¹ Ma nikitalatlesu na Yesu tsahhatimisu hara mfano, nikioo, "hiru kowa ghaymo ta mizabibu dahamisi nakaeniniiitisi ghawame nikifolo bohonda ko nikitlehhe khaimo ma lakaekwawa qaymo ta mizabibu sa doslimusay ko mizabibu manikihautu hara sige. ² Siwa kiyadalu nokoyaaabu tongimo ti dosle musayli diroina aamu woko ko qaymo ta Mizabibu. ³ Iniko nokoo hoo nokodifu nokomurini tagamuko basl. ⁴ Nikiyaaabu to ngimo woko diroini nokowahhi tini saggali nouwaiisini aaremo ko mure. ⁵ Kahha nikiyaabu kohatla haisisle nokogasa kiyaaiisini wakinaa naaa aaremo ado kwasa kiyadifu wakinaa kiyatsuuu. ⁶ Iyakahha ha hiru wak tongimo nu tokowaslaaa. Insle akoalu kowayaaabu diroini nikioo "muwiii koromuriti." ⁷ Iniko khaymusay unasasahhamitiri inakiloini heke na alimusimo. Hautaree logasana ma alima saandaa." ⁸ Kowabiridafu kowagab nokokwahha ti daghari qaymo ta mizabibu. ⁹ Hinko meleeisi hira qaymo ta mizabibu" Iyakhay lukunsluwa doslimusay ma qaymo kaharisi sa wakinaa. ¹⁰ Aslawinteibasle tsahha tsagharuku? Iyakhay lukun sluwa doslimusay ma qaymo kaharisi sa wakinaa. ¹¹ He uati dadiro dahhat ha taetlokhoosa ila wakini." ¹² Iyadabahiye Yesu lokooho inikoiya hira tlaamutiyee iyaslahhiyee sikiyahhabu inaa doro kiriwanee dosi kowaamay nikihautiyee. ¹³ Ma nikiyaaabiyee Mafarisayo a maherodia sa lokopaslisi hara gimba. ¹⁴ Kiyadahiri nokooiyee tsahhatisimo khwani tuba elehhahhitabaal gimba we laghaghantabasl elehhinu ti hirali. Tsahhatimamisiti amo ta lalaa ti tsobali ta loo buuma kodi hara Kaisaria? Alawana buuma au an-aa? ¹⁵ Iniko Yesu iyatsahha alukihhay woini nikioo, "soay iwarahhantaa? siharisitee dinari lakhuumu." ¹⁶ Nikiyahubiyee wak sa Yesu, nisikihhabu tlaghara komiya nawanaa diti? Mikioiyee ta Kaisari." ¹⁷ Nikioo na Yesu, "harisee gamata kaisari ha gawa ta lalaa ta lalaa. Nosokoetlokhoiyee. ¹⁸ Ma Masadukayo kooaimaa slafima waku sokowadaha Nokomahasiyee nikioiyee. ¹⁹ "Tsatsahhatisimo sokuna tsaghan na Musa tuba bere dawarimo ko hiru liwaa lihare may aluli iniko iyamaybasl haay Hiru hare ta ningoini tlese lilaghwali slawinaa sa ningoini! ²⁰ Iyawanee dawaa fanghu kopanda iyakhabini hare nikigwaa iyamaybasl aay. ²¹ Ma kongad sle iyahubu nikigwaa iyamay basl haay. Hako tamu sle. ²² Ha ko fanghu sle iyagwa iyamay basl haay. Aluko ha haresle nikigwaat. ²³ Siwa ta slagimali bere inaslafiyee kara ma tlehhiti hare ta mira? Fana kwa da hhawate fanghu ahhawate was.'' ²⁴ Kiyaoo na Yesu ma he sagoti tubakuhhamisi sagawe khuutaasla tsagharu hauuru ko lalaa?" ²⁵ Siwa ta slafisoli khabinaabasl edafi yaabasl ti dousali tlehhitiyaa ado malaika ko dawri. ²⁶ Iniko sa kwad tikiyaslafisi untsahhatisitaabasl ti slahhama ko musali ti hhabo ta slabemo doro lalaa kiyaaato nosokohhabu Ana na lalaa ta Abrahamu ha lalaa ta Isaka ha lalaa ta Yakobo. ²⁷ Ini lalaa ta hira kowafakiribasl fana ta hira ko slafaa paata ahhantee." ²⁸ Tsaghaasay wak iyakhay nikiitimisi gimba roini iyaarini Yesu in hhabu taboii. Kowa mahasa na hhabo kalo ta loo ta hatla baaa?" ²⁹ Yesu iyaoo, "Tahhoo na hete akhasi Israeli Dadiro lalaa ror dadiro to wak. ³⁰ Uurutu laslaaat dadiro lalaa rogo hara mona wogo slome hara waway wog slome hara uuru wog slome. ³¹ Hhabi ta njad na hete luslaat hiru ko daghari rogo ado dorokunaraslaa kuwak khaku hhabi ta dadiri ado isi." ³² Tsaghamasay nikioo ta hhoo tsahhatisimu Ahhabiti tsoba tuna lalaa na waka hhaku waka ado ini. ³³ Ini slaama hara muna slome hara waway some ha uuru slome ha slaaama hiru ko daghari rog ado kuwak na tsini heja a tiitesay ko na madhabihu tahhamisa. ³⁴ Siwa Yesu kiyaarini i harisi hhabo ta hoo sokowa hhabu "ku sigeli wantabasl ha khambatlu ko lalaa" Disa hiru hhako kowa mahas kara ara ti Yesuli. ³⁵ Ma Yesu nikioo siwa kiyatsahhatimimisi hekaluli nikioo "tsaghamausay mele oainaa Kristo nu ko Daudi? ³⁶ Daudi lo ti muna ko hhoi iyaoo ama iyaoo ti ddiro wii ibiti ti daba wii ko uuyaa paka tlakumasay wag liiisimu litlehhitiyaa yaa wag. ³⁷ Daudi lo kowaooiibase Kristo, dadiro nu ko Daudi meleli. ³⁸ Komaweitisi hara ghesu na hira kowakumnkuritiyee. ³⁹ Ti tsahhatimisu was Yesu iyaoo "lamaghataa ha tsaghamusay kokwaaama hhotsu ara konzu ta tledeni ha hhotsu ti masokoli. Ha ibima kiteri ko diyanoli ti masinagogili ha neeema ti yamama ta diyanoli. ⁴⁰ Koaaagagimaa ti deeri ko kwaelili ha firoo sima ta tlere sali antaa na hira hira wak ila ohiyaa ekihhima ko dadiri." ⁴¹ Ma Yesu nikiibite hhapeli daghari ta Sauli ko ta sadakali waay hekaluli iyahira khuunu kowa sadaka epahha mimisiri ti sandikoli hira naa hindagheri iyaepahhasiri hela ta dadiri. ⁴² Ma hatahare ta gamu komibasl iyakhaute nikiepahhasiti daghero njad ado senti. ⁴³ Ma nikitsahhatimay wos oo oo nikioo "tsahhe uoimu harete kwautoo iharisiti pesa ta didiri baaa kwa koharimisiri ti sandiko ta sakakali. ⁴⁴ Bere male slome iharimisiyee sadoro uuru woini kirimana. Iniko hatahare kuoaditaoo so ti basle ta gamu wosa iharisiti pesa slome takaslaa takara hototi hota wasi."