¹ Ma kara nikiedafu ti singagogili ha hiru iyawan kowa dada tsaghuti. ² Hira iyawanee kowagugusisini kokoan kihhae siya hiru lalaa ta sabato tu lokohhabu. ³ Hiru wod kowa daba tsaghuti koiwoo na Yesu "watlawi la ghariti ti hira wati." ⁴ Hira manikioo "tahhoe aara ko hhoo iisima lalaa ta sabato ay tlakwe iisiru hota slakhasa au gasa?" iniko iyaghabiyee. ⁵ Nikikhuun hara ghupitaa nikislawaa sa khalaame ta munai waini hiru wod nikoo "dikiisi daba wog." Nokodikiisi nokohhaes daba wos na Yesu. ⁶ Mafarisayo nikitiiitiri hara fendi nukwahhabi yee diwaki ha maherode sa ini lokogos. ⁷ Ma Yesu diwaki ha tsahhatimay wasi iyahautiri hara baharis nokogusu na hira naaa ko Galilaya ha Uyahudi. ⁸ Ti Yerusalemuka hati idumaya ha panda ta Yorodani ha daghari ta Tiro ha Sidoni hira naaa kiyakhasiri aaremo kiyaiisisini iyakha yee dirosi. ⁹ Nisikihhabu tsahhattimay was liboiiisiri mtumbwi ko ninina sa hira mare tokoroghintsi. ¹⁰ Bere mele iyahhaese naaa hira slome koweeki hhimitiri iyaslaaanee kokorosafu lokonangusu. ¹¹ Yamu to kowaani na tsaghwa ta tlaku iyapahhiri hhapeli panda rosi araaaee nikioinri ku na nu ko lalaa." ¹² Kiyaraghadini mare liiisinaa lokotsahha. ¹³ Iyahautu rawa dadili nikiooooo ini kiyaslai nikidaliyee dirosi. ¹⁴ Nikielewe miba njaa (nikiooooo yaaaabutay) sa lidiwaki wanaa lkiyaaaabu gimba ta lalaa hhaba. ¹⁵ Likonaa uuru ko tsaghwa ta tlaku babatsu. ¹⁶ Nikielehhe miba njadi simoni tosowaharis uma ko Petro. ¹⁷ Yakobo nu ko Zebedayo ha Yohana ningoin ha Yakobo tosokowaharisi uma ko Bonagesi kwas na haay ko khuruumo. ¹⁸ Andrea, Filipo, Barthlomayo, Matayo, Tomaso, Yakobo, nu ko Alfayo, Thadayo, Simoni mkananayo. ¹⁹ Na Yuda Iskariote tokoawfokiti. ²⁰ Ma nikihaut hara aya mahira nikihatsiri diwaki kara nikimatsinee aago kama mkatesle. ²¹ Hira was kiyadosi akhasirii kowaohakay nikioiyee "waway inetsoat." ²² Tsaghamusa kowakhayee Yerusalemuka iyaoiri "koonitisi na Beelzebuu," ha ti khambatlu ko tsaghwasi tsaghwa babasto.'' ²³ Nikioo oo na Yesu ayawos nisikihhabu," doro ibilisi kribatsi ibilisi? ²⁴ Bere khambatle tudehhini ini wak khambatles gharitiyabasl. ²⁵ Bere doo lundehhe iniwak doos gharitiyabasle. ²⁶ Bere iblisi lighariti iniwak mukudehhe ghariti yabasl efako ros inadahat. ²⁷ Iniko hhaku koaslawa edafa doo ko hiru ko uuru koma bere otsegitivasl gasa malarababatsiti gama tawari ayali. ²⁸ Tsoba suhhahhabimu sukuslahhaa tlakwe slome ta haay ko hira diwaki ha tlakwe kiilabababatsiri. ²⁹ Iniko kod ko tlakwe ilabasla muna ko hhoa sokoslahhaiyabasl fana tlakwe kon ta balu slome. ³⁰ Yesu iyadosi hhabu sa gakiyaoiinee "muna ko tlaku kono." ³¹ Ma iyoroi ha dawai ros iyafendili ghalimitu kayee. Niki hiruyaabiyee noko oo oo. ³² Ha hira komaibitiyee dagharirosi nikioiyee "iyo rogo ha dawai rog wanaa fendili ku dabahitiyaa." ³³ Kiyaoo "iyo rii na miya ha dawairii? ³⁴ Kiyailakhumi kwad kowaibibitiri koneniniiiti nikioo ukhuumi "kwa ana iyo wii ha dawai rii. ³⁵ Ko iisosimi slaama ta lalaa hirus dawaimo wii ha hhio rii ha iyo rii."