¹ A balu njad panda ta pasaka ha lalaa ta mikate tokowamahhaasibasl. Makuhani koadiyan ha tsaghamusay iyalohay daba hihitiri lokogasa. ² Bere male iyaoyee siwa ta neeemali kobasl mare liyatiiti tlakwe ti hirali.'' ³ Siwa Yesu kiya bethaniali wani aya ko simonili mkoma iyati meza khukhukhwi, halahare waka nikiyakhautu hara chupa ta marasli ta mardo ta hhoo takatlakhuu hara gamu ko dadi nea kakakaas chura nakaebuu ti saga wosi. ⁴ Iniko iyawanee wakinaa kowaghupitiyee nukuruhhabiyee inaa kiloini nikioiyee sana namiini aara ko hhamoto? ⁵ Duiisi laka kaekwahha hara gamu ko da diri dinari mia tamu lakaharisi sa hira koekihhimutaa. " Karaoo oo nainaa. ⁶ Iniko Yesu iyaoo, "Mawakini ini waka soay atlahhamisitaa? Iisinti aara ko hhoo diroi. ⁷ Balu slome hira ko gamu komaibasl ikonte siwa kaslaantei iisintaa hhaa sa inaa iniko wantaa bas haana siwa slome. ⁸ In iisinti doro iriaslawti islaghwa rii makhata sa fola. ⁹ Tsoba suhhahhabimu yam slomeeli injili yamu takahhahhabini ti fitsimali he kiiisint hatahare ti ta hhabu sa ehora wos. ¹⁰ Ma Yuda Iskariote wak ti kwada miba nadi iyaalala ti makuhani kodiyani la lakamay diroini. ¹¹ Siwa makuhani diyan kiyadesi akhasiri iyakwaane nikioiyee sakahaisi pesa iyatlatlese lohay dabaha lakaharisi diroini. ¹² Ti lalaa ta tlatlesoli ta mkate kowamahhabasl siwa kiyabeiimo tiiitisiri ko pasaka nosoko hhabu na tsahhatimay was "slaant la kkakhwan loboiisakwan b/eimo loaagiti ko pasaka? ¹³ Nikiyaaabu tsahhatimay was njad nikioo "Haute la yamuli ma hhautumu kowasibiri arakheese unslaslawtaa a hunguraa. Dabahaki. ¹⁴ Doo kiedafi gusakini losohhabitaa hiru dooso tslahhatimusimo in oo kaliwanta ghaghan ta dahaye yamu kaagimu pasaka ha tsahhatimay wii?'' ¹⁵ Sukulaghan ghoghoni ta awara ta hhoo ta ka hhese bolisa iisimei boiise saandaa haghu. ¹⁶ Tsahhatimay iyahautiri hara mui iyaaslayee gmaslome ado doro sikyahhabi nikiboiisiri aago ta pasaka. ¹⁷ Siwa kwai kiyadahiri iyakhay a kwad miberi njada. ¹⁸ Kiyasapiri ti mezali ta aago Yesu iyaoo, "Tsoba suhhahhabimu waki wokini kaaagitee haana kialufokiti. ¹⁹ Slome iyaslahhaiyee nokooiyee slome, "fana anakobasli?'' ²⁰ Nikoo na Yesu waka ti hugurai mibangad waka kotsubima diwaki ha ana. ²¹ Bere mele sa mu ko Adamu hautu ado doro tsagharu kiointi saini. Iniko kod harasi diros nu ko Adamu lokoalufokiti laka atsini hirusu kowalaghwalibasl." ²² Kiyaaagiginei Yesu iyatlese mkate nosokofi rini ma nokotsungutu. Sikiyahari nikioo orei. Hee na slaghwa rii." ²³ Iyatlese kikombe nikinaamisi ma nisiki harimisi some nokore kitahhanee. ²⁴ Sikiyahhabu he na tsere rii ta Agano tsere takwta sa hira naaa. ²⁵ Tsoba suhhahhabimu sitahhabasl kara hi laghwalimaki ko mizabibu paka lalasi kakitahha aabo ti kambatlu ko lalaali. ²⁶ Kiyahheesiri raa raamu iyahautiri fendi ta danda ko mizeitunili. ²⁷ Nikioo na Yesu Hunguraa some umpaslimisita asigeli sa ana fana tasaghan difu deemusay ma beu pasimiti. ²⁸ Iniko panda ta slafima wii sugata panda rokini Galilaya khwa." ²⁹ "Petro nosokohhabu, Bere komay na slome ana amawabasla." ³⁰ Nosokohhabu na Yesu "tsoba sohhahhabimu amabi waki konkimo in tseibasl mara njad tlehhiti insiiti mara tamu. ³¹ Iniko Petro iyaroo bere mele uurese gwaara ha kuu osiabasl." slome nikidoso oiyee. ³² Iyakhayee ti hamu takaoooomimiri Gethsemane ma EYsu nikitsahhatimay was oo diti ibitei siwa kafirimi." ³³ Kiyahubu Petro Hohana ha Yakobo diwa haini nikitlatlesi slahhame haekihhima neja. ³⁴ Sikiyahhabu, muna wii slahha me kono jeja kama ghwaara. metei diti la gwitaa." ³⁵ Yesu iyasapu hara panda nikihuu hhapeli nikifirini bere laka litlehhiti siwasi inadahatibasl. ³⁶ Iyaoo taba aaremo slome dirogi efakiyaa. sibatsiti kikombeke. Inikko araslaama webasl fana slaama waga." ³⁷ Iyakiii nikislay in guiyee nikipetro oo "Simoni, andguuti? Amatsinti gula kamato siwa waka? ³⁸ Gulei lafirintaa yaa mare laedafitaa warahhooli. Fana muna iyaaatla iniko slaghwa iyanaaa naaaf." ³⁹ Iyakiii kara nikifirini nikigimba rod looloo ekiii. ⁴⁰ Iyakiii kara nikislay inghaghatiri bere mele ilawaini akoeloo iyakwairibasl doro tahhaba. ⁴¹ Iyakhay mara tamu nisikihhabu, "kahhataa an ghaghatee ha an kwahhasitee? Tambuutu siwa inadahhata. ⁴² Khuumi! Nu ko Adamu ko alufokiti dabai ta kutlakwekomai. Watlawai kwere khuumi kodo koana alufokiti wana tsayuli. ⁴³ Siwa kiyakahhi gimbumamisi Yuda, waka ti kwad mibanjad iyadaha ha hira naaa ti dadirai ka ko makuhani tsaghamusay ha baru hara mapanda ha kijai. ⁴⁴ Siwasi alufokitimo wos sikiya lofhame nikioo kodo kohambaata na ini ohaki loroghintsitaa. ⁴⁵ Siwa Yuda kiyaalai iyafusu harati Yesu nikioo "tsahhatisimo" nokohumbaata. ⁴⁶ Ma nokoolo nokoroghintiyee. ⁴⁷ Iniko waka waini komaghariti daghari rosi iyawaratlese panda woso niki tongimo ko kuhani tlaghafu ea. ⁴⁸ Sikiyahhabu na Yesu "ana khautee lihotaa ara mapunga ha koai ado afatlemusimo". ⁴⁹ Ama balu slome awara diwaki ha hunguraa atsahhatimimisi hekaluli iyaahotei basl. Iniko hee in thehhiti sa tsaghanu liefaka. ⁵⁰ Kwad slome kowawanee ha Yesu kowamay nikifeetiyeee. ⁵¹ Kowagusu na hhawatimo wka iyamkololo aratsuhu unatoniniiitsi iniko kowaoho. ⁵² Iyafatsaghatu mkololo nokomay nikieete haraslaay. ⁵³ Yesu nokohubu harati kuhani dadiri. Haghi iyaku rankuritiyee slome diwaki makuhani diyani garu ha tsaghamusay. ⁵⁴ Petro sle nikiguu hara sige Yesu harati ghuama ta makuhani diyani. Iyaibiti dawaki ha tongimai kiyatiasluli wanei mitsinaali hameri slaya. ⁵⁵ Siwasi makuhani kodiyani slome iyahiru dabalihitiri ko hhapa aaremo ko Yesu lokoga iniko iyaslamineibsasla. ⁵⁶ Bere mele hira slome iyahubiyee iimbo ta lana sa ini iniko hhabi roini sle unasla nghasitibasla. ⁵⁷ Wakinaa iyawatlayee nikilama hhabiyee sa ini nikoiiyee. ⁵⁸ "Owaakhasana oini hekalo takatlahhe hara badai alingi balu tani atlehhe ta hatla takatlehhiyabasla hara dabai." ⁵⁹ Iniko hhabo reini sle unaslanghasitibasla. ⁶⁰ Kuhani dadiri iyaghariti niki Yesu malosa "Aara kontasle? Hira waka mi hhahhabi naa sa ku?" ⁶¹ Iniko gahhaku kiyaoo iyaghabu kokooo. Nokomahasa kara na kuhani kodadiri ku na Kristo nu tokowawaratlese?" ⁶² Yesu iyaoo "naana Ma oanta nu ko Adamu in ibiti daba ko uuyali ko uuru iyakhay hara tlafu ta dawri." ⁶³ Kahani dadi iyaefehhisi ghayro was nikoo kahhana hhabumusay slaana? ⁶⁴ An akhasitei oosli waway wo kini na kalo? Slome kowarawakusu lokogasa. ⁶⁵ Wakinaa nokorotsubaghana hara tsubaghari nokorotsuku panda nokodifu nokoo, "Tsahhi!" Kowahubu na difhisay nokodifu. ⁶⁶ Ha Petro kiyakahhi hhapeli tongimusitaa waka ta makuhani iyakhautu dirosi. ⁶⁷ Kowaani Petro kiyaghariti aslu mitsini noko hhuun nokorosapu nikiooto kusle awantei ha Mnazareti, Yesu. ⁶⁸ Iniko iyasii nikoo, "khuabasl tsatsahhamabas mi ointi ma nikitiiti hara feneli ta ghwa ma. (Aatlisi slahhamaka "konkimo nikitsee" hhaku ti hhabo taansi). ⁶⁹ Iniko tongitao ta hare haghi kowani nikihhabiti sa kwad kowawanee kowagharimitiri disi "Hiruku waka woini." ⁷⁰ Iniko iyasii kara magha kwadi kowadisi ghasi miti kohhaoo Petro, Tsoba ku waka waini fua kusle ko mgalilaya." ⁷¹ Iniko uaghsa ini waka hhape ta lauli ha laoaago "hiruko okhuabasl kohhahhabi ntee." ⁷² Konkimo nikissee ta njad. Petro iyaehorese aa remo tokomaoo na Yesu. "alu ta konkimo tsea mara ngad isiiti mara tamu iyahua hhapei nikiaaaa.