¹ Nikihautu disa hara hhape roso nokogusu na tsahhatimay wos. ² Sabato kiyaalalati iyatlatlee tsahhetimisu ti sinagugili. Hira naa kowaak hasa nikietlokhooso. Nikioiyee "Ikalislawii tsagharu ko doo? "Meleli aslay hhaemisu doti hara dobai was?" ³ "He nakoelebsl sermali? Nu ko mariamu ha haaywaini Yakobo, Yose, Yuda ha Simoni? Hhiewas hotati manabasl diti haandaa? "Kiyarakwaanibasl na Yesu. ⁴ Nikioo na Yesu "aaabuta haramurimamitiya basl fana to hhaperosi nati doo wos ha dawa rosi. ⁵ Gawa hhaku kiyalaghema disi ini sikiyaeka ghamiti dabai mamaaaritay wakina nikihhaese. ⁶ Kowaetlekhooso neja saga tokowayaaani basl na inaa. Manikihautu nikrikhotsini yamu ko hatla sa tsatsahhatimisu. ⁷ Nikioo tsahhatinay wad miba njad ni kiyaaabu njad njad. Sikiyaharisi uuru sa tsaghwa ta tlaku. ⁸ Nikirighadini mare huba gamuwe to hharo mure lihubiyaa mkate mkobasle basl ha he la sle basl dagharili. ⁹ Iniko lielaiiyaa eedo mare kana njad. ¹⁰ Nisihhabu "doo weli kaedafitee ibetei disi paka lato hautaa. ¹¹ Ha hhape we bere kuilaohibasl au eitisa hautei ayoina huslimisei tsatsai yaawakini litlehhiti iimbo diroini." ¹² Iniasle nikilautiri hara hhabo hira li firirinaa linayaa tlakwe. ¹³ Iyamurinee tsaghwa naaa ta tlaku kiyanakhaduii mamaaaritay nikihhaayee. ¹⁴ Hhapuloimo Herode iyadosi akhasi ado uma ko Yesu iyapoo neja. Wakinaa iyaoiyee "Yohana ara kuumusimo inaslafu ha sadosi uuruku ko pibasl yandumamiti waay was." ¹⁵ Wakina iyaoiyee "hee na Eliya" kahhiri waaka nikioiyee "he na yaaabutay ado wak ko kwad yaaabutay ko ansi." ¹⁶ Iniko Herode kiyodosi akhasi nikioo "Yohana kowatlaghafu saga konaslafisi." ¹⁷ Sagawe tlerode looloo iyayaaabu Yohana lokooho nokotsege gerezali sa Herodia (Hare ta kaka woini filipo) sagawe tailekhabu na ini. ¹⁸ Sa Yohana kowaoo Herode "tahhaebasl khabo hare ta kaka wogo." ¹⁹ Iniko Herode iyatlatlesiti wakay iya slaanta lokogas iniko iyaaaslaatibasl. ²⁰ Sa Herode iyatlaamut Yohana, iyatsahhatuba hiru ko lolol ha hhoa nokomay seyu. Ha tokowagusi iyaslahhaa neja iniko iyakwaa eitisa. ²¹ Ha siwa kiyadahati kiyasapiti balu ko laghwala Herode sokowa boiis dighisay waos ko loo ha khambatlatlu ha hhapuloay ko Galilaya. ²² Yamu khwayla ta Herodia kiyaedofit hara neto panda roini kiyakwaarese Herode ha dahaye kwawanee siwa ta aago ta khwai. Yamu khambatlu nakaoo khwaayla "Efirinti gamu kaslaa anasle siharisi." ²³ Nasakalao aaga nakaoo gamu kafirimu siharisi kama daghaita khabetlu uri. ²⁴ Nikitii hara fendi niki iyoroini malasiti "Mi firimu?" Nikiooto " saga ko Yohana ara kwimusay," ²⁵ Siwasi nikedafi ti khambatluli nikiooto "slaamu lisiharisita waay sahanili saga ko Yohana arakuumusay." ²⁶ Khabtlu kowaslahhaas neja iniko sa laoaagoros ha dahaye iyamatsini sia laoaagoros ha dahaye iyamatsini sia firo roso. ²⁷ Dosi khambatlu nikiyaaabu dighisay was losokowahubu saga ko Yohana. Dighisima iyahautu nokosoga tsata taysi yamu tokowatsegi. ²⁸ Saga wos nokowamgu ti sahanili nasakaharisi khwayla khwayla sle nikiharisiti sa iyo roso. ²⁹ Ma tsahhatimay was kiyaadosi akhasiri iyahauti nikislaghwa roso hubiyee nakatipu kabirili. ³⁰ Ha yaaabutay iyakurunkurityee diwaki panala ta Yesuli nosokorokiiimisi slome kiyaiisinee ha kiyatstsahhatimisiyee. ³¹ Insle nikiooo "Hautaree hunguraa kilokini yamu kowaeghabiri na kwahhasan siwa taiite hira naaa iyakha khi khayee litokiiiri iyoslawi neibasl lohay kama ko aago. ³² Niki hautiri yamu komairibasle yamu hira ka hhakwe. ³³ Iniko kiyaa kiyahaumimitiri nikitsahha diwaki iyafeetiyee hara yaa ti yamama slome ka inaa nikidahiri panda rooni. ³⁴ Kiyadihiri pawanili iyarisi hira naaa nisikislahha sagawe iyatlehhitiri ado b/euu kowadeemusay komaibasl. Mikitlatlese tsahhatimisu aremo naaa. ³⁵ Siwa kiyapanda khuuti neja nosodaha na tsahhatay nokooo di yamu ko koaibosl na siwa ifakiti. ³⁶ Sahhabenki lihautiyaa hara hhape ta tsay u liaago tlakhokayaa." ³⁷ Iniko nikihhabu nikioo, "saharisaki hungura aago" Nokooo "aslaara mkate tlakhokay mu mikati ta dhinai miberi miba njad liaaginaaa?" ³⁸ Nikioo " mikate maga kontaa? Hautee yuutakawei? kiyaslawinei nosohhabu nikate koan ha samaki njad.'' ³⁹ Nikioo hira liibibitiyaa hhapeli rawa tsokono ko naaoli. ⁴⁰ Nikiibitis ti karunkuraylikururunkuray mamia ha miberi koan. ⁴¹ Ma nikitlese mikate koan ha samaki njad nikiilakhumisi kawrili nakahhaeni ma nisikihearisi tsahhatay wos panda ta hirali nikidehhini samaki njad sa hira slome.kowanangumisiri kiyahhaemisi. ⁴² Iyayaaginee slome nikibuutiri. ⁴³ Iyakunrukuriyee daghero ko mikate ta meti nikihatsiri kapa miba njad ha da gerro ko samaki. ⁴⁴ A hhawate alfu koan kowawagine mkate. ⁴⁵ Manikioo litsaganaa mashua sayamu kohatla khua paka Bethsaida siwa ini rikikurunkuray lelehhisi. ⁴⁶ Kiyahautiri nikihautu hara danda sa firoo. ⁴⁷ Takadahi khwai ha mashua waini siwasi tlaaa baharili insle iniwak na wan hhape ta kahati. ⁴⁸ Kiyaan doro kiyatlaratlarimimitiri sa slaghwa kiyarahatsa. Matlatle kyasapiri nikirisapu iyara rawa maay khutsitsini kiyafusa slaa. ⁴⁹ Iniko tokowaani rawa maayli khotsini nikitla amutiyee nikiori hhaphhapnay nikitsotso iyee. ⁵⁰ Sagawe kowaanee nikitlaamutiyee ma nikioo unakahasitee. Ana loo! taamebasl." ⁵¹ Nikiedafu waay mashuali tsaghwa nikimawetay inaa slee nikietlokhoiyee neja. ⁵² Dosi iyatsahhitibasl mi na mikate rodo sagawe waway woini akonina. ⁵³ Inaasle kyatsootiri akhiriwod iyadakiri hhape ta Genesareti mashua rikidahat efako. ⁵⁴ Kiyatiitiri ti mashuaka nokotsahha. ⁵⁵ Nikifeetiyee hhaba ti hhapapu slomeli nikihubu mamaaaritay kuwaghaghariri kiyatoakhasiri iyakhotso. ⁵⁶ Yamu we kiyaedadafifiri hhapapuli iyaghamitiri mamaaaritay ti sokoli nokoroghadini likiriiimbu nangusa ghayru wos. Slome kowanangumisiri kiyahhaemisi.