¹ Chavine ili unene, uPaulo, nu akatumwa uwa uYesu Klisto ku ajili yinu uwa pa Uwelelo. ² Nazumila kukuti nivwa kululu iya imilimo iya ichitimbano icha Umulungu zyene ambile kuajili yinu. ³ Nawandikila chavine ukupulo vine wakupuliwa kukwane. Izya mwene zyene zipisime wene nandikile ku uwipi ku ibarua yinji. ⁴ Pene usoma eya, ungawezya kumana unonu wane ku umwene wene upisime ku uKlisto. ⁵ Ku udulelo winji umwene u utalongiwa kumanikwa ku wandu ilelili uwikwile cha zaa ku umoyo uwa ahemba wene walekengine na ambwilagu. ⁶ Umwene wene upisime kukuti awandu pa uwelelo akwingani amitu atwala nongwa amitu ku umbili. ⁷ Poshe ulo nalongekwa ichilongelo ku indupo idya ichitimbano kwa Umlungu mwene wamfunyizye kukwane kupitila ku ulongozi vwa amaka yakwe. ⁸ Umulungu afunyizye indupo kukwane, nanga unene nancheche ku wosi ku wala wene wasumbwa kwa ajili iya Umulungu. Indupo hii navwambiwa kutangazyizya ku uwelelo injili yene ili na udumbwe wene watalolekeshwa uwa uKlisto. ⁹ navwambiwa kuwayelufisha awandu wosi cheyi umpango uwa Umlungu uwa upiso. Eya yene isunde dyene dyapiswa ku imiaka iminji yene yapita Umulungu mwene alinganizyizye ivindu vyosi. ¹⁰ Hii iza ili, kupitila kwi itekelo, akulu na ukali kululu wamane isehemu ininji izya ukaya nu umani uwa Umlungu. ¹¹ Eya ngete yafumile kupitila isunde idya isiku zyosi wene akamilishishe nkasi iya uYesu Klisto Nkali witu. ¹² Nanga ulo ku uKlisto tuli na uyivu nu uwezyo uwa kukwinjila ku uyivu ku amasunde yitu kukwakwe. ¹³ Nawalenga mtavunike imyoyo ku amagayo yane iya kulumwemwe. Eya yene utumi winu. ¹⁴ Chavine ulo na lamba amakokola kwa Utayi. ¹⁵ kulumwene chila ufuko kululu na kululu iya isi itiwa itawa. ¹⁶ Nalenga kukuti atinibanike, kufumila ku udumbwe nu utimu wakwe, awawike akangu ku amaka kafumila ku Umoyo wakwe, mwene alinkasi yinu. ¹⁷ Nalenga kukuti uKlisto aikale nkasi iya imioyo yinu kwi itimbano. ¹⁸ Nalenga kukuti muwe mwa sinde udwandilo udwa ulutogo wakwe. Mwikale ku ulutogo udwa uKlisto. ¹⁹ Nalenga kukuti mmane ukulu uwa ulutogo uwa uKlisto, wene upota umani. Longi eya mwizuzyiwe imbola zyosi izya Umlungu. ²⁰ Ni salizi kulumwene awezyaye kulonga chila imbola, aminji yene tulenga au yene tuwaizya, ku amaka yakwe yene alonganya nkasi yitu, ²¹ kukwakwe kusambane nu utimu nkasi iya itekelo ku uYesu Klisto ku ululelo dyosi isiku zyosi. Amina.