pine alinge walanganizya watela, kumaka yananu umalonga eya? Unanu yene wakupa amaka eya?'' ²⁴ U Yesu wawapozya, ''Naninye nguwawilikisha imbola ndyimwi, yene ngi mwambozya, naninye nguwapozya kumaka yananu nalonga eya. ²⁵ Ubatizyo uwaka Yohana- wafumile kweni, Wafumile kululu ama kuwandu?'' Wiwilikisha akala kwa kala, watela, ngi twatela wafumila kululu, utupozya, kuchiyi alinge mtanzumila?' ²⁶ Ngi twatela wafumile kuwandu, tutina iwungano, vine awandu wosi wambwine u Yohana kukuti umbwilagu.'' ²⁷ Wampozya u Yesu watela, 'Tutamana.'' Nape wawapozya, ''Nanga nene ndakampozya nalo eya kumaka yanan. ²⁸ Nanga ulo muona wuni? Undu adyumwi alinge alinawana wawili, wambalile yula uwakwanda, watela mwanane, ilelo wala kalonge imilimo kuchalo icha zabibu, watela. ²⁹ Mbanzile Tayi atawale. ³⁰ Wambalila yula uwa uwili wampozya vivilanye. Nape watela, ndatogwa ukwisambo walenganya wawala. ³¹ KU ewo wawili unanu walongile chine ise alinge wavwamba?'' Wampozya, ''Yula uwa uwili.'' Pine u Yesu wawapozya.'' Zumili nampozya, akwinganya kodi na akuwi wakolelo kukwinjila kuwumwene wa Mulungu. ³² Vine u Yohana wizile kuminu kuzila inonu umwemwe mwaleka mtazamila, nanga ulo akwinganya kodi na akuwi wanzumilile. Umwemwe nanga pine mwamwine alinge niliyelenganya kwisambo ngani kukunzumila. ³³ Tegelezyi ufwaninganye uwinji. Alinge kuli undu unkela numba, alinge asimika izabibu wapilimya uluwaya, wakumba ilindi inkati yakwe, wazyenga umnala wapangisha alimi, wawuka. ³⁴ Pine amakomi yapalamila, wawatuma alangamilimo wakwe kwa wala alimi, wakatanganeamakomi yakwe. ³⁵ Wala alimi wawalema alongamilimo wakwe, wandamba nu wingi, wankomanga nu winji wandamba na mawe. ³⁶ Wawatuma kalinji alongamilimo awanji awinji kupita wala wawaongela vilavyevila. ³⁷ Pamwisho wantuma umwanakwe kukuti watamtimika umwanane.'' ³⁸ Nanga wulo wala alimi pine wambona yula umwana, wanda kutelenganya akala kwa kala, 'Huyu yene umpyani.' Epa tunkomange, tusende upyani wakwe. ³⁹ Wandema, wansumba kuzi ya chalo cha zabibu wankomanga. ⁴⁰ Epa ngi wiza yule Utayi unkala chalo cha zabibu awachika chinduchi wala alimi?'' ⁴¹ Wampozya, ''Awakomanga iviwi wala awawi, ni chalo cha zabibu awapangisha awanji, wine wakumpa amakomi amanonu.'' ⁴² UYesu wawapozya, ''Alinga mtasoma amaandiko, ''Iwe dyene walikanile wene wazyenga, dyawa iwe ikulu idya mbelo, imbola iyi ifumila kwa Tayi, nape yakashamazya amiso ya wandu?'' ⁴³ Epa nampozya, 'Uwumwene wa Mulungu uwushwa kulumwemwe, nape watangana isi iyinji yene yalela amakomi yakwe. ⁴⁴ Nape mwene wakuwa palulu ya iwe idyo avuningana. Na yene ngi dyambwilila likushulinganya inchisini.'' ⁴⁵ Akali wa amwendi na Afarisayo pine wivwa ufwaninganye wakwe walenginye kukuti wawapozya wene. ⁴⁶ Na pine wavwambile kukundema, watinile lwungano, vine awene waambwine kukuti umbwilagu.