¹ Amafarisayo na Masadukayo wamwizilile u Yesu awasondezye ichimanilo chine chifuma. ² Pine u Yesu wawapozya uri ngikwawa umongodwa mtela mkuti ichali inanu, vine ikumbi ichemamu. ³ Nanguzu mtela mkuti, 'Ihali ya lelo asinonu vine kululu ukuchemamu na makumbi ya kumikile kululu kosi.' Mmanite kukwilula kumani kwa ukwa kululu, angaulo sangamyozye kukwitula ichimanilo cha sambo. ⁴ Ululelo uluwi udwakuwi lu kwamba ichimanilo, angaulo kutakola ichimanilo chochosi chine watangana, ikwizile ila iya Yona. Pine u Yesu wawaleka wauka kwe. ⁵ Ahemba wiza mwishira, angaulo alinge wiwa kusenda umikate. ⁶ UYesu wawapozya ''Isungai mulolae ichachu iya Mafarisayo na Amasadukayo.'' ⁷ Ahemba wiwilikisha wene akala watela. ''Vine tutasenda imikate.'' ⁸ UYesu wamanile ilo watela, umwemwe yene izumilo dyinu itili, kuchii mwelenganya na kukwitezya umwemwe mwakala, watela kukuti vine mtasenda imikate? ⁹ Mchili mtamana anga kukwizuka ila imikate isano kuwandu ielfu zisano ni vikapu vinga vine mwakwinginye? ¹⁰ Au imikate saba kuwandu ni makapo yanga mwasendile? ¹¹ Kwawa uni vine mtamana kukuti alinge ndatela mumwemwe juu ya mikate? Milolae na kutina ichachu iya Mafalisayo na Masadukayo.'' ¹² Pine wamana kukuti alinge atawapozya kutina imikate ine isasile, ila kutina amalinganizyo ya Amafalisayo na Amasadukayo. ¹³ Isambo line u Yesu wafikile kukaisalia ni Filipi, wawilikisha ahemba wakwe watela, ''Awandu watela kukuti umwana wandu unanu?'' ¹⁴ Watela, ''Awanji watela wakuti wa Yohana Ubwantizyaji; awanji, Eliya; na wanji u Yeremia, au kati ya wilagu. ¹⁵ Waapozya, umwemwe mukuti unene nananu? ¹⁶ USimoni Petro watela uwewe wa Mwana wama Mulungu yene umpuma.'' ¹⁷ U Yesu watela na kukumpozya, ''Utimba niwe uwewe Simoni Bar Yona, vine ulanda ni nyama vitakufunulila ili utai wane yene alikulu. ¹⁸ Nunene nainye nakupozya kukuti uwewe wa Petro, na palulu pa mwala uu ngulizyenga itekelo dyane, imidyunga iya mazimu italilipote. ¹⁹ Ngukupa uwewe ulufungulo udwa umwene uwa kululu. Chochosi chine ukwiyalila pawelelo chikuwa chiyadwa kululu. Nachochosi chine uchiyulila pawelelo chi kwiyudwa na kululu.'' ²⁰ Pine u Yesu wawalesha ahemba watampozye undu yeyosi kukuti umwene alinge u Kristo. ²¹ Kfuma isambo ilo u Yesu wandile kuwapozya ahemba kukuti ya vwambiwa mbale ku Yerusalemu, kumagayo aya ivinji kumikono ya chikulu na kulu wa makuhani na langanizyi, kukufwa na kuzyuka ulusiku udwa utatu. ²² Pine u Petro wansenda u Yesu kumbelo wankali pila watela, ''Imbola ii ukutani mwewe, Nkali, ili litafumile kukwako. ²³ UYesu wachenga na kukupozya u Petro, ''Suwa kunuma yane shetani! Uwewe wichingo kukwane vina utapangamala ivindu vya Mulungu, ila ivindu ivya wandu.'' ²⁴ Pine u Yesu wawapozya ahemba wakwe, ''Ngu undu yeyosi wa vwamba kungonga unene, yavwambiwa ikane mwene Unkala asende unsalaba wakwe angonga. ²⁵ Yene wa vwamba kupulusha upuma wakwe au zimangizya na kwandu yeyosi yene watyezya upuma wakwe kukwane apulusha. ²⁶ Je! Kulichinduchi ichinonu nguundu wapata uwelelo wosi lakini atyezye upuma wakwe? ²⁷ Vine umwana wa Adamu aliize nutimu wa Tai wakulumwene na amalaika wakwe. Umwene alalipe chilandu kulingana ni milimo yakwe. ²⁸ Zyamwene nawapozya, kulaminu yene wimilile epa yene watalione ufwile mpaka pine walimbone u Mwana wama Adamu wakwiza kumwene wakwe.