¹ Kara iyatlatles tsahhatisay daghari Bahari. Hira naaa uja kurukuritiy ee nokoenimiiti nikiedafu waay matumbili baharili nikiibiti hira slome iyadaghari baharili wanee. ² Nikitsahhatis aaremo naaa ado nikioo diroini ha tsahhatisa ros. ³ Eitisei uru iyadahanisu kay. ⁴ Kiyaelahaminisi gisakaro waka iyapahaat amoli nakuaag na tsiraoo. ⁵ Pisakaro waka iyaepahhat ti hhapeli yamu tipa kiywant ta ninina. Niki morooto iyati[a kontibasl tabuuta. ⁶ Iniko tlehemi kiyatiiti iyamoroota sagawe iyadeaarimai kontibasl iyakahat. ⁷ Pisakaro waka iyaepahhati ti waay leghewali. Leghewa iyadirarayee nakara tlay hara rawaa ha iyahaghwalitibasl aamee we. ⁸ Pisakaro waka ujaepahhati ti tipa ta hhoi nikidirarawati niki laghaliti aamu ko hhoo waka iyalaghwaliti neja mara mibei tamu waka miberi lahhoo ha waka mia. ⁹ Nikiooo " koea komi ko akhasa liakhas." ¹⁰ Yesu kiyawani iniwak kwad kowaalaghari rosi wanee haa kwad mibaa njad kowamahas sa ado. ¹¹ Nikioo diroini "dirokini sukuhharisi aara ko khambatle ko lalaa. Iniko sa kofendili uaraa gana slome na ado. ¹² Sa likhuunaa na khwaru nikiko arinaabasl ha doro kiakhamisiyei nadoro kiakhamisiyee iniko slawi naabasl. Bere dos lakabere ialufokitiri sikislahhaa na lalaa.'' ¹³ Nikioo diroini ma slawaintaasle sa dot? Meleaslaataa slawiru ado waka? ¹⁴ Uru iya aara dahamisi. ¹⁵ Wakinaa kwadi kowaepahhiyee daghari amoli ta aara yamu tokowadahamisi. Ha kiyaakhasin ibilisi nikiyakhay niki aara tles tokowa dahamisi diroini. ¹⁶ Hakwa wakinaa tikiyarawa tleeli dahamisi ko akhasaa aara koilaohoo hara tsige. ¹⁷ Ma konaabasl geaarima way waini, iniko kikihhisiyaa hara siiwa ta ninina ma ekihhi ma kiyakhayei sa aara malutlupapitiri. ¹⁸ Wakinaa sle kwad tikiyadahamisi leghewali iyaakhasiri aara. ¹⁹ Iniko Ekihhima ko fitsima awanahhaye ha hindagharuma ha ilatsera sa gimba waka kiedafu ha aara etafisa komatsima laghwala aamu. ²⁰ Ma wanaa kwad tikiyadahamisi tipa ta hhoi. Gimba akhamamisiri kokoilaohoo ma lilaghwali aamu. Wakinaa miberi tamu ha wakinaa miberi lahhoo ha wakina miberi mibu. ²¹ Nikioo na Yesu, "Ahubbinta pisaruu waay dadi laghamamiti hhapa ta kapuli au sirakitandali? Ahubababinti dooli lagha mamiti rawa gamili. ²² Sagawe gamu hhaku kunayakwi lipoi yabasl ha hhabo hhaku taetlahhi. ²³ Liwani ko eakoma ,liakhas!'' ²⁴ Nisikiwabu "lamaghaaa ta isi taka hhahhabini litlehhiti warahho kawara hhahhantee na isi tukuruwarahas ha nukuru gatisi dirokini. ²⁵ Sagawe ini kikono ilaoho neja ha kodo kokomibasl ti dirosa tatlemisi ta todi kikoni slee.'' ²⁶ Nikioo khambatlu ko lalaa koroslahha a hiru kowa pisakaro dahamisi ti pipali. Kiyaghali. ²⁷ Kiyaghati ara amasi ha ara matalatle kiyawatlay ha pisakaro iyatiiti nikidirarautu fana khwiya basl dorokiyawant. ²⁸ Fitsima iyatiitimamisi asakaro iniwak gasa tsokono ma guguu ma pisadaro ta aatliti. ²⁹ Siwa pisakaro kihamati iya mundu hubabinti ti buuruli.'' ³⁰ Ma nikioo, "khambatlu ko lalaa oghomaitisan ha gamu mi au ado mi sahhaba? ³¹ Ado Pisakaro ta haradali isi takadahamisi ata ninina neja ado slome kobasl fitsimali. ³² Ha siwa takadahamisi diraraw neja pisakaro waka baaa ta bustani elemu konto ko diyan hatsira oo sle ta dawri islaslayaa tlehhitu deeri waini nahhatu wosi." ³³ Hara dosi iyatsahhatisi diroini hara doro kiyaraslawainei. ³⁴ Sikiyakhhabibasl to doti ini siwa kiyawani iniwak tsahhat imay was nisikihhabu aaremo slome. ³⁵ Ti lalaasi khwai kiyadahiri nikioo diroini "kwerei hara daghari ta hatla ta njadi." ³⁶ Dosi hira nikimayi niki Yesu hubiyee siwasi iyawaa mtumbwili wan mtumbwi woko iyadiwaki wan haini. ³⁷ Ma tsaghwa ta dihhi ha tlafoiyaedadafifine waay mtumbwili siwas mtumbwi iyahas. ³⁸ Iniko Yesu woloo iyati shetrili wana iyaghati maa. Nokowalese nikioyee "Tsahhatismo tsatsahhantasle anda gwaarali laaran?" ³⁹ Nikiyawatlay nakara oo oo tsaghwa bahari nakaoo "litlehhi hhoa." Tsghwa nikimautu natatlakwat neja. ⁴⁰ Nikioo diroini "soay tlaamutaa? Arapaama hhakwe kahhat?" ⁴¹ Kiyaedafu na tlaame ta dadiri munai wai nukwairi inaa kiloini "He na miya kara saga tsoghwa sle ha bahari kuakhamisi.