¹ Iyakuay ee paka daghari ta hatla ta balo ti hhape ta Gerosili. ² Siwa Yesu kiyatiimimiti ti mtumbwika hiko ko muna tlaku iyakhay dirosi iyali makaburi ahha. ³ Hirusi iyahoto makaburili hiru hhaku kowa aslay lokotlahhas hhaku kama hara hhagima. ⁴ Kowatsegiti wisa naaa hara pingi ha hhagi mai hhagimai kiyatsatsat ha pingu wos kiyatletimisi hiru hhaku kowa uutu koma ko ini baoa. ⁵ Amasi ha tlehhemi iyakaburayi wana ha dandemo iyaaa aamimi lughutletliti iniwak kara tleee. ⁶ Kiya Yesu ani hara sige iyofed dirosi nikiekwuu panda rosi. ⁷ Iyaaaa hara afo ta dadiri "slaant loso meleiisimu Yesu nu ko lalaa ko rawali ko rawali wara neja? Oroghadimu ti lalaali loi mare kiekihhimusiti. ⁸ Bere ado doro sokowahhabi "latiitaa hiruku ku tsaghwa ta tlaku." ⁹ Insle nokomahaa "uma wogo na miya? "Nosohhabu" Uma wii na legion sagasa ka waran naaa." ¹⁰ Kiyara ghadini mara naaa mare tikilehhisi fendi ta hhapeli. ¹¹ Ma nguruwe naaa hikiyaaagimimisi dandali. ¹² Kowaghadini na inaasle nikioiyee "Uyaabiti nguruweli naedafan waay waay waini." ¹³ Dosi nikiriyaaan tsaghuwa ta tlaku iyatiitiri nikiedafiri ti waay aguruweli inaasle iyafeetiri hhape ta dandali paka ti bahari nguru kowaepahhiri maayli iyasapiri elefu njadi. ¹⁴ Ma kwad kowainaa aagimimisiri iyafeetiri nikihha bakaye aara kowatiiti ti hhapapuli yamu hire naaa iyatiitiri sayuutakayma. ¹⁵ Nikiyakhayee ti Yesuli nokoanee hiru tokowairitisi na tsaghwa ta tlaku -kuwawanee na dighisay iibiti hhapeli -sokoneluuu nikiili ti waway wosi inasle iyatlaamutiyee. ¹⁶ Kwad kowaarinee tadisi wara ti huru tokowaoni tisi natsaghua ta tlaku sokowahhabu mi nati iti dirosi hanguruwe. ¹⁷ Nokoroghadinee lihautu hhape sa. ¹⁸ Kiyaedadafini waay mtumbwili hiru wogo tokowaonitisi na tsaghwa ta tlaku kowaraghadini lihautiri ha ini. ¹⁹ Iniko kowaraaanibasl niko kowaoo haue hara aya wog ha hira wog lisihhabiti sokoiisini na dadiro ha hhoa tosoko harisi." ²⁰ Dosi iya daha nikihhabu aaremo ko dijao Yesu kiyaisini dirosi taysi Dekapolili some iyaetlokhoiri. ²¹ Yesu iyatsooti kara hara yamu ko hatla waay mtumbwili hira naaa iyakurunkuriri ye nokoronini iti kiyadaghari baharili wani. ²² Ma wak hhapuloimo ko sinagogi umawos na Yairo iyakhay ma tokowaani iyahuu yaa wasi. ²³ Nokoraghadini neja nokooo "Hati rii nina isapiti gwaara oroghadimu. Hau laeghasiti daba wog dirosi sa lihota slawtu." ²⁴ Dosi nikihautiri diwaki ha ini hira naaa iyagusiyee nokorosafuutu konini ii miti. ²⁵ Tawan na hatahare takati mimiti na slere kwara miba njad. ²⁶ Iyaakihhimutu ti araohimusay naa gama ros slome kiyakont katlese, dosi sle karaohinibasl fana nakaaso araghinti. ²⁷ Iyaakhasiti hhabo ta Yesu dosi nikiyakhautu hara alu was siwa kiyakhotsitsini ni hirali nokonangus ghayru wos. ²⁸ Sa gawe kiyaoi "bere lato qayro was nangus hhaawii. ²⁹ Tokowanangusi tsere nikikahat unaeakhasiti tlakwa rosi tuba kahhaesi ekihhima wasa. ³⁰ Ma Yesu nikitsahha iniwak uuru wos intiitii nikighentsiti tala hatala ti hirali nikimahas "Miyaini na ghayru wii rangusu?" ³¹ Nosokohhabu na tsahhatimay wa, "Arinta hira wak slome konrosufuutu lokonini iimiti kusle sahhabanki miyaini ninangusu?" ³² Iniko Yesu iyakhuuni tala ha tal liarini kowados iisi. ³³ Hatahare iyakhuutu mi natiiti dirosi iyatlaamu aradakhame. Iyakhautu niki huutu yaawasi nikihhabiti aaremo was slome. ³⁴ Iyaooto dirosi "khuwayla Arapaama waa naiisi nee lahhaamutu. Hauti hara hhoa likihhaese mamaari rogo." ³⁵ Niya gimbumimisi tiya wakinaa iyakhayee owati hhapuloimo ko sinagogi ahhaa nikioin "hati rogo in gwaat. soay tsatsahhatisimo ekihhimumamisita?" ³⁶ Yesu iyaakhasi kya gimbumimisi ri kowaoo hhapulimo ko sinagogi tlaame basl to yaaami." ³⁷ Iyatlahhas mare longwiyaa slome ta Petro Yakobo ha Yohana ningonni ha Yakobo. ³⁸ Iyakhayee aya ko hhapuloemo ko sinagogili insle iyaarini khwatala Aaee naae ha firo. ³⁹ Kiyaedafi ayali sikiyahhabu "soay anetlekhakhutee ha soa aa aamintaa? Khuayla igwaatibasl intoghata." ⁴⁰ Kowaghesene iniko ini nikitiitis slome hara fendiiya tata ko khwayla hubu ha iyo ha kwad kowadiwaki waree haini nikedafu dooli khwayla yamu kiyawanti. ⁴¹ Iyawaretlese daba ko khwayla nakaoo "Khwayla ta ninina ioimu watlawi." ⁴² Disi loi khwayla iyawatlautu nikikhotsiti (Bere mele iya kwara miba njad konto) Disi loo iyaetlakhoiyee neja. ⁴³ Nikirighadini hara uuru hiru hhaku tokoslai litsahha aarak. Nikioo sahari saki khwayla aago.