¹ Pine zyafika isiku sita u Yesu wawasendile papamu nu Petro, na Yakobo, nu mwanao Yohana wawasenda mpaka palulu ya citunda ichitani wene akala. ² Wagelwile isura kumiso yao waka changati uzuwa mimyendakwe yaonike ya kwaka changati uwelu. ³ Loli, pala wifumilizye u Musa nu Elia watela nakwe. ⁴ UPetro watela wampozya u Yesu, ''Nkali, ivinonu kumitu usweswe kukwikala epa ngiwakumbukila kuzyenga epa ingambi zitatu chichimwi nachichimwi cha Musa, na chichimwi icha Elia.'' ⁵ Pine alinge watela wawine ikmbi idyelu dya wawikila umpepo, pine dyafumila ilingu kufuma kululu dyatela, uyu umwene uwa lutogo yene wanonezya, imwivwai mwene.'' ⁶ Ahemba ivwile, eyo, wawile wakupime watina ichisini. ⁷ Pine u Yesu wiza wawapalakasha na kutela inuki mtatine.'' ⁸ Napinye winula amiso indulu, angaulo watawine undu, wawine u Yesu adyumu. ⁹ Pine alinge wakwika kuchitunda, u Yesu wawalagilizye watela, ''Mtaumbule zine waziona uku mpaka pine u Mwana wa Adamu pine alizyuke kufuma kwa fwile.'' ¹⁰ Ahemba wakwe wa mbwilikisha watela, kuchii alanganizyi watela kukuti Elia alaize kuwandilo? ¹¹ Zyamwene u Yesu watela, ''Eliya alaize na kusuvya windu vyosi. ¹² Angaulo na mupozya umwemwe, Elia andanize ila watamanile. Badala yakwe wandongetile ivindu vino watogwile wene akala, nulo yene u Mwana wa Adamu vino apata amagayo kumikono yao.'' ¹³ Pine ahemba wamana kukuti ikawawapozya kuhusu u Yohana Umbatizaji. ¹⁴ Pine wafikile piungano dya wandu, undu adyumwi wambalile, watungamila umakokola kumiso yakwe watela, ¹⁵ ''Nkali, imbonele ingumbu umwanane yene alini chifufumi na kugaya ichisini. Vino udwinji awilaya mndilo au imazi. ¹⁶ Atinandeta kwa hemba wakwe angaulo watawezizye kukumpulusha. ¹⁷ UYesu watela, ''Ululelo ndwene luakola izumilo chine chiluwangike, ngwikala nu mwemwe papamwi mpaka sikuchi? Indete epa papane.'' ¹⁸ UYesu wakalipila, izumu dyafuma ukalumendo wapulwishwe isambo lilila. ¹⁹ Pine ahemba wamwizila u Yesu ichakumbeto wambwilikisha, ''Kuchini tutawezizye kulichimbizya?'' ²⁰ UYesu wawapozya, ''Izumilo dyinu iche, zyamwene nampozya, Ngimwawa ni zumilo angiche changati ulupumba dwa mbeyu iya Haradali, mwezizye kuchipozya ichitunda ichi, sama kufuma epa uwale kula, napinye chingampota umwemwe. ²¹ (Angaulo: Izumu idyaula ikangu kufuma mpaka kutimbana na kuleka kukudya'' zitaonekaya kunakala imunu izyakali). ²² Pine alinge wacili wakwikala ku Galilaya, u Yesu wawapozya, ''Ahemba wakwe, ''Umwana wa Adamu wawikwa imikono ya wandu. ²³ Nakunkomanga nulusiku udwa utatu azyuka.'' Ahemba wasukupile ichisini. ²⁴ Pine wafikile ku Kapernaumu, awandu yene wakwinganya ikodi ni nusu iya shekeli?'' ²⁵ Watela, ''Zyamwene, Angaulo pine u Yesu injila inumba inkasi, u Yesu watela nu Petro kuwandilo watela.'' Umakwana chii Simoni? Amwene wawelelo watengananya ikodi au ushuru kwa yeni? Kuwana wao au kwa yeni? ²⁶ Na pinye pine u Petro watezile, kwa yeni u Yesu wampozya, ''Epa ngiulo, awana asawazya. ²⁷ Nangaulo tutize tuwanyeseshe, wala indukuwa ukateye indowana, na uleme ila ishwi iya kuwandilo, ukakole mndomo wakwe wazuona ishekeli idyimwi, uisende uwape akwinganya kodi kwajili yane nu wewe.