¹ Changati vino alinge mufile ku akosa yabi zinu. ² Ingikwawa kuyaya kukuti kwanza mwalongile ni sambo idiya welelo uwu. Alinge mulonga kwakufwata amamlaka aya ntemi uwa mamlaka aya palulu. Uwu wene umoyo wakwe yula yene alongaya undimo kuwana adwani. ³ Udwadilo usweswe alinge tuli papamwi nayene watazumila imboloizya ka Mlungu alinge tulonga kuwuwi wa mibili yitu. Alinge tulonga undimo wa mimbili nukimana kumetu. Angitwawa kuchibuku wene wali ni asila changai awanji. ⁴ Shangani Umlungu umwinji wa lutogo angaulo utogwe dwakwe ulukulu chavine watutogilwe usweswe. ⁵ Isazi pene tukwali afile changati ibi zitu, watuletile papamwi changati uwikalo umpya ikasi ya Kristu. Changati ichitibano kuwapulusha. ⁶ Umlungu watupulwishe papamwi nutuweka kukwikala papamwi changati uwikalo wa kululu nkasi mwa Kristu uYesu. ⁷ Walongile uli changati isiku izya kumbele awezye kutulondezya utajili ungulu wa chitibano chakwe. Kutulondezya ushweshwe kuzela iya uluma yakwe nkasi ya uKristu uYesu. ⁸ Ku chitibano mwapulushwa kuzila ya izumilo. Niyi alingeitafuma kumetiu. Izawadi iya ka Mulungu. ⁹ Yatalafume kulongi. Chene chifumila ataoneke nanga adyumiwi uwakwitogola. ¹⁰ Vino usweswe twachilongelo wa Mulungu, twaumbiwe kwa Kristu uYesu kulonga yene amanonu. Ulongi uwuwene Umlungu wauvwa mbile kufuma kali kulu sweswe ngani twende kuyayo. ¹¹ Changati mwizuke mamangayo apakali alingepalawandu yene mutamana ijisi ya mbili. Mukwitiwa "wandu mtatailiwe changati chene chikwitiwa kutailiwa ya bili yene yalongiwa ku mikono ya awandu. ¹² Changati isambo indwo mwapeuliwe nu uKristu alinge mwaeni ku wandu wa Izilaeli. Alinge mwaeni kukwilaya kulufingu. Alinge mtakola ukweli walusiku ndwene ndwizile. Mwakuzile bila Umlungu changati pawelelo. ¹³ Changa aisaizi changati uKristu uYesu namwi wene apakali kuwandilo alinge kutani nu Mlungu mwaletwa papipi nu Mlungu ku randa wa uKristu. ¹⁴ Vine umene wenen ichitibano chitu. Walongile wawele kukuwa adwumwi. Ku wawele wakwe waluwinge uluumba kukwileka awene iyene watulekenganya nu umbi. ¹⁵ Chavine wakomishe amafunde amasune na amasune changati alinganye undu adwumu upya ikasi mmwakwe. Waloga ivinonu. ¹⁶ Walogile uli kuwayangula, amagulupu ya wele aya wandu wawele adyumwi kwa Umlungu kupitila Umsalaba. Ku zila iya msalaba waulongile uuwi. ¹⁷ U Yesu wizile kulaba imbila ivinonu kuminu umwemwe vino alinge mulikutani ivinonu ku wala wene wali papi. ¹⁸ Chavino ku zela ya Yesu usweswe wosi wawele tule ni nafasi ku Roho idyeme kukwinjila kwa Tayi. ¹⁹ Vine umwemwe mwawandu wa kiwelelo kasi usizo wayeni izamwene. Changati akaya papamwi chavine walekengine kuzila ya Mlungu atwale changati itekelo idya ka Mlungu. ²⁰ Mweyengiwe palulu pafulo wa mitume ni ubwilangu. U Kristu uYesu mwenenye alinge iwe ikulu idya kumbelo. ²¹ Changati umwene itekelo dyosi dyakwinganyiwa papamwi nu kula changati itekelo nkasi ya Nkali. ²² Nkasi mmwakwe umwemwe na mwi muzyegiwa papamwi mukwikalaya pa Mlungu changati iRoho.