¹ Yesu kiyakhotsitsi hekaluka nokomahas na tsahhamimo wak "tsahhatisimo khuumi tleee wak ha deeri." ² Nosokohhabu deeri wak diyai iarinta? Tlawa hhaku ko meta kama to waka rawa ta makali takaslahhibasl hhapedi.'' ³ Insle iyaibiti rawa elenda ko mizeitunili alu ko hekalu Petro, Yakobo, Yohana ha Andrea nokomahhas hara ghabitino. ⁴ Suhhabiti aaremo wak mahale tlehhitiyaa? Mele slahhan aaremo iyatiimitiyaa?" ⁵ Nisikihhabu na Yesu, "lamaghataa sa hiru we mare tokoawanahi. ⁶ Naaa iyakhayaa hara uma wii lioiyaa ana na ana! tikihhamisi naaa. ⁷ Bere an akhasitee ghwatla tlaamebasl aaremo was iyatiitiyaa, iniki efako kahha. ⁸ Hhape watlawta alu ta hhape waka, ha khambatlu alu ha khambatlu. Tatlehhiti na dadakhawe ta hhape yamu ha yamu ha ghwari. Hee na tlatleso ta ekihhima. ⁹ Lara maghataa kulehhisi paka mabarasali ma kudifu ti masinagogili. Kughatirini panda ta hhapuloeli ha khambatlatlu sa ana ado iimbo diroini. ¹⁰ Iniko ingili ta gasa hhabu ti hhapapu slomeeli. ¹¹ Bere kohini kuharisii mare tlaamute sa todo kahhabitee waay siwasi sukumi haris ta hhaba hunguraebasl naidamsitaa fana mauna ko hhoa. ¹² Dawai dawaimu araghuatlesi lokogasa tata ha mu wos haay ana tata waini alufoki tiyaa likitsuuu. ¹³ Kuwaka na hira slome sa uma wii iniko kokikihhisi sae fako hirusu koroay kowaratles. ¹⁴ Bere aarintee wakay iyhariti yamu takaslaibasl lighariti (kutsahhatisi litsahha), ma kowarai waag Yudali lilakitiyaa hara dandemu. ¹⁵ Akorawa dooli wari mare kiyejukuti hhapeta dooli au gamuwe tlesa kofendili wara. ¹⁶ Ha koghaymoli wri mareliyakiii qayro was awiru. ¹⁷ Iniko haay tika kogurai ha koruumamisaa lalaabi. ¹⁸ Firimei mare litlehhhiti siwa ta slaghwa. ¹⁹ Bere male tatlehhhiti na ekihhima ko dadiri kowawarahhibasl tiita tiita ti tlehha ta fitsimali na lalaa paka hinko hhaku ma iyatii tabasl kara. ²⁰ Paka Dadiro libalu nikwese slaghwa hhaku tameta iniko sa watewe tikielehhi nikwese fari ta lalaa. ²¹ Siwasi bere hiru we sukuhhabu khuumi Kristo wan diti au khuumi haghi wani mare haaru. ²² Fana Wakristo ko lama ha yaaabutay ko lama iyaetiitiyaa lilaghaa aaremo sa lukuawanaha ha sa watealesle. ²³ La maghataa! Suhhabu kwas slome siwa kikahhati. ²⁴ Iniko panda ta ekihhimali lalaawesi tlehemi tarahhamisi tlehhe edaiiyabasl. ²⁵ Titsaoo iyaepahhata dawrika ha uuru kowara dawrili lingilingiti. ²⁶ Ma oasoantaa nu ko Adamu iyarawa dawri dahha hara uuru ha hhoa. ²⁷ Ma eyayaabu malaika was liribabasliyaa wateule was daghero slome tsighha ko fitsima ti efako ko fintisima ka aka efako ko dawri. ²⁸ Utsahhatisitee hara kkhaimo Ado elemi doro kiaslaslay batsa ha looo roso ghasa laasotsahhataa ege sigeli wanabasl. ²⁹ Doro karawara dere aarintee aaremo wak inatiitiyee tsahhei ye tsayuli wan ha ifodoeri. ³⁰ Tsoba suhhahhabimu laghwali ma waka fusi yaabasl hara sige aaremo wak inatiiti ribasl. ³¹ Dawri ha hhapapu fusiyaa iniko gimbarii fusiyaabasl. ³² Iniko sa lalaa ay siwa hhaku kotsahhe kama malaika ko dawri ta nu kobasl tata. ³³ Lamaghataa khuumi sagawe khuutaabas iya mahale tiitiyaa. (Aatlisi slahhama ka la maghataa khuumee ha firmei sa" hhaku ti hhabo ta ansili). ³⁴ Ado hiru koma khotsukay nikidoo was mayi ha botsimo was ghasa litlehhiti ado hiru doo hira slome ara yandanda waini lokoroghaelini tongimo limagha. ³⁵ Hinko maglieli! Bere mele khuutaabasl hiru doo iyamahale kiii doo wosi fana litlehhiti khwwi amasi dira siwa konkimo kitsei au aramatlatle. ³⁶ Bere liyakhag to tsige lokoslayasl aghata. ³⁷ Tado kahhahhabimu dirogi ahhahhabimu sa hira slome Gulei''!