¹ Ku vivi awali ya yosi, navamba kulenga, ni dua, nulengezi, na kusalifya vilongekwe kuwandu wosi, ² kwa amwene wosi wene wali ku mamlaka, ngani tuwezye kukwikala ku wikalo uwizumilo nu tekamu ku sokofu wosi ni shima. ³ Ili inonu idya zumiliwa pambele izya Mulungu Umpulushi witu. ⁴ Unkala avwambaya awando wosi wapulushiwe ngani wayamane ayamwene. ⁵ Ku vino kuli Umulungu adyumwi, na njanguzi adjumwi kwa Mulungu nu mwanandu yene uYesu Kristu. ⁶ Wifunyizye unkala awe indupo kuwosi, ngati ushuuda kwisambo lilila. ⁷ Kuvivi, nene nankala nawikiwe kukuwa na ntwala nongwa uwa injili iya akatumwa. Natela izya mwene. Ndulongopa. Unene nandanganizyi awandu amataifa kwizumilo idya mwene. ⁸ Kuvivyo, navwamba achilume chilapapo walenge nakukwinula imikono imisokofu bila amanyeso nuwowa. ⁹ Vivyo, navwamba achihima wavwale ivizwalo ivinonu kwishina idya kwiyima. Watawe ni nyele insiwe, ama idhahabu, ama Ilulu, ama ivizwalo na ivya ghalama. ¹⁰ Vivyo navwamba wavwale ivizwalo yene yavwambiwa kwa chichima wene wazumila uchaji kuyalonga amanonu. ¹¹ Uwachichima ailanganizye kuteka mu na kwizumilo dyosi. ¹² Ndakakunzumila uwachichima kulalanganizya, ama kukuwa na maka kwa chulume ngani aikale kuhali iya utekamu. ¹³ Vino uAdamu waumbiwe kuwandilo, ngani uEva. ¹⁴ U Adamu atalongopiwe, ngani uwachichima izyamwene walongopiwe kuasi. ¹⁵ Nanga vivyo, apulushwa kupitila kulela awana, ngiwakonga izumilo nu ulutogo kwelufyo ni njele inonu.