¹ Chavino Iloho watela pawelu welu kukuti uwakati wine wizile kumbele ya wandu walileke izumilo nakukuwa watekamu kukuivwa uloho zine zilongopiwa na malanganizyo iya mawi yine yalanganizyiwa ² changati ulongofi nu usonganizyi na amanani zyao zigeluzyiwa. ³ Wawalesha kuloola nu upokela iviliwa vine Umulungu waviumbile nu vitumila kusalifyo dyao wene waumanile mmwene. ⁴ Vino ulo chila chidu chine Umulungu achilinganizye ichinonu. Kutakola chine tupokela kwakusalifwa chivyambiwa kukaniwa. ⁵ Chene chikwelufwa kupitila inogwa iya Mulungu nizila iya amalanizyo. ⁶ Nanga uyawike eya aya pamiso aya wanawitu, ukuwa wakatumwa wanonu uwa ka Yesu uKristo. Vino wasimikua kunogwa ihizumilo nakumalanganizyo amanonu yene wayakonga. ⁷ Nangulo zikane ichili icha piwe lelo zine zitogwiwe na achichima achikulu. Vino ulo nifundishe wankala ku usokofu. ⁸ Vine idwizyo dwambili lufwaile chilufi, ngani usokofu ufwaya ichisinikuyosi. Kuweka ifingano kuwikalo uwa saizi na yala yine yizile. ⁹ Imbola iyi iyakuzumiliwa umavyambiwa kuzumiliwa ichisini. ¹⁰ Vine tuchili tugaya nakuweka imilimo kumaka ichisini. Changati vine tutatinaya kwa Umulungu wine upuma, wine Upulushi wa wandu wosi, nanga ulo kwawine wazumila. ¹¹ Kuyatela nakulalanganizya imbola izi. ¹² Undo yeyosi ataubwede ulumendo wakwe ngani wawe wosi wazumila, ngani ulutelo, udwendo, ulutogo, izumilo, ni usaza. ¹³ Mpaka pinegwiza, ikala kwakusoma, na kufunda, na kulanganizya. ¹⁴ Utachezye chine Umulungu akupile chine chilinkati yako, wine wakupile kupitila ubwilago, na kuwikiwa imikono iya iya kaa chikulu. ¹⁵ Uyapangamale pya ikala uwezye kukula uwe chazaa kuwandu wosi. pangamala sana umwendo wako na mafundisho. ¹⁶ Ikala kumbola hizyi. Nanga uwika ulo ukwipulusha wankala na wala wine wakukwivwa.