¹ Pine Amafarisayo na langanizyi wizile kwa Yesu kufuma ku Yerusalemu. Na kutela, ² "Kuchii ahemba wavuna masunde, aya mapokeo ya chikulu? Vino watakalawa imikono yao pine wakudya ichakudya." ³ U Yesu wawajibu na kuwapozya, "Umwemwe__kuhii mvuna masunde ya sheria ya Nkali kwa ajili ya mapokeo inu? ⁶ Vino Umulungu watezile, 'Untimike uso nu noko na yene watela uuwi kwise nu nina; zyamwene akufwa.' ⁵ Angaulo umwemwe mtela kukuti cilandu yene wakumpozya ise nu nina, "Umsaada yene ngiwapata kufuma kukwane isaizi ikuwa indupo kwa Mulungu," ⁴ "Undu atakola iaja iya kukuntimika ise. Ulo mwakanile inongwa ya Mulungu kwa ajili ya mapokeo inu. ⁷ Umwemwe mwalongopi zya mwene umbwilagu u Isaya wawile ilagu pine watezile, ⁸ "Awandu ewa wandimika kumindomo yao angaulo imyoyo yao ilukutani nunene. ⁹ Wanzumila umoni, walangalizya amafundisho yene amalagilizyo ya wandu." ¹⁰ Pine wita awandu na kuwapozya," Imvi, na mmane__ ¹¹ Kutakola ichindu chine chikwinjilaya mndomo mwandu na kukumpa uuwi. Ila chine chifuma mndo mwake, ichi chine kumpizaya undu uuwi." ¹² Pine ahemba wambalila na kutela nu Yesu, "Ali! Umanite Amafarisayo pine wuivwile inongwa ila wanyesile?" ¹³ Wawajibu u Yesu watela, "Chine utai wane uwa kululu chine atasimikila, chikumbudwa. ¹⁴ Waleki eo awimilizi wamasongo, nguundu umasongo wa kunkolezya umasongo uwamyao, wosi wawili wawilila mwilindi." ¹⁵ UPetro wampozya u Yesu, "Tupozye ufwanyinganye uu kumitu, ¹⁶ u Yesu wawapozya namwinye mchili mtakila injele? ¹⁷ Umwemwe mtaona kukuti chine cihpita kundomo chipitilaya mnda na kuwala kumusalani?. ¹⁸ Angaulo ivindu vyesi vine vifuma mndomo, vifumaya inkasi ya moyo. Vine ivindu vine viduwangaya undu na kukumpa uuwi. ¹⁹ Kwa kuwa imoyo mwandu mufumaya amelenganyo amawi, ukomazi, uluu, uasherati, uwivi, ushuda wa ulongopi ni ndusi. ²⁰ Izi zine ivindu vine viluwangaya undu na kukumpa uuwi.'' ²¹ Pine u Yesu wauka pala walekengana nao wawala upande wa kaya izya Tiro ni Sidoni. ²² Loli, wiza uwahichima Umkanani kufuma ipande izyo. Wazuvya ilingu watela, "Mbonela ingumbu, Nkali, Mwana wa Daudi; umwarili wane wagaya ichiseni na mazimu." ²³ Angaulo Yesu atatezile nachimwi. Ahemba wakwe wiza wampozya watela, "Imbushi awale uko, maana watulambila ichongo." ²⁴ U Yesu wawapozya watela, "Ndatumidwe kwandu yoyosi ila kung'onzi zine zitwegile izya numba ya Israeli.'' ²⁵ Angaulo wizile na kukwinama kumbele yakwe watela, "Nkali navwa." ²⁶ Wanjibu watela, "Asivinonu kusenda ichakudya chanawandu na kuzisumbila imbwa." ²⁷ Watela, "Ee Nkali, angaulo imbwa indili zilizaya ichakudya chine chikuwa pameza pa Nkali wakwe." ²⁸ Pine u Yesu wajibu watela "Wachichima izumilo dwako ikulu. Nailongiwe kukwako changati vine umavwamba." Nu mwarili wakwe alinge wapona kwisambo ilo. ²⁹ U Yesu waukile pala wawala papipi nulukuwa udwaku Galilaya. Pine wazile kuchitunda indulu wikala kuko. ³⁰ Iungano ikulu dyiza kukwakwe, wandetela yene watakwenda, amasongo, yene watatela na wavilema awinji awinji, yene alinge awinu. Wawawikile pamanama ya Yesu wawapulusha. ³¹ Awandu wakasamala pine wawine yene watatela, watela na vilema wapulushwa na kukuwa apuma yene watakwenda, wakwenda na masongo walola. Wantogola Umulungu uwa Israeli. ³² U Yesu wawita ahemba wakwe watela, 'Nawaonela ingumbu igumbalo, mwene ikala nunene isiku zitatu bila kukudya ichindu chechesi chila. Ndaka walaya wawale kumao bila kukudya, tize wazumalike inzila." ³³ Ahemba wakwe wampozya, "Kweni kwene tupata imikate iya kwila uku indonde, kukwikusha igumbalo ikulu ili?" ³⁴ U Yesu wawapozya, mlini mikate inga?" Watela, 'Saba, ni swi inditi inje." ³⁵ U Yesu wawapozya iungano likale pasi. ³⁶ Waisendile ila imikate saba nishwi wasalifya wazitimbanila, waimenya na kuwapa ahemba. Ahemba wawapa iungano. ³⁷ Awandu wesi wadya wikuta. Wakwinganya ivyvika ivipande vya chakudya vine vya shazile ivipande vipande, vizwile ivikapo saba. ³⁸ Wesi yene wadyile alinge palachilume ielfu zini kuleka achichima na nawandu. ³⁹ Pine u Yesu walaya igumbalo wawale kumyao winjila inkasi imashuwa na kuwala isehemu izya Magadani.