¹ Ku vino, ngimwanyepwe kwa ajili ya Nkali, namlenga mwende vivila nu wito wewe Umlungu wamwitile. ² Mwikole kutondu ichisini nu tekamu nu yimbu. Ku wikalo uwalutogo. ³ Wiki umpimbi kuwika ukwingano uwachitimbano kunyepwe uwa utekamu. ⁴ Kuli umbili udyumwi nu Moyo uwa chitimano idyumwi, ngati vino mwitiwa kuhakika ni taraja idyimi ukwakwitiwa kwinu. ⁵ Kulu Nkali adyumi, izumilo lilimwi, nu batizyo udyumi, ⁶ nu Mulungu adyumwi Utayi wawosi. Umwene alipalulu ya yosi, na kuyosi na nkasi ya yosi. ⁷ Kwa chila yuyo kukwitu wapiwa ichipawa kulingana ni chipimilo cha chipawa icha Kristu. ⁸ Changati vino amandiko yatezile: "Wazuwile kululu ichisini, walongwizye amateka kuutumwa. Wafunya ivipawa kuwandu." ⁹ Chiyi amaana iya, "Zuula," nanga vino wikile pasi iya welelo? ¹⁰ Yene wikile pasi undu yuyula yene wazuwile kululu kutani ya makumbi yosi. Wawikile ulo ngani ukwali wakwe uwe kuvindu vyosi. ¹¹ U Kristu wafunyizye ivipawa ngati ivi: akatumwa, awilagu, wainjilisti, adimi nalanganizyi. ¹² Wawikile uli ngani kuwawezyesha aumini kundima uwa ulongi, ngani kuzyenga umbili uwa Kristu. ¹³ Wawikile wuli ngani tufike kwikwi ngano idyizumilo na maalifa aya mwana wa Mulungu. Wawikile uli ngani tuwezye kukamba ngeti wala wene wafikila ukuzi kamili uwa Kristu. ¹⁴ Kuvivi ngani tutawe kalinji ngati twa wana, tutatwaliwe uku nu uko. Ngani tutasendiwe nu mweya uwa malanganizyo, kumawiya wandu kuchenjevu nu longofi. ¹⁵ Ku vivyo, tutela izyamwene kulutogo na kukula ichisini kuzila zyosi inkasi yakwe yene unkali, uKristu. ¹⁶ U Kristu waunganishe, kupapamwi, umbili wosi na umini. Uwunginywe ni chiungo ngani umbili wosi. Ukule na kukwizyenga wewene kulutogo. ¹⁷ Ku vivyo, natela uli, namlenga kwa Nkali: Mutende kalinjingati awandu awa mataifa vino wakwendaya kuwuwi wa njele zyao. ¹⁸ Wawikiwe ichisi kumelenganyo yao. Wachimbizyiwa kufuma kupuma uwa Mulungu kutivu wene uli nkasi yao kukangu uwa myoyo yao. ¹⁹ Wataona iyazi. Wikabila akala ku fisadi ku matendo yao amawi, kuchila aina iya usini. ²⁰ Ngani, kasi vivi mwilanganizye kuhusu uKristu. ²¹ Manile kukuti mwivwa kuhusu umwene. Manile kukuti mwalanganizwe kulu mwene, changati vino usokofu uli nkasi iya Yesu. ²² Lazima muzivule imbola zyosi zyene zilinufaninganye uwawikalo winu uwa mbele, uwundu uwambele. Uwundu uwambele ulelaya kusababu iya usono uwa ulongofi. ²³ Muuvile uwundu winu uwambele ngani muleliwe uupya kumyoyo ni njele zinu. ²⁴ Wiki uli ngani kuuvala uwundu uupya, wene ufanine nu Mulungu. Uumbiwe ku haki nu sokofu uwa mwene. ²⁵ Ku vivyo, wika kutani ulongofi. "Pangi izya mwene, chilandu nuwalumbandakwe, kuvino tulipapamwi chilandu nuwamyao. ²⁶ Muwe nulunyeso, poshe ulo mutalonge imbi." Uzuwa utawilile muli kulunyeso dwinu. ²⁷ Mutampe ushetani inafasi. ²⁸ Chila mwene akwiwaya atiwakalinji. Ngani izyamwene alongi imilimo. Alonge imilimo yene ikumpa chimwi ku mikono yakwe, ngani awezye kuwasunga na wene apina. ²⁹ Inongwa imbi zitafume mumindomo yinu. Ngani, zifue inongwa zyene insokofu kumindomo yinu zyene zifwaile. ³⁰ Utambike, umoyo uwachitimbano uwa Mulungu. Ngani kulumwene mwawikiwa umuhuli ukwa lusiku udwa upulushi. ³¹ Izyamwene muwike kutani uwaviwosi, ukangu, ulunyeso, iwo, ni ndusi, na chila aina iyambi. Iwe unonu umwe kwa mwemwe. ³² Muwe ni ngumbu. Mwisamehe mwemwe kwa mwemwe, ngati vino Umulungu kwa Kristu wamsamihe umwemwe.