¹ Uteto huu wakuzumilka: Ngi undu amalumwa kukuwa Umwimilizi, amalumwa imilimo misokofu. ² Poshe wulo umwimilizi amavwambiwa atawe na kanene. Imavambi wa awe undume wa achichima adyumu. Imevambiwa awe ni chititi,, utosi, kasi unkalakashe unsasafu. Imavambia awe na maka yakulanganizya. ³ Atawe amatumila indimba, atawe upatakizyi, awe untekamu, awe umomi. Poshe wulo amavambiwa atawe untogwa ihela. ⁴ Amavambiwa kukwimilila ivinonu ku wandu w pakayakwe mwene, na awana wakwe imawavamba kukuntinika ku heshima zyosi. ⁵ Vino undu atamana kuwaimilila awandu wi kayakwe mwene, akulisunga wuni itekelo laka Mulungu? ⁶ Atawe umwamini umoya, ili atize kuvunika na kukuwa ku hukumu changati wala wambi. ⁷ Poshe wulo amavambiwa awe ni isifa inonu, ku wosi wene walipazi wuli atize awe kwiyazi uluteyo dwambi. ⁸ Amashemasi, poshe wulo wavambiwa kukuwa wene kustahili ulutogo, watawe ni mbola ziwili. Watamwele indimba kupitilizya au kulumwa. ⁹ Ngani walemashe kuusofuko wa izumilo yeneyakupuliwe. ¹⁰ Poshe wulo, wawe wapilishwa kuwandilo, wulo watakiwa kupanga mala vino watakola akanene. ¹¹ Na wachichima vivyo watakiwa wawe ni shima. Watae walongopezyi. Wawe na ichipimilo wawe waminifu ku mambo yosi. ¹² Amashemasi wavambiwa wawe awalume wa awachichima adyumu adyumu. Poshe wulo wavambiwa kuwimilila ivinonu awana wao na pakayao. ¹³ Vino wala wene watumika ivinonu hupata humwimililo unonu nu ujasiri unkulu ku izumilo dwa Kristo Yesu. ¹⁴ Nakwandika isambo ili kuluwewe, na natumaini kukwiza ku kwako wuli kache. ¹⁵ Poshe wulo ngi nguchelewa nakwandika vino umane kuwala ku numba ya Mulungu, vino ichiteko icha Mulungu mwene umpuma, itegemeo lisokofu. ¹⁶ Na itapinoikwa wuli usokofu wene Uungu wakupuliwe wene nkali: "Wathibitishwe nu Umoyo, waonekine nu malaika, watangizywe ku miongoni mwa mataifa, wakubaliwe nu uwelele, na kusendwe kululu ku utimu."