¹ Siwa sabato kiyaefakiti Mariamu maghaelana ha Mariamu iyo ta Yakobo, ha salome, iyatlakunee duii ta hhoo, saliyakhayaa lislaghwa ta Yesu makhiyaa sa gola. ² Matlatle lalaa ta tlatleso iyaduhiyee ti kaburili tlehhemi kiyatiiti. ³ Nukuruhhabiyee miya na tatlaaa epindiri tsi sa andaa laedafana kaburili? ⁴ Siwa kunai lakhumisiri iyaarinee hiru inepi ngiriisi talaa ata dadir neja. ⁵ Nikiedafiyee kaburili nokoanee hiru hhawatmo ineluua ghayru koaabaku hhawatmo ineluuuu qayru koaaabaku iimbiti haradaba ko uuya niketokhoiyee. ⁶ Nikioo tlaamebasl Yesu dabaliitaa ko Nazareti tokowaekihhimusu. Inaslafu Didi hhaku khuumei yamu tokowaghasi. ⁷ Hautei sahhabakuwaki tsahhatimay was ha Petro in gata hara Galilaya. Taysi oantaa ado deoo tusunahhabi." ⁸ Nikihautiyee nikifeetiyee kaburi ka iyadadakhiyee kiyaetokhooso iyahhabiribasl wawuwe sa hiru we sagawe iyatlaamutiyee neja. ⁹ (Aatlisei hhabo ta ansi kontabasl Marko 16:9-20) Aramatlatle laalaa ta tlatleso kiyaslafi karatiiti gasa Mariamu Magdalena isi dirosa kababatsa tsaghwa faghu. ¹⁰ Iyahatu nisikihhabu kwada kowadiwaki wanee ha ini siwa kiyaslahhaiinee ha hhirihhira. ¹¹ Iyaakhasiyee slafu inapoo insle iniko kkowara yaaanibasl. ¹² (Aatlisi: Hhabo faansi kontabasl Marko 16:9-20) panda ta kwasi nikiyaetiiti ara doro ta batla ti hira njadi kiyakhotoitsi nei ti hhape ka. ¹³ Iyahautiyee nikihhabiyee sa tsahhatimay wakinaa kowametiyee iniko iyayaaineibasl wakinaa kowametiyee iniko iyayaaaneibasl. ¹⁴ (Aatlesi hhabo ta ansi kontabas Marko 16:9-20) Yesu magha nikiyaetiiti ti kwad miba waki kowaenakakaiiri mezali nikirioo oo soay yaanaabasl ha khalaame ta Munai waini sagawe kiyara yaanibasl kwad kowaanee kiyoslafi gwaaraka. ¹⁵ Nisikihhabu "Hautei fitsimali slome, la hhabitaa injili ti hira slomeli ha makay slome. ¹⁶ Ko yaani lokorokuusu koroohini kodo ko sii koekihhimusu. ¹⁷ (Aatlisi hhabo ta ansi kontabasla marko 16:9-20) lagharuu ungusiyaa ha ko yaaamui. Hara uma wii tsaghwa ta tlaku babatsitaa. Hhabiyaa hara gimba ko Aabu. ¹⁸ Ohina desasa hara dadai waini kama likitahhanaa gamuwe ko gwaasa gamu hhaku kislay. Eghamitiyaa dabai ti mamaaaritayli inaasle hhaayaa. ¹⁹ Yesu kiyagimbusi ha sinaa nokohubu hara rawa nikiibiti daba ko uuyali ko lalaa. ²⁰ Tsahhatimay nikihautiri sa tsahhatimisu yamu slomeli siwa dadiro kiyandumitiri diraki ha tsobusa aara hara aaremo ha laghama unagusiyee ha inaa.