¹ Matlatle eboae makuhani diyani unaslusla yee ha garu ha tsaghamusay. Ma Yesu nokotsege nokolehhisi ta pilaltoli. Nokoma has na Pilato "Kuu na khambatlu ka wayahudi ko?" ² "Nosokohhabu, "kuadoso ooto." ³ Makuhani diyana iyahhabiyee aaremo naaa ko Yesu. ⁴ Pilato nokomahas kara "khuutasl gumuwe? Arintasl doro tokohhahhabini hara aaremo naaa? ⁵ Iniko Yesu gahaaku iyaoo ti Pilatoli, iyaetlokhoo to. ⁶ Doro kiisasinee lalaa ta neeema kofoha hini wa tokowatlehhe tsegimusa kiyafi iinee. ⁷ Iyawanee tlakumusay gerezali, iyawanee tsuuuumusay talakwe roini lalaaa misiyaa, iyawana hini waka umawaso na Baraba. ⁸ Hira iyakhayee ti Pilatoli, nokofirinee liii sini ado doro kiiisasini aluka. ⁹ Pilato nikioo "slaantaa lofohimu khambatlu ko Wayahudi?" ¹⁰ Bere mele iyatsahha asatloma makuhhani diyami tokowahubi dirosi. ¹¹ Iniko dadiroi ko mahuhani iyahira ara ghinti yee litsotsoiyaa ara afo ta dadi lokofohini Baraba. ¹² Pilato nikioo kara omeleiisi khambatlu ko Wayahudi?" ¹³ Nikitsotsoiri kara ekihhimusanki. ¹⁴ Pilato nikoo imeleiisi araa ko talku? Iniko iyatsotsoiyee nefa ekihhimusenki. ¹⁵ Pilato iyaslaan hira likwaanaa Baraba nokofohi ni nokotsegiti Yesu hhagimai nokotiitisi lokoeki hhimusu. ¹⁶ Dighisay nokohubiyee paka waay ghaama nikiku runkuritiyee diwaki slome dighisay. ¹⁷ Nosokoeluuu Yesu kanzu ta zambarau nikiriuutliri bogho ko leghewa sosokoeluuu. ¹⁸ Nokotlatlesiyee hherifu nikioiyee "sayuko khambatlu ko Wayahudi. ¹⁹ Nokoslahha saga hara nokorotsubaghana tsubaghari nikitungunaimiti pandaresi sa aramure. ²⁰ Ma kiyahheesiri hheri nosokotuiiyee kanzurodo ta zambarau nosokoeleeua qayro wasu, nokotiitisa hara fendi saekihhimusa. ²¹ Nokouuresiyee kowafutimimisi hara amo lokoroay kowa yamuli edadafifini iya qaymo dahha uma wos na Simoni nkirene Tatako Iskanda ha Rufo) nokouurese msalaba ko Yesu gegera. ²² Dighisay nkolehhisiyee Yesu yamu tkaoooo manini Goligotha (tiniee ta saga). ²³ Nosokoharisi umasay koghara iniko iyakitahhi basla. ²⁴ Nokoekihhimusiyee nikidehhinee qayro wasi nikielehhitiyee dighisay slome. ²⁵ A siwa ta tamu ra matlatle nokoekihhi musu. ²⁶ Nikighasiyee rawa wasi khaimo tokawa aaremo was tsaghana khambatlu ko Wayahudi. ²⁷ Kowaekihhimusu eliwaki ka bontimai njad waka aradaghari roso ta uuya woko hara busa woso. ²⁸ (Aathisi slahhama ka , tsagharu efaka takahhabu hhaku ti hhabo ta ansi). ²⁹ Kowafutimimisirisle kowaoosli slini lisgai rikirikimimisiyaa lioinaa "Ku koheka lu khetisa latlehhete ara balu tamu. ³⁰ Uruohinti kwak laejuku hhapeli msalaba ka.'' ³¹ Doso looloi makuhani kowahheri lusuhhabiyaa diwaki ha tsaghamusay nikioiyee iyawakinaa araohini iniki islayabasl araohiru iniwaka. ³² Kristo khaubatlu ko Israeli ejukuti hhapeli hiriko suruki msalabaka loara layaaamana. ha kwa da sle tikiyaekihhimusu diwaki kowahhere. ³³ Kiyadahati siwa ta lahhoo eboaa nikiyakhauutu rawaka paka siwa ta gwelene. ³⁴ Siwa ta gweleni Yesu iyatsotsoo hara afo ta dadiri lalaa rii soay ini mawutu? ³⁵ Kwas kowagharimitiri kiyakhasiri nikioiyee khuumi "Eliya oo oomini." ³⁶ Hiru waka nikifeete nikihatsisi siki ti siponjili nakaghasa rawa khaimoti ko tsukahholi nosokoharisi likitahha. Hiru waka nikioo, tlakwa naarinana bere Eliya iyakhay liko ejukutisi hhapeli. ³⁷ Ma Yesu nikiaa aa ara afo ta dadiri nikigwaa. ³⁸ Kahayrii ko hekalu nukudehhe daghero njad waraka sa hhape. ³⁹ Dighisay waka kowaghariti kowapunda ti Yesu khuusu kiyaarini doro kirigwaa nikioo tsoba hiruko a nu ko lalaa. ⁴⁰ Iyawanee haaytikay iyakhuune hara sige diroini iyawanta mariamu maagdalena Mariamu (iyo ta Yakobo ningoni ha Yose), na salome. ⁴¹ Siwa kiya Galiliyali wani kowagusu nokofirinee, Ha haaytikay wkinaa naaa unarakonee diwaki paka Yerusalemu. ⁴² Takadali khwani a lalaa la boiimisu lalaa alu ta sabato. ⁴³ Yusufu ko arimathaya iyakhay haghi ayaaabutumu ko baraza koromurimamita hara uuru nikidaha ti Pilatoli niki slu gwa ta Yesu firini. ⁴⁴ Pilato nikieto khoo Yesu igwaa nokoo oo dighisimo wod nokomahasa bere Yesu igwaa. ⁴⁵ Kiyaslawii tsoba ti dighisimo woda Yesu igwaa nokoroyaana Yusufu lislaghwa ta Yesu ayi. ⁴⁶ Yusufu iyatlakuhu sanda nokoeyukutisiti msalabaka nokotsege hara sanda nokog hasa ti kaburi takafoli ti hhapeli. Ma naka orauutu tlaaa ti ifodoo ko kaburili. ⁴⁷ Mariamu Magdalena ha Mariamu iyo ta Yose iyeaarinee yamu tokowafolo Yesu.