¹ Yesu nikiedaf ti botili niktsoot nikidah hhape kiyaibimimiti. ² Ilakhumis nosokowahub hiru iyatsequt kon qatis falali. Kiyaarini arapaa ma awaini Yesu hiru kowatsaquti "Nu wii la qese kont tlakwe rog sokobats." ³ Tlakhumisi hiro ko slheria nukuruhhabiyee inaa kiloin "Hiruku tlakwemamis. ⁴ Yesu ikitsahh waway woin ikioo soay tlakwe wawomamisita monai wakini? ⁵ Kolo naeslahh hhaba tlakwe rog koraslakhan watlawi la khutsit. ⁶ Iniko laehoresitaa nuko Daudi aslay araohiru tlakwe."yao sa dod kowatsaqut" watlawii tlesi fala rog la haat hara aya wog. ⁷ Hiru wod nikiwatlay nikihaut hara aga wos. ⁸ Kwad kiyaarinei dosi iyaetlohhoiyee niki lalaa firinee sa harisa uuru hira wak. ⁹ Ha Yesu kiyafutimiisi hara disi iyaarin hiru tokowaoo oomimin Mathayo, iyaibit ti yamu ko ishuruli insle nikiooo "igusit ana" insle nikiwatlay nokoyus. ¹⁰ Yesu kiyaibiti dooli sa aago nikiyakhayee hira naaa nikiaaginee aago ha Yesu ha tsahhatimusay was. ¹¹ Na yamu Mafarisayo kiyaarinee kwas nikioiyee tsahhatimusai soa tsatsahhatisimo wokin aagin aago ha hira ko tlaku? ¹² Yesu kiyaakhasi dosi insle nikioo "hira ko slago ko hho slaanaabasl qwaslarimo to kwad ko mama aaa. ¹³ Kuhslaa lahautaa lun-tsahhatisi taa namiisn kwaa amu hhoa tlakwe ko basl "Ini ana khaw sa ko yaaamibasl iniko sa kotlakwe komaa. ¹⁴ Ma tsahhatay ko Yohana nikiyakhayee nikoir soay andaa ha mafarisayo tsegagitan iniko tsahhatimay wag tlegagitiyaabasl? ¹⁵ Kikoo na Yesu kwad ko harusi lelehhi saa aslayaa liqutita konaa doro kidiwa ki wani khabumusay? Iniko balu iyakhotsi yaa na yamu khabumusay kowahubu ayoing ma nayamu kitsegiyee. ¹⁶ Hiru hhaka ko qayru ko aabu qasa ti qayro ko ansii aragutla kabats ti fehhita ta qaytu iyatiit ta dadir. ¹⁷ Hira hhaku koqamamitaa gamu ko aabti khosli ta gamuli ko ansii bere liiisinaa kari efehhit gamu utats ma kari tlakut ini magasiti gamu koaabu ti kari ta aabi ma slome tlehhitir ko aabu. ¹⁸ Siwa tisikiyahha hhabibini gimbas na Yesu ilakhumisi dadiro nikiyakhay nikifirin panda rosi in sle nikioo hatirii in hhamahhant ta sigebasl iniko hau eqasi daba wog rawa wog insle hot kara. ¹⁹ Ma na yamu Yesu iwaqarit nakogus ha tsahhatimusay was sle. ²⁰ Ilakhumisi hatihare takatiimimit na tsere kwara njad nikayakhawt tsayuu ha Yesu nakanangus yamu was ko waay. ²¹ Ini iyaoo "bere lanangus anasle. slaumu hhaymu. ²² Yesu nikifokit nakakhun nakoooo "khway la sumuna harisit arapaama wag nihhae siyee harasiwas hathare nikihhaawt. ²³ Yesu kiyadili doo ko ddiroli insle iyaari hira naaa arimo efahhaminaa iya tsots oiinei. ²⁴ Insle nikioo "surukei dita ini kwayla iyagw tibasl ini intoqat. Iniko inaa kowaqesen nokohherit. ²⁵ Ha hira wad tikiyatiitis hara fendi insle nikiedaf dool nakadaba oh khuwayla nikiyawatlawt. ²⁶ Ha gimbabat nikitiit hhape tukii. ²⁷ Yesu kiyafutimimisi disa hhawate njad ko ararimaibasl nokogus iyatsotsoiinee nikioir "ririman hhoa rog nuh ko Daudi. ²⁸ Yesu kiyadahi ti dooli hira wad koaras maibsl nikikhayee dirosi. Ikioo na Yesu yaaantaa ana aslaw?" Inaasle nikioiyee aslawt. ²⁹ Ma Yesu nikinangus ila wain ma nikioo li dos tlehhit dirokin ado arapaama wakin kiriwanee. ³⁰ Ilawain nikigweritiyee. Ma Yesu nikioo khuumei mare hiru tsahhi aarak. ³¹ Iniko hira wak nikihautiyee nikihhahha binee yamu slome ko hhape. ³² Yamu hhawate wad njad kiyahau mimitir ilakhumisi hiru wokko tokowa slahhi na tsaqwa ta tlaku nokowahub ti Yesuli. ³³ Tokowatiit na tsaqwa hiru wodi nikigimbus. Hira niketlokhoir nikioiyee hee iyatiitibasl ti Israeli. ³⁴ Iniko mafarisayo inaoiinee "Ti diyano ko tsaqwali kun-murarid tsaqwa." ³⁵ Yesu nikidah hhapapu slomeli insle nikitsatsahhatimisi ti masinagogili likihhahhabibin injili ta khambutle nikihhaemis mamaeero slome. ³⁶ Kiyailakhumisi hira nisikislahhaa sa iyahangaykinee niki munai kwaiyee iyetlehhitir ado beuu kodeemusay komibasl ³⁷ . Insle nikioo tsahhatimai was "Buuru naii iniko tongimai ko ninina. ³⁸ Dosi tsige firimakin dadiro ko buuma sa liyaaab tongimai ti buulu wos.